Yoshua 18:6 - MUKANDA WA MYIDI MUKULU

⁶ Kadi nujadike bimpe mushindu udi bitupa bikuabu muana mutekete bia buloba abu. Nupingane bua kungambila bionsu binuikala bamone. Kadi muaba udi Maweja-Nangila Mvidi Mukulu wetu ke undi meme mua kutshinkila bua kumanya tshitupa tshia buloba tshidibu mua kuangata kudi tshionsu tshia ku bisamba bienu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nuenu nenutahulule buloba bituha bituha muanda mutekete, nenungambile bu munuakenza; meme nennuelele nshobo ku mesu kua Yehowa, Nzambi wetu.

Yoshua 18:6 ပူးပေါင်းရင်းမြစ်များ

Misambu 105:11

pavuaye umuambila ne: “Ndi nkupesha ditunga dia Kenaane bu bumpianyi buebe ne bua ndelanganyi yebe.”

Nsumuinu 16:33

Bantu badi batshinka bidi mua kuenzeka, kadi Maweja-Nangila ke udi ushindika bualu muende mudiye musue.

Nsumuinu 18:18

Padibu batshinka, baneme babidi badi ku tshilumbu, badi mua kumvuangana, kulekela matandu.

Dibadika 33:54

Bua nuenu kuabanyangana ditunga edi, nutshinke muaba udibu mua kuasa kudi bisamba bienu ne meku enu. Diku dionsu, nedipete muaba, bilondeshile bungi ba bantu badimu. Bantu banyishe muaba udibu babapesha, bilondeshile munuikala batshinke.

Dibadika 34:13

Moshe kuambila bena Izrayele mikenji eyi. Pashishe kubambilaye kabidi ne: — Ditunga edi ke didi Maweja-Nangila muambe bua tutshinke, tuabanyine bisamba tshitema bia bena Izrayele, ne tshitupa tshia tshisamba tshia bena Menashe.

Bienzedi 13:19

Kubutulaye bisamba muanda mutekete mu buloba bua Kenaane. Kufilaye buloba buabi kudi bantu bende ne: mbuenu.

Yoshua 14:2

Bu muvua Maweja-Nangila muambile Moshe, bavua batshinka bua kumanya maloba avuabu mua kupesha bisamba bia bena Izrayele tshitema, ne tshia bibidi tshia tshisamba tshia Menashe, bivua kabiyi bianji kupeta maloba.

Yoshua 18:10

Muaba uvua Maweja-Nangila, Yoshuwa kutshinka bua kumanya mushindu uvuabu mua kuabanyina bena Izrayele bitupa bia buloba abi. Yoshuwa kupesha tshisamba tshionsu tshiatshi tshitupa tshia buloba mu ditunga adi.

Yoshua 18:7

Ndelanganyi ya Levi kayena mua kupeta tshiayi tshitupa tshia buloba to. Bualu tshiabu tshintu tshidi amu mudimu wa batuangaji udibu benzela Maweja-Nangila. Kadi tshisamba tshia Ngade, tshia Rubene, ne tshia bibidi tshia tshisamba tshia Menashe, mbimane kupeta biabu bitupa bia buloba luseke ludi diba dipatukila lua Yardene. Moshe nkayende, muntu wa Maweja-Nangila, ke uvua mubapeshe miaba yabu.

Yoshua 18:8

Bantu bavuabu basungula bua kuya kutentekela ditunga kudilongolola bua kuya. Bangabanga ne kumukabu, Yoshuwa kubambila ne: — Nuye, nuendakane ditunga dijima. Nujadike bimpe menemene mushindu udidi. Nupingane bua kungambila bionsu binuikala bamone. Nanku amu munemu mu Silo, muaba udi Maweja-Nangila, meme nentshinke bua kumanya bitupa bia buloba bishilangane binudi mua kupeta.