Yoshua 2:12 - MUKANDA WA MYIDI MUKULU

¹² Kadi mpindiewu, nuditshipe bualu buanyi kudi Maweja-Nangila ne: nenufuile bena diku dianyi luse, bu mundi munuenzele bimpe. Numpeshe tshintu tshidi mua kunjadikila patoke binudi nuamba.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku, ndi nnusengelela ne, Nuditshihe kudi Yehowa bua bualu buanyi bu munakunuenzela bimpe, nuenu kabidi nungenzele meme ne nsubu wa tatu wanyi bimpe, numpe bianyi tshieya tshilelela;

Yoshua 2:12 ပူးပေါင်းရင်းမြစ်များ

Genese 21:23

Nanku, uditshipe mpindiewu kumpala kua Mvidi Mukulu ne: tshiakuenzela Abimeleke, bana bende ne ndelanganyi yende bibi to. Kadi ungenzele meme, ne bena ditunga dianyi diudi usomba, bimpe mumvua mukuenzele.

Genese 24:3

uditshipe mu dina dia Maweja-Nangila, Mvidi Mukulu wa diulu ne buloba, bualu kuena mua kukebela muananyi Izake mukaji wa mu ditunga dia Kenaane mundi muase emu to.

Genese 24:9

Muena mudimu kukuata muinshi mua tshibelu tshia mfumuende Abrahame, uditshipa bua kukumbaja bionsu bivua mfumuende mumutume bua kuenza.

Genese 40:14

Pawapingana ku mudimu webe, umvuluke, ungakuile kudi mukalenga wa bena Ejipitu, bua ampatule mu nzubu wa lukanu emu.

2 Kulondolola 36:13

Mukalenga Nebukadnesare uvua mulombe mukalenga Sedekiya bua amuitabe, aditshipe, atele dina dia Maweja-Nangila. Kadi, nansha Nebukadnesare muenze nanku, Sedekiya uvua amu mumutombokele. Uvua ne tshitunu, mubenge mushidishe, kayi musue kupingana kudi Maweja-Nangila Mvidi Mukulu wa bena Izrayele.

Estere 8:6

Mundi mua kumona bashipa bana betu, tshiyi ngenza bualu mbishi? Mundi mua kutangila ne mesu babutula bantu ba tshisamba tshietu mbishi?

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Yirmeya 12:16

Bena mutumba bavua balongesha bantu bua baditshipe mu dina dia mvidie Baale. Kadi pikalabu balonge mua kuenza malu mimpe, adi bantu banyi ne bua kuenza, pikalabu bamanye mua kuditshipa bamba ne: “Ndi nditshipa mu dina dia Maweja-Nangila udi ne muoyi…”, nembape muaba wabu munkatshi mua bantu banyi.

Marke 14:44

Yudase uvua mutangile Yezu tshitungu uvua mumane kuambila bantu abu tshimanyinu tshivuaye ne bua kubaleja ne: “Muntu ungela mu tshitupa awu ke yeye unudi nujinga. Numukuate, nuye nende bamulame bimpe.”

Rome 1:31

Kondu kabu ka munda kakena kabapisha ku bualu nansha bumue. Kabena bakumbaja bidibu balaya. Badi ne muoyi mupape, kabayi bafuila bantu luse.

1 Timote 5:8

Padi muntu kayi ulama bena diende, nangananga badiye nabu mu nzubu umue, mmuvile ditaba. Udi mupite ku bubi muntu udi kayi mumanye Mvidi Mukulu.

Yakobe 2:13

Bualu muntu uvua kayi mufuile muanabu luse, Mvidi Mukulu neamulumbuluishe, kayi umufuila luse. Muntu uvua muleje luse, udi mua kutekemena luse kudi Mvidi Mukulu, mumukosedi wa nsambu.

Yoshua 2:13

Nundaye bua kupandisha baledi banyi, bana betu ba balume ne ba bakaji, too ne bena meku etu bonsu. Kanuanyishi bua batushipe to.

Yoshua 2:18

Kadi wewe enza nunku: patudi tukuata ditunga edi, usuike muonji mukunze ewu ku dididishi, muaba uudi mututuluile ewu. Nanku nudisange bonsu mu nzubu muebe, ne baledi bebe, bana benu ba balume ne ba bakaji, ne bena diku dienu bonsu.

Yoshua 2:19

Padi muntu upatuka mu nzubu muebe, udi udikebela lufu. Tuetu netuikale babinge. Kadi padibu babunda muntu udi mubuele mu nzubu muebe, tshilumbu tshia muntu awu tshidi pambidi petu.

Yoshua 6:22

Yoshuwa kuambila bantu babidi bavua batentekela tshimenga tshia Yeriko ne: — Ndayi kua Rakabe, mukaji muena tshiendenda. Numupatule mu nzubu amu ne bena diende bonsu, ne bapika, bu munuvua bamane kuditshipa kudiye.

Yoshua 9:15

Yoshuwa kutua nabu ndondu mu ditalala, ubajadikila ne: katuena tunushipa to. Ke balombodi ba bena Izrayele kuditshipa, bajadike ndondu awu.

Balombodi 1:24

Bantu bakuabu batume, kumonabu muntu upatuka mu tshimenga atshi. Kumulombabu ne: — Utuleje muaba wa kubuelela mu tshimenga etshi. Nanku netukuenzele bimpe.

1 Samuele 30:15

Davide kumukonka ne: — Udi mua kumfikisha muaba udi bivi abu anyi? Muntu awu kuandamuna ne: — Nenkufikishe kudibu paudi ujadika, uditshipa kumpala kua Mvidi Mukulu muudi kuyi musue kunshipesha, kuyi nansha musue kumfila kudi mfumu wanyi.