Yoshua 17:11 - MUKANDA WA MYIDI MUKULU

¹¹ Kadi mu buloba bua bena Isakare ne bua bena Ashere, bena Menashe kupeta misoku ya Bete-Sheyane, Ibleyame, ne miaba ivua nayi mutumba. Kupetatshi kabidi Dore, Ene-Dore, Tanake, Megido, ne bantu bonsu bavua basombamu, too ne miaba ivua mutumba, mmumue ne buloba bujima bua Dore.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bena Manashe bakadi ne misoko ei munkatshi mua Bena Yisakâ ne Bena Ashê: Bete-sheana ne misoko yau, ne Yibelama ne misoko yau, ne Bena Dô ne misoko yabo, ne Bena Endô ne misoko yabo, ne Bena Tanaka ne misoko yabo, ne Bena Megido ne misoko yabo, ne mikuna isatu.

Yoshua 17:11 ပူးပေါင်းရင်းမြစ်များ

2 Samuele 21:12

Nanku, mukalenga kuya kunyenga mifuba ya Shawule, ya muanende Yonatane ivua mu tshimenga tshia Yabeshe, mu ditunga dia Ngilaade. Bualu pavua bena Peleshete batshimuna Shawule ku Ngilbowa, bavua balembeleje tshitalu tshia Shawule ne tshia Yonatane ku Bete-Sheyane muaba udi bantu batuilangane. Muaba awu, ke uvua bena tshimenga tshia Yabeshe baye kuiba bitalu abi.

1 Bakalenga 9:15

Mukalenga Shelomu kuenzeja midimu ya kuibaka nzubu wa Maweja-Nangila, nzubu wende wa bukalenga, mushiki wa buloba uvuabu bela muaba awu, uvuabu babikila ne: Milo, bimana bivua binyungulule Yerushalayime, ne bimenga bia: Ashore, Megido ne Ngezere.

2 Bakalenga 9:27

Akaziya, mukalenga wa bena Yuda, umona bionsu abi, kunyemaye kuya luseke lua ku Bete-Gane. Kadi, Yehu kumulondakaja. Kutuminaye bantu bende diyi bua bashipe kabidi Akaziya. Nanku, kuasabu Akaziya patshivuaye wendesha ditempu diende mu njila wa ku musoku wa Ngure, pabuipi ne tshimenga tshia Ibleyame. Kadi, Akaziya kunyema, kuya kufuila mu tshimenga tshia Megido.

1 Kulondolola 7:29

Ndelanganyi ya Menashe ivua mipete bimenga ebi: Bete-Sheyane, Tanake, Megido ne Dore. Bavua bapeta tshimenga tshionsu, pamue ne misoku ivua natshi mutumba. Ke bimenga bivua ndelanganyi ya Yozefe muana wa Yakobe misombe.

2 Kulondolola 35:22

Kadi Yoshiya uvua anu musue kuluisha Neko. Kavuamuteleje miaku ivuabu bamutumine kudi Mvidi Mukulu mene. Yoshiya kuvuala bilamba bia muntu mukuabu bua kabamumanyi. Kuyaye mu mpata wa Megido bua kuluangana mvita.

Misambu 83:10

Eyi, Mvidi Mukulu, enzela bantu aba bu muuvua muenzele Sisra ne Yabine, ku musulu wa muenji mukole wa Kishone. Nansha bu muuvua muenzele bena Madiyane,

Yirmeya 49:2

Ke padi Maweja-Nangila wamba ne: “Dituku diadia bantu badi basomba mu Raba, tshimenga tshinene tshia bena Amone, nebumvue mutoyi wa mvita. Tshimenga etshi netshishale tshipela. Misoku idi natshi mutumba nebayibutule ne kapia. Diba adi, Izrayele neangate tshiakabidi buloba buvua buende.” Ke mudi Maweja-Nangila wamba nanku.

Zekâya 12:11

Dituku adi, madilu manene neikale mu Yerushalayime, amu bu muvuabu benzela madilu a Adade-Rimone mu tshibandabanda tshia Megido.

Yoshua 11:2

Uvua mubikidishe kabidi bakalenga bavua ku mikuna ku mutu wa ditunga, ne bavua mu tshibandabanda tshia Yardene kuinshi kua dijiba dia Ngenesarete, ne bavua mu mpata ne ku muelelu wa Mayi manene a pankatshi, pabuipi ne tshimenga tshia Dore luseke ludi diba dibuelela.

Yoshua 12:21

Tanake, Megido,

Yoshua 12:23

Dore udi ku muelelu wa mayi manene, Ngoyime wa mu Ngalileya,

Yoshua 16:9

Ku buloba bua bena Efrayime abu, bavua basakidilaku kabidi bimenga, ne misoku ivua nabi mutumba, bia mu buloba bua bena Menashe.

Yoshua 17:10

Nanku tshisamba tshia bena Efrayime tshivua tshipeta buloba kuinshi mu ditunga, tshia bena Menashe tshipeta ku mutu mu ditunga. Mayi manene a pankatshi awa enza mukalu wa luseke ludi diba dibuelela. Tshisamba tshia bena Ashere tshivua luseke lua ku mutu kua tshisamba tshia bena Menashe, luseke ludi diba dibuelela luatshi. Tshisamba tshia bena Isakare tshivua kabidi ku mutu kua tshisamba tshia bena Menashe, kadi luseke ludi diba dipatukila luatshi.

Yoshua 17:16

Ndelanganyi ya Yozefe kubenga, bamba ne: — Bushuwa, mikuna kayena mikumbane to. Kadi bena Kenaane badi basa mu mpata, nansha bena Bete-Sheyane, ne bena misoku idi nabu mutumba, nansha badi basomba mu tshibandabanda tshia Yizreyele, badi bonsu ne matempu a mvita a biamu.

Balombodi 1:27

Bena Menashe kupangila mua kuipata bena bimenga ebi: Bete-Sheyane, Tanake, Dore, Ibleyame, Megido, nansha bantu bonsu bavua basomba mu misoku ivua mutumba ne bimenga abi. Nanku bena Kenaane batshivua anu basomba mu buloba ebu.

Balombodi 5:19

Bakalenga baluishi, bakalenga ba bena Kenaane, kutuadija kuluisha Tanake, pabuipi ne mpokolu ya mu Megido. Kadi, kabena bapeta tshintu, nansha nkanu mitoke ya mushinga mukole.

1 Samuele 28:7

Ke Shawule kutumina balombodi ba bena mvita bende diyi ne: — Nunkebele mukaji udi mumanye mua kukonka bakishi malu, bua meme kuya kubuka kudiye. Kumuandamunabu ne: — Mukaji muena lubuku udi ku Endore.

1 Samuele 31:10

Pashishe bia mvita bia Shawule abi, kubitekabu mu nzubu wa mvidie wabu Astarte. Kusuikabu tshitalu tshiende ku tshimana tshia ku Bete-Sheyane.

1 Samuele 31:12

Bantu ba mu Yabeshe bavua ne dikima, kuenda butuku bujima too ne ku Bete-Sheyane. Kumushabu tshitumpampa tshia tshitalu tshia Shawule, ne bitalu bia bana bende ku tshimana. Pashishe kuyabu kuosha bitalu abi ku tshimenga tshia Yabeshe.