Yoshua 17:4 - MUKANDA WA MYIDI MUKULU

⁴ Bana ba bakaji abu kuya kudi mutuangaji Elazare, kudi Yoshuwa, muana wa Nune, ne kudi balombodi ba bena Izrayele, babambila ne: — Maweja-Nangila uvua muelele Moshe mukenji bua atuabanyine maloba, bu mudibu babanyine bantu balume ba tshisamba tshietu. Nanku, bu muvua Maweja-Nangila mumane kuamba, kubabanyinabu maloba, anu bu muvuabu babanyine bantu balume ba tshisamba tshiabu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bobo bakalua ku mpala kua Eleazâ muakuidi, ne ku mpala kua Yoshua, muana wa Nuna, ne ku mpala kua bakelenge, bakamba ne, Yehowa wakelela Mose mukenji bua kutuha buhianyi munkatshi mua bana betu: nunku yeye wakabaha buhianyi munkatshi mua bana babo ne tatu wabo bu mu dî dia Yehowa.

Yoshua 17:4 ပူးပေါင်းရင်းမြစ်များ

Dibadika 27:1

Selofade uvua ne bana ba bakaji batanu: Mala, Nowa, Ogla, Milka ne Tirsa. Bana abu bavua ba mu diku dia Menashe, muana wa Yozefe. Menashe kulela Makire. Makire kulela Ngilaade. Ngilaade kulela Efere. Efere kulela Selofade.

Dibadika 27:4

Dina diende didi ne bua kujimina mu diku dietu, bua padiye kayi mulele muana wa balume anyi? Nanku utupeshe petu tshietu tshitupa tshia buloba, mushindu umue ne bana babu ne tatu ba balume!

Dibadika 36:10

Bana ba bakaji ba Selofade kuitaba diyi dia Maweja-Nangila divuaye muambile Moshe.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Yoshua 14:1

Ke maloba a mu ditunga dia Kenaane avuabu babanyina bena Izrayele kudi mutuangaji Elazare, kudi Yoshuwa, muana wa Nune, ne kudi bamfumu ba bisamba bishilangane bia bena Izrayele.

Yoshua 17:5

Tshisamba tshia Menashe kupeta bitupa bia maloba dikumi, katuyi tubala buloba bua Ngilaade ne bua Bashane, awa luseke ludi diba dipatukila lua Yardene.

Yoshua 21:1

Bamfumu ba meku a bena Levi, kuya kudi mutuangaji Elazare, kudi Yoshuwa, muana wa Nune, ne kudi bamfumu ba meku makuabu a bisamba bia bena Izrayele,