Yoshua 17:17 - MUKANDA WA MYIDI MUKULU

¹⁷ Ke Yoshuwa kuambila ndelanganyi ya Yozefe, bena mu tshisamba tshia Efrayime, ne bena mu tshisamba tshia Menashe tshivua useke ludi diba dibuelela lua musulu wa Yardene ne: — Nudi bavule, nudi kabidi ne bukole bua bungi. Nanku kanuena mua kushala amu ne tshitupa tshimue mu ditunga to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yoshua wakambila ba mu nsubu wa Yosefe, Bena Efelayima ne Bena Manashe, ne, Nuenu nudi bantu ba bungi, nudi ne bukole bua bungi, kanuena anu ne tshituha tshimue:

Yoshua 17:17 ပူးပေါင်းရင်းမြစ်များ

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

Yoshua 17:16

Ndelanganyi ya Yozefe kubenga, bamba ne: — Bushuwa, mikuna kayena mikumbane to. Kadi bena Kenaane badi basa mu mpata, nansha bena Bete-Sheyane, ne bena misoku idi nabu mutumba, nansha badi basomba mu tshibandabanda tshia Yizreyele, badi bonsu ne matempu a mvita a biamu.

Yoshua 17:18

Nuangate mikuna yonsu idi ne metu. Nusole, nudime metu awu, nuase miaba yonsu ayi. Nanku nenupete mushindu wa mua kuipata bena Kenaane, nansha bobu bikale ne matempu a mvita a biamu, bikale kabidi ne bukole.

1 Samuele 1:1

Mu tshimenga tshia Rama, mu buloba bua mikuna bua Efrayime, muvua muntu mukuabu wa bena Efrayime, wa mu diku dia Sufa. Dina diende ngElkana. Uvua muana wa Yerowame, Yerowame mmuana wa Eliku, Eliku mmuana wa Toku, Toku mmuana wa Sufa.