Yoshua 2:3 - MUKANDA WA MYIDI MUKULU

³ Nanku kutuminaye Rakabe diyi, umuambila ne: — Rakabe, patula bantu balume badi bafike kuebe bua kutentekela ditunga, utupeshebu.

Mukanda wa Nzambi Dihungila Dikulukulu ne Dihungila Dihia-dihia 2003

³ Mukelenge wa Yeleko wakatumina Lahaba dî ne, Hatula balume bakulua kudi, bakubuela mu nsubu muebe; bualu bua bobo bakulua bua kutentekela buloba buonso.

Yoshua 2:3 ပူးပေါင်းရင်းမြစ်များ

Genese 38:24

Kupita anu ngondu isatu muntu kampande kuambila Yuda ne: — Tamare, mukaji wa muanebe, ukadi mudisombele. Kabidi udi mumane kuimita ne difu. Yuda kutuma diyi ne: — Bamupatule pa mbelu, bamoshe mu kapia, abutuke.

Genese 42:31

Tuetu kumuandamuna ne: “Tuetu katuena batentekedi. Tudi bantu ba nsongu.

2 Samuele 10:3

balombodi ba mu bukalenga bua bena Amone kuambila mfumuabu Anune ne: — Udi wela meji ne: Davide mmutume balombodi ba mu bukalenga buende anu bua kukusamba bua lufu lua tatuebe anyi? Mmubatume bua kutentekela tshimenga etshi, bua kutshikuatabu dituku dikuabu.

2 Samuele 17:20

Bantu bavua Absalome mutume kufika ku nzubu kua mukaji awu, kumukonka ne: — Akimase ne Yonatane badi penyi? Mukaji kuandamuna ne: — Bakadi bamane kupitshila ku tshiina tshia mayi. Bantu bavua Absalome mutume, kukeba Yonatane ne Akimase, kupanga. Kupinganabu mu Yerushalayime.

1 Kulondolola 19:3

balombodi ba mu bukalenga bua bena Amone, kuambila mukalenga wabu Anune ne: — Udi wela meji ne: Davide mmutume balombodi ba mu bukalenga buende amu bua kunemeka tatuebe ne kukusamba mu madilu a tatuebe anyi? Mmubatume bua bendakane mu ditunga, baditentekela bua badikuate dituku dikuabu.

Yobe 21:30

Padi dikenga difika, kadiena dikuata muena malu mabi. Tshiji tshia Mvidi Mukulu katshiena tshimulenga to.

Lewitiki 24:14

— Ipatayi muntu awu mu mitanda. Bantu bonsu bavua bumvua nuwuaye ungela nsenda, nebatenteke bianza biabu pa mutu pende. Pashishe bena Izrayele bonsu bamuase mabue, bamushipe.

Yowanane 19:4

Pilate kupatuka tshiakabidi, kuambila bantu ne: — Telejayi. Ndi nnupatuila muntu ewu pambelu, bua numanye ne: tshiena musangane bualu nansha bumue bundi mua kufundila muntu ewu tshibawu.

Bienzedi 12:4

Bamane kukuata Petro, Erode kumuelesha mu lukanu. Kutekaye basolayi bisumbu binayi, basolayi banayi banayi ku tshisumbu, bua bamulame, bakombolangana. Uvua musue kumulumbuluisha ku mesu a bantu, pajika tshibilu tshia Dipita dia Maweja-Nangila.

Bienzedi 12:6

Dia muladilu wa dituku divua Erode musue kumulumbuluisha ku mesu a bantu, Petro uvua mulale munkatshi mua basolayi babidi. Bavua bamusuike ne nkanu ibidi. Basolayi bakuabu bavua balama tshiibi tshia ku nzubu wa lukanu.

Yoshua 10:23

Bena Izrayele kukumbaja bionsu abi. Kumutuadilabu mukalenga wa mu Yerushalayime, wa mu Ebrone, wa mu Yarmute, wa mu Lakishe, ne wa mu Eglone.

Yoshua 2:2

Mukalenga wa bena Yeriko, kumvua muvua bena Izrayele babidi bafike mu tshimenga butuku, bua kutentekela mudi ditunga.

Yoshua 2:4

Rakabe kumuka ne bantu babidi abu, kubasokoka. Pashishe kuandamunaye ne: — Bantu balume bavua bafike kuanyi bulelela. Kadi tshivua mumanye kuvuabu bafume to.

Balombodi 4:20

Ke Sisra kumuambila ne: — Wimane mu mushiku wa mbelu wa ntenta. Pikala muntu mufike bua kukukonka ne: “Muntu udi mu ntenta emu anyi,” umuandamune ne: “Muntu kenamu to.”