Yoshua 18:10 - MUKANDA WA MYIDI MUKULU

¹⁰ Muaba uvua Maweja-Nangila, Yoshuwa kutshinka bua kumanya mushindu uvuabu mua kuabanyina bena Izrayele bitupa bia buloba abi. Yoshuwa kupesha tshisamba tshionsu tshiatshi tshitupa tshia buloba mu ditunga adi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Yoshua wakabelela nshobo mu Shilo ku mesu kua Yehowa, ne Yoshua wakatahulula Bena Isalele buloba bu muakadi ditahulula diabo.

Yoshua 18:10 ပူးပေါင်းရင်းမြစ်များ

1 Kulondolola 24:5

Bavua batshinka pa kutapulula tshisumbu tshionsu. Bualu munkatshi mua ndelanganyi ya Elazare ne mua Itamare muvua “balombodi bajidile” ne “balombodi ba Mvidi Mukulu.”

Nehemya 11:1

Bamfumu ba bantu kuyabu kusomba mu Yerushalayime. Kadi, ku bantu bakuabu bavua bashale, kusungulabu muntu umue pa dikumi, bua asombe mu Yerushalayime, tshimenga tshia tshijila. Bantu bakuabu tshitema pa dikumi kuyabu kusomba mu misoku ne mu bimenga bia mu ditunga.

Misambu 47:4

Udi muteke bisamba bionsu ku bumfumu buetu, musombeshe matunga panshi ku makasa etu.

Misambu 61:5

Anyisha, ngase mu nzubu muebe kashidi, nsokome mu mapuapua ebe.

Nsumuinu 18:18

Padibu batshinka, baneme babidi badi ku tshilumbu, badi mua kumvuangana, kulekela matandu.

Yirmeya 7:12

Nuye ku Shilo, muaba wanyi wa tshijila umvua nsomba kale. Nenumone mundi munyangakaje muaba ewu bua buenzavi bua bantu banyi bena Izrayele.

Yezekiyele 47:22

Nutshinke tshitupa tshionsu, nutshiabanyangane munkatshi muenu. Nuvuluke benyi badi munkatshi muenu, bakadi bamane kulelela bana mu ditunga. Bantu aba badi amu bu bena Izrayele. Mubenzele bionsu bidibu ne bua kuenzela bena Izrayele. Nanku, nebapete yabu miaba, munkatshi mua bisamba bia bena Izrayele.

Yezekiyele 48:29

“Nanku, ke munudi mua kukosolola buloba budi tshisamba tshionsu tshia bena Izrayele tshipeta mu ditunga. Meme Maweja-Nangila Mvidi Mukulu ndi ntuma diyi adi.”

Mika 2:5

Nanku muntu wa kunudi nansha umue, kakupeta buloba budi bantu ba Maweja-Nangila babanyangana. Kanuakupeta muaba munkatshi muabu.

Dibadika 34:16

Maweja-Nangila kuambila Moshe ne:

Matayi 27:35

Kumupopelabu pa mutshi mutshiamakane. Kuabanyanganabu bilamba biende, bilondeshile muvuabu batshinke.

Yowanane 17:2

Bualu uvua mumupeshe bumfumu pambidi pa bantu bonsu, bua apeshe bonsu baudi mumupe muoyi wa tshiendelele.

Bienzedi 13:19

Kubutulaye bisamba muanda mutekete mu buloba bua Kenaane. Kufilaye buloba buabi kudi bantu bende ne: mbuenu.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Yoshua 14:2

Bu muvua Maweja-Nangila muambile Moshe, bavua batshinka bua kumanya maloba avuabu mua kupesha bisamba bia bena Izrayele tshitema, ne tshia bibidi tshia tshisamba tshia Menashe, bivua kabiyi bianji kupeta maloba.

Yoshua 14:5

Nanku bena Izrayele bavua babanyangana ditunga dia Kenaane anu mushindu uvua Maweja-Nangila muambile Moshe.

Yoshua 18:11

Buloba bua kumpala buvua Yoshuwa mutshinke, uvua mubupeshe tshisamba tshia bena Binyamine, bilondeshile meku abu. Buloba ebu buvua pankatshi pa buloba bua bena Yuda ne buloba bua ndelanganyi ya Yozefe.

Yoshua 18:6

Kadi nujadike bimpe mushindu udi bitupa bikuabu muana mutekete bia buloba abu. Nupingane bua kungambila bionsu binuikala bamone. Kadi muaba udi Maweja-Nangila Mvidi Mukulu wetu ke undi meme mua kutshinkila bua kumanya tshitupa tshia buloba tshidibu mua kuangata kudi tshionsu tshia ku bisamba bienu.

Yoshua 18:8

Bantu bavuabu basungula bua kuya kutentekela ditunga kudilongolola bua kuya. Bangabanga ne kumukabu, Yoshuwa kubambila ne: — Nuye, nuendakane ditunga dijima. Nujadike bimpe menemene mushindu udidi. Nupingane bua kungambila bionsu binuikala bamone. Nanku amu munemu mu Silo, muaba udi Maweja-Nangila, meme nentshinke bua kumanya bitupa bia buloba bishilangane binudi mua kupeta.

Yoshua 18:9

Bantu abu kuendakana ditunga dijima. Kufundabu bionsu bivuabu bamone mu bitupa bia buloba abi muanda mutekete. Kufundabu kabidi mena a bimenga bionsu bivuamu. Pashishe kupinganabu muaba uvua Yoshuwa mu mitanda ya mu Silo.

Yoshua 19:51

Mutuangaji Elazare, Yoshuwa muana wa Nune, ne bamfumu ba meku a bisamba bia bena Izrayele, kutshinka bua kuabanya maloba onsu aa. Bavua babanyanganawu pavuabu mu Silo, muaba uvua Maweja-Nangila, mu mushiku wa ntenta wa kusambakena. Ke muvuabu bajikija mudimu wa diabanyangana ditunga nanku.

Yoshua 23:4

Monayi mpindiewu, ndi mumane kuabanyina bisamba bienu maloba andi mutshinke. Maloba aa awa a bisamba bindi mumane kutshimuna, nansha a bisamba bitshidi bishala bua tuetu kubitshimuna. Bisamba ebi bidi pankatshi pa Yardene luseke ludi diba dipatukila, ne Mayi manene a pankatshi luseke ludi diba dibuelela.