Yoshua 19:32 - MUKANDA WA MYIDI MUKULU

³² Buloba basambombu buvua Yoshuwa mutshinke, uvua mubupeshe bena tshisamba tshia Naftali, bilondeshile muvua meku abu.

Mukanda wa Nzambi Dihungila Dikulukulu ne Dihungila Dihia-dihia 2003

³² Buhianyi bisambombo buakadi bua tshisamba tshia Bena Nafatale ku meku abo.

Yoshua 19:32 ပူးပေါင်းရင်းမြစ်များ

Genese 35:25

Bila mukaji mupika wa Rakele uvua mulele bana ba balume babidi: ke Dane ne Naftali.

Genese 49:21

Naftali udi nyama wa ntole, wendakana miaba yonsu, ulela bana bimpe batambe.

1 Bakalenga 4:15

Akimase, uvua ulombola buloba bua bena Naftali (Yeye kabidi uvua musele muana wa mukalenga Shelomu, diende Basmate).

Yezekiyele 48:3

Buloba bua bena Naftali nebutuangane ne buloba bua bena Ashere.

Dibadika 26:55

Kadi, nansha biobi bikale nanku, utshinke bua kujadika muaba udi tshisamba tshionsu mua kupeta.

Matayi 4:13

Kadi kavua mushale mu Nazarete to. Kuyaye kusomba mu Kefamawume, tshimenga tshiyuabu base ku muelelu wa Dijiba dinene dia Ngalileya, mubuloba bua Zebulone ne bua Naftali.

Dielulula 33:23

Moshe kuela ndelanganyi ya Naftali lupemba, wamba ne: “Maweja-Nangila mmuele Naftali lupemba, mumusankishe ne bintu bivule. Ditunga diende nedialabale, diye kuinshi muditunga, diye kabidi luseke ludi diba dibuelela!”

Yoshua 19:31

Bionsu ebi bivua mu buloba buvua bena Ashere bapeta, bilondeshile muvua meku abu.

Yoshua 19:33

Mukalu wabu uvua utuadijila kuinshi ku Elefe ne ku mutshi wa lusanga wa ku Sananime. Uvua upitshila ku Adami-Nekebe ne Yabneyele, ufika ku Lakume, ushikidila ku musulu wa Yardene.

Balombodi 1:33

Bena Naftali kupangila mua kuipata bena Kenaane bavua base mu Bete-Shemeshe ne Bete-Anate. Ke pavua bena Naftali ne bua kuasa munkatshi mua bena Kenaane ba mu ditunga. Kadi bena Naftali bavua anu babenzeja midimu mishilangane.

Balombodi 4:6

Dituku dikuabu, Debora kubikidisha Barake, muana wa Abinoyame, uvua usomba mu Kadeshe mu buloba bua Naftali. Debora kuambila Barake ne: — Teleja tshidi Maweja-Nangila Mvidi Mukulu wa bena Izrayele ukuambila bua kuenza: “Uye kusungula bantu balume binunu dikumi ku tshisamba tshia Naftali, ne tshia Zebulone. Uye nabu pa mukuna wa. Tabore.