Yoshua 16:4 - MUKANDA WA MYIDI MUKULU

⁴ Nanku ndelanganyi ya Yozefe, mmumue ne: bena tshisamba tshia Menashe, ne tshia Efrayime, bavua babanyangana buloba abu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bana ba Yosefe, Manashe ne Efelayima, bakangata buhianyi buabo.

Yoshua 16:4 ပူးပေါင်းရင်းမြစ်များ

Genese 41:52

Kuinyikaye muana muibidi ne: Efrayime, wamba ne: “Mvidi Mukulu mmumpe lulelu mu ditunga edi, dimvua musombe mu dikenga dinene.”

Yezekiyele 47:13

Maweja-Nangila Mvidi Mukulu udi wamba ne: “Ndi nnuleja mikalu ya ditunga, didi bisamba dikumi ne bibidi bia bena Izrayele mua kuabanyangana. Tshisamba tshia Yozefe netshipete bitupa bibidi bia ditunga.

Yoshua 14:4

Bualu ndelanganyi ya Levi kayivua ne bua kupeta buloba nansha bukese to. Ku ndelanganyi ya Yozefe kuvua bisamba bibidi ebi: tshia Menashe ne tshia Efrayime. Kadi bena Levi bavua bapeta anu bimenga bia kuasamu, ne maloba a kumpenga kua bimenga ebi bua kudishamu bimuna, ne kutekamu bintu biabu bikuabu.

Yoshua 16:5

Bena tshisamba tshia Efrayime bavua bapeta buloba bilondeshile meku abu. Mukalu wa buloba abu uvua utuadija ku Atrote-Adare kuinshi mu ditunga luseke ludi diba dipatukila, uya too ne ku Bete-Orone wa ku mutu.

Yoshua 17:14

Ndelanganyi ya Yozefe kukonka Yoshuwa ne: — Maweja-Nangila mmumane kutuela lupemba bua tuvulangane. Kadi udi utuabanyina tshitupa tshia ditunga amu tshimue bua tshinyi?

Yoshua 18:5

Bantu abu nebabanye buloba mu bitupa muanda mutekete. Ndelanganyi ya Yuda neyishale mu tshiayi tshitupa tshia buloba tshidi kuinshi mu ditunga. Ndelanganyi ya Yozefe kabidi neyishale mu tshiayi tshitupa tshidi ku mutu mu ditunga.