Yoshua 16:10 - MUKANDA WA MYIDI MUKULU

¹⁰ Bena Efrayime kabavua bipata bena Kenaane bavua mu Ngezere to. Bobu aba batshidi basomba too ne lelu munkatshi mua bena Efrayime. Kadi bena Efrayime bavua benzeja bena Kenaane aba midimu mishilangane.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kabakihata Bena Kanâna bakadi mu Gezê: kadi Bena Kanâna batshidi bashikama munkatshi mua Bena Efelayima tô ne ku dituku edi, bakatua bu bahika babo ba mudimu.

Yoshua 16:10 ပူးပေါင်းရင်းမြစ်များ

1 Bakalenga 9:15

Mukalenga Shelomu kuenzeja midimu ya kuibaka nzubu wa Maweja-Nangila, nzubu wende wa bukalenga, mushiki wa buloba uvuabu bela muaba awu, uvuabu babikila ne: Milo, bimana bivua binyungulule Yerushalayime, ne bimenga bia: Ashore, Megido ne Ngezere.

1 Bakalenga 9:16

(Mukalenga wa bena Ejipitu kuluisha bena Ngezere, kukuata tshimenga atshi, kutshiosha, kushipa bena Kenaane bavua basemu. Pashishe kutshipeshaye muanende wa bakaji bua kumusankisha, dituku divuabu bangata dibaka ne Shelomu.

1 Bakalenga 9:21

Bisamba ebi bivua bishala mu ditunga, bualu bena Izrayele bavua benza muabu muonsu bua kubabutula bapange. Nanku, bobu ke bavua Shelomu wenzeja midimu. Batshidi bapika ba bena Izrayele too ne mpindiewu.

2 Kulondolola 8:8

Bisamba ebi bivua bishale mu ditunga, bualu bena Izrayele kabavua babibutula to. Bantu ba bisamba ebi ke bavua Shelomu wenzeja midimu. Batshidi babenzejayi too ne mpindiewu.

Yoshua 10:33

Orame, mukalenga wa mu Ngezere, kufika bua kuambuluisha bena Lakishe. Kadi Yoshuwa kumutshimuna yeye ne bena mvita bende bonsu. Kubashipabu, kakuyi muntu wa kushala ne muoyi.

Yoshua 15:63

Ndelanganyi ya Yuda kayiwa mua kuipata bena Yebusa bavua base mu Yerushalayime. Nanku too ne ku lelu bena Yebusa badi basomba mu Yerushalayime muaba umue ne bena Yuda.

Yoshua 16:9

Ku buloba bua bena Efrayime abu, bavua basakidilaku kabidi bimenga, ne misoku ivua nabi mutumba, bia mu buloba bua bena Menashe.

Yoshua 17:12

Kadi bena Menashe kabawa mua kuipata bantu ba mu bimenga bionsu ebi. Nanku bena Kenaane batshidi basomba amu kusombamu too me mpindiewu.

Yoshua 17:13

Nansha muvua bena Izrayele bamane kupeta bukole bua bungi, kadi kabavua mua kuipata bantu ba mu bimenga bionsu ebi. Kadi bena Izrayele bavua benzeja bantu aba midimu mishilangane.

Balombodi 1:29

Bena Efrayime kupangila mua kuipata bena Kenaane bavua base mu Ngezere. Ke muvua bena Kenaane aba basomba munkatshi mua bena Efrayime nanku.