Yoshua 2:9 - MUKANDA WA MYIDI MUKULU

⁹ Kubambilaye ne: — Ndi mumanye ne: Maweja-Nangila mmumane kunupa ditunga dietu edi. Nudi nutukuatshisha bowa bukole. Bantu bonsu badi anu banutshina.

Mukanda wa Nzambi Dihungila Dikulukulu ne Dihungila Dihia-dihia 2003

⁹ yeye wakambila balume aba ne, Ndi mumanye ne, Yehowa wakanuha buloba, ne buowa buakatukuata bualu buenu ne bena buloba bonso badi batekete-teketê ku mpala kuenu.

Yoshua 2:9 ပူးပေါင်းရင်းမြစ်များ

Genese 35:5

Yakobe ne bonsu bavuaye nabu, kumukabu muaba awu. Mvidi Mukulu kukuatshisha bantu bonsu ba mu bimenga bivua nabu mutumba bowa bukole. Kupangabu mua kulondakaja Yakobe ne bana bende.

2 Samuele 17:10

Diba adi bena mvita bonsu, too ne badi ne bukitu ne muoyi mukole bu nyama wa ntambue, nebatekete mu maboku. Bualu bena Izrayele bonsu mbamanye ne: tatuebe Davide udi muena mvita wa bukitu, kabidi bantu bonsu badiye nabu mbilobu.

2 Bakalenga 5:15

Diakamue, Namane ne bonsu bavuaye nabu kupingana ku nzubu kua muambi Elisha. Namane kuimana kumpala kua muambi, kumuambila ne: — Mpindiewu ndi mumanye ne: pa buloba bujima kakuena Mvidi Mukulu mukuabu to, anu wa bena Izrayele. Nanku ndi nkusengelela: wangate mulambu undi nkupesha ewu.

2 Bakalenga 7:6

Bena Siriya bavua mu mitanda, Maweja-Nangila uvua mumane ibatshinyisha ne mutoyi mukole wa bena mvita, bikale ne nyama ya tubalu ne matempu a mvita. Ke bena Siriya kuambilangana ne: “Yorame, mukalenga wa bena Izrayele, mmumane kufuta bakalenga ba bena Iti ne ba bena Ejipitu bua batume bena mvita babu bua kutuluisha.”

Nehemya 6:16

Pashishe, baluishi betu bavua basombe mu bisamba bivua mutumba netu, kumvua bualu abu, kupetabu bowa ne bundu. Kujadikabu ne: Mvidi Mukulu uvua mutuambuluishe mu mudimu ewu.

Estere 8:17

Ku ditunga dionsu, mu tshimenga tshionsu, ne konsu kuvua mukanda ewu ufika, bena Yuda bavue amu ne disanka. Bavua benzeja didia dinene dia tshibilu. Bantu ba bisamba bikuabu bavua babuela mu tshisumbu tshia bena Yuda, bua bowa buvuabu babakuatshisha kudi bena Yuda.

Yobe 19:25

Kadi ndi mumanye bimpe ne ndi ne muntu udi ungakuila, pa buloba ebu, yeye neambe muaku wa ndekelu.

Misambu 112:10

Padi muntu mubi umona bualu ebu, udi unyingalala, usumakaja menu, ubutuka. Dijinga dia bantu babi nedijimine.

Misambu 115:16

Diulu ndia Maweja-Nangila, nkayende, kadi buloba mmubupeshe bantu.

Ekesode 18:11

Mpindiewu ndi njadika ne: Maweja-Nangila mmupite mvidie yonsu idi bantu batendelela. Mmudileje nanku diba divua bena Ejipitu bakengeshe bena Izrayele bikole.

Ekesode 23:27

“Kadi bonsu badi basue kunuluisha, meme nembakuatshishe bowa, banutshine, bapange mua kunuluisha, banunyeme.

