Yoshua 17:10 - MUKANDA WA MYIDI MUKULU

¹⁰ Nanku tshisamba tshia bena Efrayime tshivua tshipeta buloba kuinshi mu ditunga, tshia bena Menashe tshipeta ku mutu mu ditunga. Mayi manene a pankatshi awa enza mukalu wa luseke ludi diba dibuelela. Tshisamba tshia bena Ashere tshivua luseke lua ku mutu kua tshisamba tshia bena Menashe, luseke ludi diba dibuelela luatshi. Tshisamba tshia bena Isakare tshivua kabidi ku mutu kua tshisamba tshia bena Menashe, kadi luseke ludi diba dipatukila luatshi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ luseke lua ku sude luakadi lua Bena Efelayima ne luseke lua ku nôde luakadi lua Bena Manashe, ne mai manene akadi mukalu wabo; mukalu wakafika tô ne ku Ashê ku nôde ne ku Yisakâ ku esete.

Yoshua 17:10 ပူးပေါင်းရင်းမြစ်များ

Yoshua 17:11

Kadi mu buloba bua bena Isakare ne bua bena Ashere, bena Menashe kupeta misoku ya Bete-Sheyane, Ibleyame, ne miaba ivua nayi mutumba. Kupetatshi kabidi Dore, Ene-Dore, Tanake, Megido, ne bantu bonsu bavua basombamu, too ne miaba ivua mutumba, mmumue ne buloba bujima bua Dore.

Yoshua 17:9

Pashishe mukalu kuya too ne ku muelelu wa kuinshi wa musulu wa Kana. Kadi bimenga bionsu bivua kuinshi kua musulu awu, nansha biobi mu buloba bua bena Menashe, kushalabi bia bena Efrayime. Mukalu uvua umbukila muaba awu, upitshila ku mutu kua musulu awu, bangabanga ne kushikidilawu ku Mayi menene a pankatshi pa matunga.