Yoshua 15:2 - MUKANDA WA MYIDI MUKULU

² Mukalu wabu wa kuinshi uvua utuadija kuinshi kua Mayi manene a luepu.

Mukanda wa Nzambi Dihungila Dikulukulu ne Dihungila Dihia-dihia 2003

² Mukalu wabo wa ku sude wakadi kunfudilu kua Dishiba dia Luehu, ku tshinkonya tshia mai tshidi tshitangila ku sude;

Yoshua 15:2 ပူးပေါင်းရင်းမြစ်များ

Genese 14:3

Bakalenga batanu aba kudisangisha mu tshibandabanda tshia Sidime (mmumue ne muaba udi lelu Mayi manene a luepu). Kumvuanganabu bua kuluangana mvita.

Yeshaya 11:15

Maweja-Nangila neakamishe musapa wa mayi manene a Ejipitu. Yeye neakanyine ne tshianza tshiende musulu wa Perate. Ku bukole bua Mueyelu wende, neaukosolole tusulu muanda mutekete, tudibu mua kusabuka ku makasa.

Yezekiyele 47:18

Mukalu wa luseke ludi diba dipatukila udi utuadija ku muaba udi pankatshi pa buloba bua Damase ne bua Awurane, ulonda tshibandabanda tshia Yardene pankatshi pa buloba bua Ngilaade ne ditunga dia Izrayele, uya too ne ku tshimenga tshia Tamare ku Mayi manene a luepu. Ke mukalu wa ku luseke ludi diba dipatukila.

Yezekiyele 47:8

Muntu kungambila ne: — Muenji wa mayi ewu udi uya ku luseke ludi diba dipatukila lua ditunga, upueka mu tshibandabanda tshia musulu wa Yardene, udiela mu Mayi manene a luepu. Padi mayi awu abuela mu Mayi manene aa, adi aalengeja, ashale mimpe.

Dibadika 34:3

“Kuinshi kua ditunga, mukalu wenu newikale tshipela tshia Tsine, ne ditunga dia bena Edome. Ku luseke ludi diba dipatukila mukalu wenu neubange kuinshi menemene kua Mayi manene a luepu.

Yoshua 15:1

Buloba buvuabu batshinka bua kupesha bena Yuda, bilondeshile meku abu, buvua butuadija kuinshi mu ditunga, luseke ludi diba dipatukila, ku mukalu ne bena Edome. Tshipela tshia Tsine tshivua tshitupa tshia kuinshi menemene tshia buloba abu.

Yoshua 15:3

Uvua upitshila kuinshi kua mukuna wa tuminyiminyi, ne kua tshipela tshia Tsine. Kuinshi kua Kadeshe-Barneya, mukalu awu uvua upitshila ku Esrone, ubandila ku Adare. Pashishe uvua ubenda bua kuya ku luseke lua Karka.

Yoshua 3:16

ke musulu kukosoloka. Mayi kuimana dibula kule ku mutu wa musulu mu tshimenga tshia Adame, tshidi pabuipi ne tshimenga tshia Sartane. Mayi avua apueka kuinshi, aya kubuela mu Mayi manene a luepu, kujiminawu onsu butubutuu. Bena Izrayele kusabuka, balulamangane ne tshimenga tshia Yeriko.