Muambi 8:12

Nanku muntu mubi udi mua kuenza bibi misangu lukama, kushala amu ne muoyi matuku mavule. Ndi mumanye kabidi mudibu bamba ne: “Amu bantu badi batshina Mvidi Mukulu nebapete diakalenga, bualu badi banemeka bumfumu buende.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yeshaya 23:5

Bena Ejipitu nebikale kabidi mu dikenga, padibu bapeta lumu lua bionsu bivua bienzekela tshimenga tshia Tire.

Yirmeya 27:5

Mvua muleje bukole buanyi ne meji anyi, pamvua mufuke buloba, bantu ne nyama bidi bisombamu. Tshindi mufuke, ndi ntshifila kudi muntu undi musue.

Nahume 2:10

Pawulayi biamu bitoke bia mushinga mukole, pawulayi mpawungi! Mu tshimenga mudi bintu bia bungi, bia mushinga mukole, bia mishindu yonsu.

Dibadika 20:14

Patshivua Moshe mu Kadeshe, kutuminaye mukalenga wa bena Edome bantu, bamuambila ne: — Tuetu bana benu bena Izrayele, tudi bakenge bikole. Wewe mene udi mumanye!

Dibadika 20:24

— Arone kakufika mu ditunga dingapesha bena Izrayele nansha. Neafuile muaba ewu, bualu nuvua bantombokele ku mayi a Meriba.

Matayi 20:15

Tshiena mua kuenza mundi musue ne nkanu yanyi anyi? Udi umvua lubabu, bualu ndi ne muoyi muimpe anyi?”

Dielulula 11:25

Muntu nansha umue kakukandamana to. Bantu bonsu nebanutshine, bakuatshike bowa miaba yonsu inudi nupitshila, bu muvua Maweja-Nangila munulaye.

Dielulula 2:25

Kutuadija lelu, nenkuatshishe bisamba bionsu bia pa buloba bowa. Bobu bumvue lumu luenu, nebazakale, banutshina.”

Dielulula 28:10

Bantu ba bisamba bikuabu bionsu nebamone munudi bantu ba Maweja-Nangila, badi bamuenzela mudimu. Nanku nebanutshine.

Dielulula 32:8

Mvidi Mukulu wa bukole buonsu, mmuabanyine bantu matunga. Udi mushindike mikalu ya bisamba, muteke tshisamba tshionsu ku bumfumu bua muena mu diulu.

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Yoshua 2:11

Tuetu bamane kumvua lumu lua bionsu abi, tuvua tupampakana bikole, kakuyi udi mumvue bukole bua kunubunda kabidi to. Bualu Maweja-Nangila Mvidi Mukulu wenu udi Mvidi Mukulu muena kulu ne muena buloba.

Yoshua 2:24

Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Yoshua 2:8

Ke Rakabe kubanda ku musaka wa nzubu wende, bantu babidi abu kabayi banji kulala to.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.

Yoshua 6:2

Nanku Maweja-Nangila kuambila Yoshuwa ne: — Tangila mundi nkupesha tshimenga tshia Yeriko, mukalenga watshi ne bena mvita bende.

Yoshua 9:10

Kabidi tudi bamanye muvuaye mukengeshe bakalenga babidi ba bena Amore bavua dishiya dia musulu wa Yardene. Bakalenga aba ke: Sihone, mukalenga wa Eshebone, ne Oge, mukalenga wa Bashane, uvua musombe mu Ashetarote.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.

Yoshua 9:9

Kuandamunabu ne: — Tuetu tudi bapika bebe. Tudi bafume mutantshi mule. Bualu tudi bamane kumvua lumu lua Maweja-Nangila Mvidi Mukulu webe. Tudi bamanye malu a dikema avuaye muenze mu ditunga dia Ejipitu.

Balombodi 7:14

Mulunda wende kumuandamuna ne: — Tshilota etshi katshiena tshileja bualu bukuabu to, tshidi tshileja anu muele wa mvita wa Ngideyone, muena Izrayele, muana wa Yowashe. Mvidi Mukulu mmumane kujadika bua kutufila mu bianza biende ne mitanda yetu yonsu.