Yoshua 18:3 - MUKANDA WA MYIDI MUKULU

³ Nanku Yoshuwa kukonka bena Izrayele ne: — Nenuye kukuata ditunga divua Maweja-Nangila Mvidi Mukulu wa bankambua benu munupe diba kaayi? Tshinudi bindile ntshinyi?

Mukanda wa Nzambi Dihungila Dikulukulu ne Dihungila Dihia-dihia 2003

³ Yoshua wakambila Bena Isalele ne, Nuenu nenutshimbakane musangu bule munyi bua kuya bua kuangata buloba buakanuha Yehowa, Nzambi wa bankambua benu?

Yoshua 18:3 ပူးပေါင်းရင်းမြစ်များ

Nsumuinu 10:4

Bianza bia muena lulengu bidi bibueja muntu mu bupele, kadi bianza bia mukuatshi wa mudimu bidi bipetesha lupetu.

Nsumuinu 13:4

Muena lulengu udi ujinga tshintu kayi utshipeta. Kadi muntu wa tshisumi udi upeta tshidiye musue.

Nsumuinu 15:19

Muena lulengu udi utangila njila yonsu bu ya meba. Muntu muakane udi usangana miaba yonsu njila milongolola bimpe.

Muambi 9:10

Ukuate mudimu, usanke ne bionsu biudi mua kupeta. Bualu ku bajangi kuwaya kabena benzaku mudimu, kabena belanganaku meji, kabena bamanya malu, kabena bela meji mene to.

Sefanya 3:16

Dituku nedifike, diambilabu Yerushalayime ne: “Tshimenga tshia Siyone, kutshinyi, kutekeshi muoyi nansha!

Matayi 20:6

Kupatukaye kabidi ku diba itanu wa dilolu, kusanganaye bantu bakuabu bimane mu tshisalu. Kubakonkaye ne: “Dituku dijima nudi amu muaba ewu, kanuyi nukuata mudimu bua tshinyi?”

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

Yoshua 1:6

Kolesha muoyi, kutekeshi mu maboku to. Bualu wewe neulombole bena Izrayele, bua kukuatabu ditunga dimvua mulaye bankambua babu.

Yoshua 13:1

Yoshuwa mumane kukola mukulakaje, Maweja-Nangila kumuambila ne: — Monaku muukadi mumane kukulakaja, kadi kutshidi kushala kabidi matunga manene a kukuata,

Yoshua 18:2

Kadi kuvua kushala kabidi munkatshi mua bena Izrayele, bisamba muanda mutekete bivua kabiyi bianji kupeta abi maloba.

Yoshua 18:4

Sungulayi bantu balume basatu ku tshisamba tshionsu. Nembatume bua bendakane ditunga dijima, bamone mushindu udidi. Bantu aba nebajadike bimpe mushindu udi tshitupa tshia buloba tshidi bisamba biabu mua kupeta. Pashishe, nebapingane bua kungambila bionsu bikalabu bamone.

Balombodi 18:9

Kuandamunabu ne: — Jukayi, tuye kuluisha bena Layishe. Tudi bamone ne: buloba buabu budi buimpe butambe. Kanushadi basombe amu tshianana to. Jukayi lukasa, nuye kukuata buloba ebu!