Yoshua 2:6 - MUKANDA WA MYIDI MUKULU

⁶ Kadi Rakabe uvua mumane kubandisha bantu abu mu nzubu wende wa kulu ku musaka. Uvua mubasokoke mu mitshi iwaye muteke kulu aku.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Kadi yeye wakamana kuya nʼabo ku musaka wa nsubu wandi, wakabasokoka muinshi mua mitshi ya lin yakadiye mulonge ha musaka.

Yoshua 2:6 ပူးပေါင်းရင်းမြစ်များ

2 Samuele 11:2

Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

2 Samuele 17:19

Mukaji wa muena nzubu awu, kubuikila tshilamba ku mushiku wa tshiina atshi. Kuadijaye ntete pa tshilamba apu mushindu udi muntu kayi mua kumona tshiina to.

1 Bakalenga 18:13

Mukalenga wanyi Eliya, kabena bakuambila tshimvua muenze pavua mukalenga mukaji Yezabele ushipesha bambi ba Maweja-Nangila anyi? Kabena bakuambila mumvua musokoke bambi lukama mu mbuebue: emu makumi atanu, emu makumi atanu, mbapesha biakudia ne mayi a kunua anyi?

1 Bakalenga 18:4

Pavua mukalenga mukaji Yezabele mushipeshe bambi ba Maweja-Nangila, Obadya uvua mupandishe bambi lukama, mubasokoke mu mbuebue: emu makumi atanu, emu makumi atanu. Mu mbuebue amu, Obadya uvua ubabadila biakudia ne mayi a kunua.

2 Bakalenga 11:2

Kadi, pavuabu bashipa ndelanganyi ayi, nsongakaji mukuabu, muanabu ne Akaziya, dina diende Yosheba, muana wa Yorame mukalenga wa bena Yuda, kusokoka muana wa balume wa muanabu wa balume. Dina dia muana awu, Yowashe. Nsongakaji uvua musokoke muana awu ne ndeji wende mu tshibambalu tshia kulala tshivua ku nzubu wa Mvidi Mukulu. Ataliya kavua mumanye ne: muana wa balume awu, mmushale ne muoyi to.

Ekesode 2:2

Mukaji awu kuimita difu, kulela muana wa balume. Uvua mumone muvua muana ne mubidi muimpe. Kumusokokaye ngondu isatu.

Yirmeya 36:26

Mukalenga kutuma diyi kudi Yerameyele mulombodi wa bena mvita, kudi Seraya, muana wa Azriyele, ne kudi Shelemiya, muana wa Abdeyele, bua bele muambi Yirmeya ne Baruke mufundi mu nzubu wa lukanu. Kadi Maweja-Nangila kusokoka Baruke ne Yirmeya.

Matayi 24:17

Wikala ku musonga wa nzubu, katuluki bua kuangata bidi mu nzubu.

Dielulula 22:8

Panudi nuasa nzubu mupiamupia, nuenze bimana binyungulule musaka wa nzubu awu. Bualu bu muntu mukuluke ku musaka mufue, nenupete tshilumbu.

Kolose 3:3

Bualu nukadi bafue. Muoyi wenu udi musokome pamue ne Kristu munda mua Mvidi Mukulu.

Ebrewu 11:23

Amu bua ditaba diabu, baledi ba Moshe bavua bamusokoke ngondu isatu kunyima kua diledibua diende. Bualu batata bamone ne: muana ewu mmulengele. Nanku kabavua batshina mukenji wa mukalenga nansha.

Yakobe 2:25

Ke muvua Mvidi Mukulu mubingishe kabidi Rakabe, mukaji muena tshiendenda, bua bivuaye muenze. Bualu uvua muakidile bimpe batentekedi ba bena Yuda, mubanyemeshile ku njila mukuabu.

Yoshua 2:5

Mbamane kumuka kuanyi, ku mesu ku-kavua kufika, diba divuabu bakeba kukanga biibi bia tshimenga. Tshiena mumanye muaba udibu baye to. Nuenu bambuluja, nudi mua kubapeta mu njila.

Yoshua 2:7

Bantu bavua mukalenga mutume kulondakaja batentekedi mu njila. Amu bobu bapatuke mu tshimenga, kukangabu tshiakabidi tshiibi tshia tshimenga. Nanku, kuipatshilabu batentekedi, balonda njila udi muye ku tshisabu tshia musulu wa Yardene.

Yoshua 2:8

Ke Rakabe kubanda ku musaka wa nzubu wende, bantu babidi abu kabayi banji kulala to.

Yoshua 6:25

Yoshuwa uvua mulame Rakabe, mukaji muena tshiendenda, ne bonsu bavuaye nabu, ne muoyi. Bualu mukaji awu, uvua musokoke bantu bavua baye kutentekela tshimenga tshia Yeriko. Nanku Rakabe kusomba munkatshi mua bena Izrayele, ndelanganyi itshidi isombamu too ne mpindiewu.