Yoshua 2:19 - MUKANDA WA MYIDI MUKULU

¹⁹ Padi muntu upatuka mu nzubu muebe, udi udikebela lufu. Tuetu netuikale babinge. Kadi padibu babunda muntu udi mubuele mu nzubu muebe, tshilumbu tshia muntu awu tshidi pambidi petu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kadi muntu yonso udi uluhuka ku bibi bia nsubu webe, Uyaya mu misesu, mashi andi neikale ha mutu handi, ne tuetu netubinge; ne muntu yonso udi wikala nʼebe mu nsubu, mashi andi neikale ha mitu hetu, biamulengabo tshianza.

Yoshua 2:19 ပူးပေါင်းရင်းမြစ်များ

2 Samuele 1:16

Davide kuela muena Amaleke awu lusanzu ne: — Wewe nkayebe udi mudikebele lufu. Udi mumane kudienzela bibi, bualu udi ujadika ne: “Meme ke udi mushipe mukalenga uvua Maweja-Nangila musungule.”

2 Samuele 4:11

Kadi nuenu bantu bena buenzayi, badi bashipa muntu kayi ne bualu, muikale mu nzubu wende, mulale pa bulalu buende, meme ndi mua kunuenzela tshinyi? Ndi nnunyoka bua dishipangana dienu. Ndi nnumusha pa buloba kashidi.

1 Bakalenga 2:32

Bualu Abnere, muana wa Nere, mfumu wa bena mvita ba bena Izrayele, ne Amasha, muana wa Yetere, mfumu wa bena mvita ba bena Yuda, bavua bantu ba nsongu bapite Yowabe. Kadi Yowabe uvua mubashipe, tatu wanyi Davide kayi mumanye. Nanku Maweja-Nangila nkayende neasombuele Yowabe bua bantu aba bavuaye mushipe!

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Ekesode 12:22

Nuangate mabeji a mutshi wa isope. Nuatue mu mashi adi mu dilongu. Nulabe mashi awu ku dibaya didi kulu kua tshiibi ne ku mabaya adi ku nseke yatshi. Kabidi nushale anu ku nzubu yenu too ne muatshia butuku. Muntu kapatuki to.

Ekesode 12:23

Papita Maweja-Nangila bua kushipa bena Ejipitu, neamone mashi adi kulu kua tshiibi ne ku mabaya adi ku nseke yatshi. Nanku Maweja-Nangila kakuitaba bua mushipianganyi udiye mutume abuele mu nzubu yenu bua kunushipa to.

Lewitiki 20:11

“Muntu udi ubuelela mukaji wa tatuende mu nzubu, udi ufuisha tatuende bundu. Nanku bashipe mulume ne mukaji awu. Bualu mbena tshibawu, bavua badikebela lufu.

Lewitiki 20:9

“Muntu yonsu udi utshipa tatuende nansha mamuende, badi ne bua kumushipa. Yeye nkayende ke udi mudikebele lufu, bualu udi utshipa baledi bende.

Matayi 24:17

Wikala ku musonga wa nzubu, katuluki bua kuangata bidi mu nzubu.

Bienzedi 18:6

Kadi bena Yuda bavua bamuluisha, bamupenda. Nanku Polu kubanyukuila bilamba biende, ubamba ne: — Panuikala bajimine, nuambe ne: tudi badijimije nkayetu. Meme tshiena ne bualu. Bituadija ku lelu, nenye kudi bantu ba bisamba bikuabu.

Bienzedi 20:26

Ke pandi nnujadikila lelu ne: pikala muntu wa kunudi ujimina, tshilumbu tshiende katshiena tshinkuata to.

Bienzedi 27:31

Ke Polu kuambila mulombodi ne basolayi ne: — Pikala bantu aba kabayi bashala mu majuwa, kanuena nupanda to.

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

Ebrewu 10:29

Nenku muntu udi upetula Muana wa Mvidi Mukulu, umona mashi a ndondu wa Mvidi Mukulu a wabu bamukobolola nawu bu tshintu tshia tshianana, upenda Mueyelu wa Mvidi Mukulu udi mutunange, nebamuenzele tshinyi? Nudi mua kujadika ne: badi ne bua kumunyoka bikole bipite!

Yoshua 2:12

Kadi mpindiewu, nuditshipe bualu buanyi kudi Maweja-Nangila ne: nenufuile bena diku dianyi luse, bu mundi munuenzele bimpe. Numpeshe tshintu tshidi mua kunjadikila patoke binudi nuamba.

Yoshua 2:14

Batentekedi abu kumuandamuna ne: — Tudi baditshipa kuudi. Tuetu katuyi bakumbaje bitudi tukulaya, Maweja-Nangila atushipe, kadi amu wewe kuyi muambile muntu tshitudi bavuile munemu. Nanku, padi Maweja-Nangila utupa ditunga edi, netukumbaje tshitudi bakulaye. Netukufuile luse.

Yoshua 2:20

Kadi wewe mumanyishe bantu mutudi bafike munemu, bionsu biudi mutuambe tuetu baditshipe ebi mbifue.