Yoshua 2:1 - MUKANDA WA MYIDI MUKULU

¹ Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Mukanda wa Nzambi Dihungila Dikulukulu ne Dihungila Dihia-dihia 2003

¹ Yoshua, muana wa Nuna, wakatuma batentekedi babidi ku Shitima mu musokoko, wakabambila ne, Yai, nutangile buloba, ne Yeleko. Bobo bakaya, bakabuela mu nsubu wa mukashi muena tshiendenda dina diandi Lahaba, bakalalamu.

Yoshua 2:1 ပူးပေါင်းရင်းမြစ်များ

Genese 42:16

Nanku tumayi muntu umue wa kunudi, aye kumukeba. Kadi nuenu badi bashale, nubuele mu nzubu wa lukanu. Ke mundi mua kujadika ne: binudi bambe mbia bushuwa. Padibi kabiyi nanku, ndi njadika ne mutshipu ne: bu mudi mukalenga wa bena Ejipitu ne muoyi, nudi batentekedi.

Genese 42:9

Yozefe kuvuluka bilota bivuaye mulotele bana babu. Kubambilaye ne: — Nuenu nudi batentekedi. Nudi bafike munemu bua kumanya miaba ya kubuelela ne mvita mu ditunga edi.

Mika 6:5

Bantu banyi, nuvuluke mianda ya kale! Balake, mukalenga wa bena Mowabe, uvua muele meji a kunuenzela bibi. Nuvuluke bivuabu bamuandamune kudi Balaame, muana wa Beyore. Pashishe mvua muende nenu, biangatshile ku Shitime too ne ku Ngilgale. Nanku nuvua bamone malu mimpe, andi meme Maweja-Nangila munuenzele.”

Dibadika 13:1

Maweja-Nangila kuambila Moshe ne:

Dibadika 13:2

— Usungule mukulu umue ku tshisamba tshionsu tshia bena Izrayele. Utume bakulu aba bua batentekele ditunga dia bena Kenaane, dindi mpesha bena Izrayele.

Dibadika 25:1

Bena Izrayele kusomba mu Shitime. Muaba awu kutuadijabu kuenda buendenda ne bakaji ba bena Mowabe.

Dibadika 33:49

Kuasabu mitanda yabu mu mpata ya Mowabe, pabuipi ne musulu wa Yardene, pankatshi pa Bete-Yeshimote ne Abele-Shitime.

Matayi 1:5

Salmone ne mukajende Rakabe kulela Bowaze. Bowaze ne mukajende Rute kulela Obede. Obede kulela Ishayi.

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.

Efeze 5:5

Numanye bimpe ne: bena buendenda, bena buenzavi, nansha bena bukonkotu, kabena mua kubuela mu Bukalenga bua Kristu, ne bua Mvidi Mukulu. (Nansha muena bukonkotu udi amu muntu udi utendelela mvidie).

Ebrewu 11:31

Amu bua ditaba, Rakabe, mukaji muena tshiendenda, kavua mufue pamue ne bena tshimenga bavua babenge Mvidi Mukulu, bualu mukaji awu uvua muakidile batentekedi ne muoyi muimpe.

Yakobe 2:25

Ke muvua Mvidi Mukulu mubingishe kabidi Rakabe, mukaji muena tshiendenda, bua bivuaye muenze. Bualu uvua muakidile bimpe batentekedi ba bena Yuda, mubanyemeshile ku njila mukuabu.

Yoshua 1:18

Muntu yonsu udi ukutombokela, ubenga mua kutumikila biudi wamba, nebamushipe. Kadi wewe kolesha muoyi. Kutekeshi mu maboku to!

Yoshua 2:2

Mukalenga wa bena Yeriko, kumvua muvua bena Izrayele babidi bafike mu tshimenga butuku, bua kutentekela mudi ditunga.

Yoshua 21:31

tshia Elkate, ne tshia Rekobe.

Yoshua 3:1

Yoshuwa ne bena Izrayele kumuka mu Shitime ne dinda dionsu. Kupuekelabu ku muelelu wa Yardene. Kuasabu mitanda yabu muaba awu, bindile mua kusabuka.

Yoshua 5:10

Bena Izrayele kuasa mitanda mu Ngilgale. Matuku dikumi ne anayi a ngondu, dilolu, mu mpata udi pabuipi ne tshimenga tshia Yeriko, kuenzabu tshibilu tshia Dipita dia Maweja-Nangila.

Balombodi 1:23

Kutumabu bantu bangabanga bua kutentekela tshimenga atshi, tshivuabu binyika Luze tshikondu atshi.

Balombodi 18:14

Bena mvita batanu bavwa bamane kutentekela buloba bua Layishe, kuambilabu balunda babu ne: — Numanye ne: ku nzubu eyi, kudi nzubu mukuabu muikale ne lupingu, ne bintu bia kubuka nabi. Mudi kabidi lupingu lukuabu lua tshiamu tshienguluke. Nuenu nkayenu nujadike tshinudi ne bua kuenza.

Balombodi 18:17

Bantu batanu bavua bamane kutentekela ditunga abu bamane kubuela mu nzubu, kuambulabu mpingu yonsu ivuamu, kabidi ne bintu bia kubuka nabi, ne lupingu lua tshiamu tshienguluke. Mutuangaji uvua muimane mu mushiku wa mbelu pamue ne bena mvita nkama isambombu.

Balombodi 18:2

Nanku bena Dane kusungula munkatshi muabu bantu balume batanu bavua ne dikima. Bantu abu bavua bumukila mu bimenga bia Sora ne Eshetayole, bua kuya kutentekela ditunga bimpe. Bantu balume abu kufika mu buloba bua mikuna ya Efrayime. Kuimanabu pabuipi ne kua Mika.