Yoshua 20:3 - MUKANDA WA MYIDI MUKULU

³ Padi muntu wa munkatshi muenu, ushipa muntu mukuabu mu mpukapuka, kayi mumushipe ku bukole, udi mua kunyemena mu tshimenga tshimue tshia ku bimenga ebi, bua musombuedi kamushipi to.

Mukanda wa Nzambi Dihungila Dikulukulu ne Dihungila Dihia-dihia 2003

³ mushihi wa muntu mukuabo ku mpukahuka anyemenemu; neyikale tshinyemenu tshienu kudi musombuedi.

Yoshua 20:3 ပူးပေါင်းရင်းမြစ်များ

2 Samuele 14:11

Mukaji kuandamuna kabidi ne: — Mukalenga uditshipe mu dina dia Maweja-Nangila Mvidi Mukulu webe bua muntu udi ne bua kusombuela bua lufu lua muananyi, kankengeshi bibi bipite, kashipi muananyi undi mushale nende. Mukalenga Davide kumuambila ne: — Bu mudi Maweja-Nangila ne muoyi, ndi nditshipa ne: nansha lusuki lua muanebe lua ku mutu kaluakumata panshi to.

Lewitiki 4:2

bua amanyishe bena Izrayele ne: “Padi muntu muenze bualu bubi mu mpukapuka, kayi mulonde mikenji ya Maweja-Nangila, numukobolole nunku:

Dibadika 35:12

Mushipianganyi neanyemene mu tshimenga atshi, bua kabamusombuedi, too ne pamulumbuluishabu kudi bena Izrayele.

Dibadika 35:19

Nanku muntu udibu bateka bua kumusombuela, papetaye mushipianganyi awu, amushipe pende.

Dibadika 35:22

“Kadi pikala muntu musakile mukuabu, mumuase tshintu mu mpukapuka, kayi ne muoyi mubi, mumushipe,

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

Yoshua 20:2

bua amanyishe bena Izrayele mikenji eyi ne: — Nusungule bimenga bia kunyemena, bimvua mumane kumanyisha Moshe bua nusungule.

Yoshua 20:4

Padi muntu uvua mushipangane awu mumane kufika mu tshimenga tshia kunyemena, udi wimanyina ku tshibuelelu, muaba udibu balumbuluishila bantu bonsu. Udi umvuija bakulu badi muaba awu, mushindu uvua njiwu mienzeke. Pashishe bakulu badi bamuanyisha bua abuele mu tshimenga, bamuleja muaba udiye mua kusomba.