Yoshua 20:8 - MUKANDA WA MYIDI MUKULU

⁸ Luseke ludi diba dipatukila lua tshimenga tshia Yeriko, dishiya dia musulu wa Yardene, bavua basungula tshimenga tshia Beshere tshidi mu mpata ya mu tshipeta ya mu buloba bua bena Rubene; tshimenga kabidi tshia Ramote tshidi mu Ngilaade, buloba budibu bapeshe bena Ngade; ne tshimenga tshia Ngolane mu Bashane, buloba budibu bapeshe bena Menashe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Dishiya dia Yadene ku Yeleko ku esete bakasungula Besê wa mu tshihela tshia mu mpata wa tshisamba tshia Bena Lubena, ne Lamota wa mu Gilada wa mu tshisamba tshia Bena Gada, ne Golana wa mu Bashana wa mu tshisamba tshia Bena Manashe.

Yoshua 20:8 ပူးပေါင်းရင်းမြစ်များ

1 Bakalenga 22:6

Nanku, Akabe, mukalenga wa bena Izrayele, kubikidisha bambi bende bonsu bu nkama inayi, ubakonka ne: — Ndi mua kuya kuluangana, bua meme kukuata tshimenga tshia Ramote tshidi mu ditunga dia Ngilaade, anyi tshiena mua kuya? Bambi kuandamuna ne: — Udi mua kuya. Maweja-Nangila neafile tshimenga atshi mu bianza biebe.

2 Bakalenga 8:28

Yorame, muana wa Akabe, ne Akaziya mukalenga wa bena Yuda, kuya mu tshimenga tshia Ramote, mu ditunga dia Ngilaade, bua kuluisha Azayele, mukalenga wa bena Siriya. Mu mvita, bena Siriya kutapa mukalenga Yorame mputa.

Dielulula 3:10

Ke mutuvua bakuate bimenga bionsu bivua pa mikuna, buloba bua Ngilaade ne bua Bashane, too ne ku Salka ne Edreyi, bimenga bia mu bukalenga bua Oge, mu ditunga dia Bashane.

Dielulula 4:43

Ke mena a bimenga ebi: Beshere mu mpata ya mu tshipela bua bena Rubene; Ramote mu ditunga dia Ngilaade bua bena Ngade; Ngolane mu ditunga dia Bashane bua bena Menashe.

Yoshua 20:7

Bena Izrayele kusungula bimenga bia kunyemena: ke Kedeshe udi mu Ngalileya luseke lua mikuna ya Naftali; Shekeme luseke lua mikuna ya Efrayime; ne Kiriyate-Arba uvuabu binyika kabidi Ebrone, luseke lua mikuna ya Yuda.

Yoshua 20:9

Bimenga ebi bavua babisungula bua bena Izrayele ne benyi badi munkatshi muabu banyemenemu. Nanku pavua muntu ushipangana mu mpukapuka, udi mushipangane awu uvua unyema mumusombuedi anu mushindu ewu. Nanku kabawa mua kushipa muntu awu, kabayi banji kumulumbuluisha kudi bena Izrayele to.

Yoshua 21:27

Meku a bena Levi a bena Ngershone bavua bapeta bimenga bibidi, kusangisha ne mpata ya kudishila bimuna. Bimenga abi bivua mu buloba bua bena Menashe bavua basomba luseke ludi diba dipatukila lua musulu wa Yardene. Ke tshimenga tshia Ngolane tshidi mu Bashane, tshia ku bimenga bia kunyemena; ne Beshetera.

Yoshua 21:36

Mu buloba bua bena Rubene, buvua luseke ludi diba dipatukila lua musulu wa Yardene, budi butangilangana ne tshimenga tshia Yeriko, kupetabu kabidi bimenga binayi, kusangisha ne mpata ya kudishila bimuna. Ke tshimenga tshia Beshere, tshidi luseke lua mu tshipela, tshia ku bimenga bia kunyemena; tshia Yakase;

Yoshua 21:38

Mu buloba bua bena Ngade, kupetabu kabidi bimenga binayi, kusangisha ne mpata ya kudishila bimuna. Ke tshimenga tshia Ramote tshidi mu Ngilaade, tshia ku bimenga bia kunyemena; tshia Makanayime;