Yoshua 17:18 - MUKANDA WA MYIDI MUKULU

¹⁸ Nuangate mikuna yonsu idi ne metu. Nusole, nudime metu awu, nuase miaba yonsu ayi. Nanku nenupete mushindu wa mua kuipata bena Kenaane, nansha bobu bikale ne matempu a mvita a biamu, bikale kabidi ne bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ kadi buloba bua ku mikuna nebuikale buenu; ditu didiku, kadi nenuditahe, ne muaba au newikale wenu; nudi mua kuihata Bena Kanâna nansha bobo ne makalu a biamu nansha bobo ne bukole.

Yoshua 17:18 ပူးပေါင်းရင်းမြစ်များ

Genese 49:24

Kadi Yozefe udi ukuata buta bikole. Maboku ende ne bianza kabiena bipungila. Udi umukolesha ke Mvidi Mukulu wa Yakobe, muena bukole buonsu, Mulami wa bena Izrayele, dibue didibu beyemina.

2 Samuele 18:6

Bena mvita ba Davide kuluisha bena mvita ba Absalome. Mvitaayi, ivua yenzekela mu ditu dia Efrayime.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Rome 8:37

Kadi bionsu abi tudi mua kubitshimuna kashidi ku bukole bua uvua mutuleje mudiye utunanga.

Dielulula 33:17

Yozefe apete lumu! Udi mukole bu ngombe mulume, udi ne nsengu ibidi bu ya nyama wa mbowa, ya kutshimuna nayi bisamba bikuabu, kubipata too ne ku ndekelu wa buloba. Lusengu lumue ke bantu binunu ne binunu ba bena Efrayime, lukuabu ke bantu nkama ne nkama ba bena Menashe.”

Ebrewu 13:6

Ke patudi tujadika ne muoyi mushindame ne: “Maweja-Nangila udi ungambuluisha, tshiena ntshina tshintu nansha tshimue. Tshidi muntu mua kungenzela ntshinyi?”

Yoshua 13:6

Nenukuate kabidi ditunga dia mikuna didi pankatshi pa Lebanone ne Misrefote-Mayime. Bena ditunga adi bonsu badi amu bena Sidone. Padi bena Izrayele basemena ku kakese ku kakese, Meme Maweja-Nangila nembumushile ku bukole bena matunga aa bonsu. Pashishe wewe Yoshuwa, newabanyine bena Izrayele ditunga mu bitupa bishilangane. Neubitshinke anu bu mumvua mukuambile.

Yoshua 15:9

Muaba awu mukalu uvua ubenda ku mpokolu ya Neftowa, ufika ne ku bimenga bidibu base pabuipi ne mukuna wa Efrone, pashishe utungunuka ku tshimenga tshia Baala, tshidibu binyika kabidi ne: Kiriyate-Yeyarime.

Yoshua 17:17

Ke Yoshuwa kuambila ndelanganyi ya Yozefe, bena mu tshisamba tshia Efrayime, ne bena mu tshisamba tshia Menashe tshivua useke ludi diba dibuelela lua musulu wa Yardene ne: — Nudi bavule, nudi kabidi ne bukole bua bungi. Nanku kanuena mua kushala amu ne tshitupa tshimue mu ditunga to.

Yoshua 20:7

Bena Izrayele kusungula bimenga bia kunyemena: ke Kedeshe udi mu Ngalileya luseke lua mikuna ya Naftali; Shekeme luseke lua mikuna ya Efrayime; ne Kiriyate-Arba uvuabu binyika kabidi Ebrone, luseke lua mikuna ya Yuda.

1 Samuele 1:1

Mu tshimenga tshia Rama, mu buloba bua mikuna bua Efrayime, muvua muntu mukuabu wa bena Efrayime, wa mu diku dia Sufa. Dina diende ngElkana. Uvua muana wa Yerowame, Yerowame mmuana wa Eliku, Eliku mmuana wa Toku, Toku mmuana wa Sufa.