Yoshua 18:13 - MUKANDA WA MYIDI MUKULU

¹³ Umuka muaba awu, mukalu uvua mutangile ku Luze, upitshila luseke lua kuinshi kua tshimenga tshia Luze, tshidibu binyika kabidi Betele. Pashishe uvua upitshila ku mukuna uvua kuinshi kua Bete-Orone wa kuinshi, upuekela ku Atrote-Adare.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Mukalu wakayila ku Luze (eu udi Betele kabidi) ku luseke lua Luze lua ku sude; mukalu wakahueka ku Atalota-adala, ku mukuna udi ku luseke lua sude lua Bete-holona wa ku tshibanda.

Yoshua 18:13 ပူးပေါင်းရင်းမြစ်များ

Genese 28:19

Yakobe kuinyika muaba awu ne: Betele, mmumue ne: Nzubu wa Mvidi Mukulu. (Muaba awu bavua baubikila ku kale ne: Luze.)

Nehemya 11:31

Pashishe, bena meku a tshisamba tshia Binyamine bavua basombe mu: Ngeba, Mikmase, Aya, Betele ne mu misoku ivua mutumba;

Yoshua 10:11

Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Yoshua 16:5

Bena tshisamba tshia Efrayime bavua bapeta buloba bilondeshile meku abu. Mukalu wa buloba abu uvua utuadija ku Atrote-Adare kuinshi mu ditunga luseke ludi diba dipatukila, uya too ne ku Bete-Orone wa ku mutu.

Yoshua 18:14

Luseke ludi diba dibuelela lua ku mukuna awu, mukalu uvua ubendela luseke lua kuinshi, ushikidila ku Kiriyate-Baale, udibu binyika kabidi Kiriyate-Yeyarime, udi wa tshisamba tshia bena Yuda. Ke mukalu wa luseke ludi diba dibuelela.

Yoshua 18:22

Bete-Araba, Semarayime, Betele,

Yoshua 21:22

tshia Kibsayime, ne tshia Bete-Orone. Bimenga bionsu bivua binayi, ne mpata ya kudishila bimuna ivua pabuipi nabi.

1 Samuele 13:18

Tshisumbu tshibidi kulonda njila wa ku Bete-Orone. Tshisumbu tshisatu kulonda njila udi ku mukalu udi ulonda tshibandabanda tshia Seboyime, luseke lua ku tshipela.