Yoshua 18:28 - MUKANDA WA MYIDI MUKULU

²⁸ Sela, Elefe, tshimenga tshia bena Yebusa, mmumue ne: Yerushalayime, Ngibeya ne Kiriyate. Bimenga bionsu bivua dikumi ne binayi, tusangishe ne misoku ivua mutumba. Ke buloba bua bena Binyamine bilondeshile muvua meku abu.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ ne Sela ne Elefe ne musoko wa Bena Yebuse (Yelushalema mene), Gibena ne Kîyata; bimenga dikumi ne binai ne misoko yabi. Ebu mbuhianyi bua Bena Benyamina ku meku abo.

Yoshua 18:28 ပူးပေါင်းရင်းမြစ်များ

2 Samuele 21:14

Kuyabu kuyijika muaba umue ne mifuba ya Shawule ne ya Yonatane, mu lukita lua Kishe, tatuende wa Shawule, luvua ku Sela mu buloba bua bena Binyamine. Bantu bamane kuenza bonsu bivua mukalenga Davide muambe, Mvidi Mukulu kukumbaja bionsu bivua bena ditunga balombe.

2 Samuele 23:29

Elebe, muana wa Baana, wa mu Netofa; Itayi, muana wa Ribayi, wa mu tshimenga tshia Ngibeya mu buloba bua bena Binyamine;

2 Samuele 5:6

Mukalenga Davide ne bantu bavuaye nabu, kuya kuluisha bena mu tshimenga tshia Yerushalayime. Ke bena Yebusa bavua base mu tshimenga atshi, kuambila Davide ne: — Kuakubuela mu tshimenga tshietu to. Bualu nansha bampofu ne bantu badi batebuke badi anu mua kupeta bukole bukumbane bua kukuipata. Bavua bafuna mushindu ewu bua kujadika ne: Davide kena mua kukuata tshimenga to.

2 Samuele 5:8

Dituku adi, Davide kuamba ne: “Pikala muntu musue, kutshimuna bena Yebusa, abuele mu mukidi wa mayi, udi muinshi mua buloba, bua kufika muaba udibu. Kuntelela bampofu ne batebuki nkunseka menemene.” Ke padi bantu bamba ne: “Mpofu ne bantu badi batebuka, kabena mua kubuela mu nzubu wa Mvidi Mukulu to.”

1 Kulondolola 8:28

Bantu aba bavua bamfumu ba meku abu, bilondeshile ndelanganyi yabu. Bavua basombela amu mu Yerushalayime.

Yeshaya 10:29

Kupitshilabu mu lupongu. Kuambilanganabu ne: “Tuasayi mitanda mu Ngeba. Badi mu Rama badi ne bowa. Badi mu Ngibeya, tshimenga tshia Shawule, badi banyema.

Yirmeya 6:1

Nuenu bena Binyamine, umbukayi mu Yerushalayime! Nunyeme bua kudipandisha. Elayi mpungi ku tshimenga tshia Tekowa. Elayi tshimunyi kulu pa mukuna wa Bete-Kereme, numanyishe bantu bualu. Bualu, dikenga dinene ne kabutu bidi binuvuila, bifumina luseke lua ku mutu kua ditunga.

Osheya 10:9

Maweja-Nangila udi wamba ne: Nuenu bena Izrayele, bituadije ku Ngibeya, kunuvua benze amu malu mabi, buenzayi buenu kabuena bujika to. Nanku, ki mbimpe kuluisha bantu babi abu, too ne ku Ngibeya anyi?

Dibadika 26:38

Tshisamba tshia Binyamine tshivua ne meku aa: diku dia bena Bela, ndelanganyi ya Bela; dia bena Ashebele, ndelanganyi ya Ashebele; dia bena Akirame, ndelanganyi ya Akirame;

Dibadika 26:54

Bantu nebapete muaba wa kuasa, bilondeshile bungi buabu. Tshisamba tshinene netshipete muaba munene, tshikese muaba mukese.

Dibadika 33:54

Bua nuenu kuabanyangana ditunga edi, nutshinke muaba udibu mua kuasa kudi bisamba bienu ne meku enu. Diku dionsu, nedipete muaba, bilondeshile bungi ba bantu badimu. Bantu banyishe muaba udibu babapesha, bilondeshile munuikala batshinke.

Yoshua 15:63

Ndelanganyi ya Yuda kayiwa mua kuipata bena Yebusa bavua base mu Yerushalayime. Nanku too ne ku lelu bena Yebusa badi basomba mu Yerushalayime muaba umue ne bena Yuda.

Yoshua 15:8

Pashishe mukalu awu uvua ubandila ku tshibandabanda tshia Inome, tshidi kuinshi kua kakuna ka bena Yebusa, muaba udibu base tshimenga tshia Yerushalayime. Pashishe uvua upitshila ku lusongu lua mukuna ludi luseke ludi diba dibuelela lua tshibandabanda tshia Inome, ne luseke lua ku mutu menemene lua tshibandabanda tshia bena Refayime.

Yoshua 18:16

Umuka muaba awu, udi upueka kuinshi kua mukuna udi utangila tshibandabanda tshia Inome, tshidi ku mutu kua tshibandabanda tshia bena Refayime. Pashishe mukalu awu uvua ulonda tshibandabanda tshia Inome, upueka kuinshi kua kakuna ka bena Yebusa, utungunuka upueka amu kupueka too ne ku Ene-Rogele.

Yoshua 18:27

Rekeme, Irpeyele, Tarala,

Yoshua 19:1

Buloba buibidi buvua Yoshuwa mutshinke, uvua mubupeshe bena tshisamba tshia Shimeyone, bilondeshile muvua meku abu. Buloba ebu bavua babunyungulukila kudi buloba bua tshisamba tshia Yuda.

Balombodi 1:21

Ndelanganyi ya Binyamine kupangila mua kuipata bena Yebusa bavua basomba mu tshimenga tshia Yerushalayime. Nanku bena Yebusa ne bena Binyamine badi basomba pamue mu Yerushalayime too ne ku mpindiewu.

Balombodi 19:10

Kadi muena Levi kena muitabe bua kulala kabidi to. Kumataye mu njila ne mukajende, ne nyama ya mpunde ibidi, mimane kusuika biseba bua kusomba. Kufikabu ku Yebusa, mmumue ne ku Yerushalayime.

1 Samuele 10:26

Shawule kabidi kupingana kuende ku Ngibeya. Uvua ne tshisumbu tshia bantu bena mvita bavua Mvidi Mukulu mujule bua kuikalabu ne Shawule.