Yoshua 18:12 - MUKANDA WA MYIDI MUKULU

¹² Mukalu wabu ku mutu wa ditunga uvua utuadijila ku musulu wa Yardene, ubandila luseke lua ku mutu kua tshimenga tshia Yeriko, utungunukila ku luseke ludi diba dibuelela, upitshila mu mikuna, ufika too ne ku tshipela tshia Bete-Avene.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mukalu wabo wa ku nôde wakadi ku Yadene: mukalu wakabanda ku nôde ku Yeleko, ne ku mikuna ya ku wesete; wakahatuka ku tshihela tshia Bete-awena.

Yoshua 18:12 ပူးပေါင်းရင်းမြစ်များ

Osheya 10:5

Bena Samariya badi batendelela mvidie wa kana ka ngombe ka mpawungi kadi ku Betele-Awene. Batendeledi ba mvidie awu, ne bantu badi badiamba ne: tudi batuangaji, badi benza madilu manene kumpala kuende. Bantu abu badi batumbisha mvidie awu, kadi butumbi buende bumane kujimina.

Osheya 4:15

Nansha bena Izrayele bena tshiendenda, kadi nuenu bena Yuda, kanuikadi bena tshiendenda to! Kanuyi muaba wa tshijila udi mu Ngilgale. Kanuyi ku Betele-Awene, bua kuditshipa ne: “Bu mudi Maweja-Nangila ne muoyi.”

Osheya 5:8

Mu Ngibeya, elayi mpungi ya mvita. Mu Rama, elayi mpungi kabidi. Mu Betele-Awene, elayi lubila: bantu bambule bia mvita. Nuenu bena tshisamba tshia Binyamine, dimukayi, nudi mu njiwu!

Yoshua 16:1

Buloba buvuabu batshinka bua kupesha ndelanganyi ya Yozefe, buvua ne mukalu wabu nenku: kuinshi uvua utuadijila ku musulu wa Yardene, pabuipi ne tshimenga tshia Yeriko, luseke ludi diba dipatukila lua mpokolu uvua ufikisha mayi mu tshimenga. Biangatshile mu Yeriko, mukalu awu uvua upitshila mu tshipela, ufika ne ku mikuna ya Betele.

Yoshua 18:11

Buloba bua kumpala buvua Yoshuwa mutshinke, uvua mubupeshe tshisamba tshia bena Binyamine, bilondeshile meku abu. Buloba ebu buvua pankatshi pa buloba bua bena Yuda ne buloba bua ndelanganyi ya Yozefe.

Yoshua 2:1

Diba divua Yoshuwa, muana wa Nune, mu mitanda ya mu Shitime, kutumaye bantu babidi mu musokoku bua baye kutentekela mudi ditunga ne tshimenga bia Yeriko. Batentekedi babidi abu, bamane kufika mu Yeriko, kulalabu kua mukaji muena tshiendenda, dina diende Rakabe.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.

Yoshua 6:1

Biibi bionsu bia ku tshimenga tshia Yeriko bivua binjila, bikanga bikole bua bena Izrayele kababuedi to. Muntu nansha umue kavua mua kubuela nansha kupatuka.

Yoshua 7:2

Pavua Yoshuwa mu Yeriko, uvua mutume bantu bua kutentekela tshimenga tshia Ayi. Ayi uvua luseke ludi diba dipatukila lua tshimenga tshia Betele, pabuipi ne tshimenga tshia Bete-Avene. Bobu bamane kutentekela tshimenga,

Yoshua 8:15

Yoshuwa ne bena Izrayele kushima bu badi kabayi ne bukole, kunyema mu mpata batangile mu tshipela.

1 Samuele 13:5

Bena Peleshete kusangila bua kuluisha bena Izrayele. Bavua ne matempu a mvita binunu makumi asatu, bantu bavua babanda pa tubalu binunu bisambombu, bena mvita bungi bu lusenga ludi ku muelelu wa mayi manene. Nanku kuasabu mitanda ku Mikmase, luseke ludi diba dipatukila lua Bete-Avene.