Yoshua 2:11 - MUKANDA WA MYIDI MUKULU

¹¹ Tuetu bamane kumvua lumu lua bionsu abi, tuvua tupampakana bikole, kakuyi udi mumvue bukole bua kunubunda kabidi to. Bualu Maweja-Nangila Mvidi Mukulu wenu udi Mvidi Mukulu muena kulu ne muena buloba.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hatuakunvua lumu alu, mitshima yetu yakahandika, kakuena muntu umue udi mushale ne dikima mu mutshima wandi bualu buenu; bualu bua Yehowa, Nzambi wenu, udi Nzambi wa mu diulu ne ha buloba kabidi.

Yoshua 2:11 ပူးပေါင်းရင်းမြစ်များ

1 Bakalenga 8:60

Nanku, bantu ba bisamba bionsu bia pa buloba, nebamanye ne: Maweja-Nangila ke Mvidi Mukulu, kakuena mukuabu to.

2 Bakalenga 5:15

Diakamue, Namane ne bonsu bavuaye nabu kupingana ku nzubu kua muambi Elisha. Namane kuimana kumpala kua muambi, kumuambila ne: — Mpindiewu ndi mumanye ne: pa buloba bujima kakuena Mvidi Mukulu mukuabu to, anu wa bena Izrayele. Nanku ndi nkusengelela: wangate mulambu undi nkupesha ewu.

Nehemya 6:16

Pashishe, baluishi betu bavua basombe mu bisamba bivua mutumba netu, kumvua bualu abu, kupetabu bowa ne bundu. Kujadikabu ne: Mvidi Mukulu uvua mutuambuluishe mu mudimu ewu.

Estere 8:17

Ku ditunga dionsu, mu tshimenga tshionsu, ne konsu kuvua mukanda ewu ufika, bena Yuda bavue amu ne disanka. Bavua benzeja didia dinene dia tshibilu. Bantu ba bisamba bikuabu bavua babuela mu tshisumbu tshia bena Yuda, bua bowa buvuabu babakuatshisha kudi bena Yuda.

Misambu 102:15

Tuetu bantu bebe tudi banange mabue ende, tudi tumvua luse bua nzubu yende idi mishale bibuwa.

Misambu 22:14

Idi ibutula mukana, ikeba kundia, idila bu nyama ya ntambue ya tshikisu!

Misambu 58:7

Mvidi Mukulu wanyi, ubapole menu. Maweja-Nangila, zaza bibanga bia ntambue ayi.

Misambu 83:18

Bundu ne bowa bibakuate tshiendelele, ditekemena diabu dijimine, bafue menemene.

Ekesode 15:14

Bantu kumvua lumu alu, kuzakala! Bena Peleshete kukuatshika bowa.

Ekesode 15:15

Bamfumu ba bena Edome kutshina! Bilobu bia bena Mowabe kuzakala! Bena Kenaane kupanga tshia kuenza.

Yeshaya 13:7

Ke padi bonsu bateketa mu maboku, kabayi dikanda.

Yeshaya 19:1

Badi bamanyisha malu adi atangila “Ejipitu”. Maweja-Nangila ukadi ufika mu Ejipitu, muimane pa divuba didi diya lukasa. Mvidie ya tshianana ya mu Ejipitu, neizakale kumpala kuende. Bena Ejipitu nebatekete mu maboku.

Yezekiyele 21:15

Mbausakishe bua kushipa bantu. Mbaupele, mbausukule bua wengelele, wele nsese.

Nahume 2:10

Pawulayi biamu bitoke bia mushinga mukole, pawulayi mpawungi! Mu tshimenga mudi bintu bia bungi, bia mushinga mukole, bia mishindu yonsu.

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Dielulula 20:8

Pashishe balombodi ba bena mvita nebambe kabidi ne: “Pikala muntu kayi ne muoyi mukole, utshina, mbimpe apingane kuende. Bualu udi mua kupumbisha bakuabu mua kuluangana.”

Dielulula 4:39

Kutuadijila lelu, nuele meji, nujadike ne: Maweja-Nangila udi anu Mvidi Mukulu nkayende mu diulu ne pa buloba. Kakuena mvidie mukuabu to, amu yeye.

Yoshua 14:8

Kadi bantu batuvua baye nabu, bavua batekesha bena Izrayele mu maboku. Amu meme mvua muleje patoke mundi muitabe Maweja-Nangila Mvidi Mukulu wanyi muanyi muonsu.

Yoshua 2:24

Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Yoshua 5:1

Bakalenga bonsu ba bena Amore, bavua base luseke ludi diba dibuelela lua Yardene, ne bakalenga ba bena Kenaane bavua base ku muelelu wa Mayi manene a pankatshi pa matunga, kumvuabu lumu ne: Maweja-Nangila mmumishe mayi a musulu wa Yardene, bua bena Izrayele basabuke. Nanku bobu kupampakana bikole, kutshinabu bena Izrayele, kabayi kabidi ne dikima dia kubaluisha to.

Yoshua 7:5

Bena Ayi kushipa bena Izrayele bu makumi asatu ne basambombu. Kulondakajabu bakuabu biangatshile ku tshiibi tshia ku tshimenga tshia Ayi too ne ku musoku wa Shebarime. Kupuekabu benda bipata bena Izrayele. Ke bena Izrayele kupampakana bikole, kuteketa mu maboku.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.

Didimanyisha 6:16

Kadi bavua bambila mikuna ne mbuebue ne: “Tupukilayi, nutusokoke, bua udi musombe mu nkuasa wa butumbi katumonyi, bua tshiiji tshia Muana wa mukoku katshifiki kutudi.