Yoshua 15:12 - MUKANDA WA MYIDI MUKULU

¹² Mayi manene a pankatshi pa matunga ke awa enza mukalu wa luseke ludi diba dibuelela. Ke muvua mikalu ya buloba bua bena Yuda bilondeshile muvua meku abu nanku.

Mukanda wa Nzambi Dihungila Dikulukulu ne Dihungila Dihia-dihia 2003

¹² Mukalu wabo wa ku wesete wakadi mai manene. Eu mmukalu wa Bena Yuda ku meku abo.

Yoshua 15:12 ပူးပေါင်းရင်းမြစ်များ

Yezekiyele 47:20

Ku luseke ludi diba dibuelela, mukalu udi amu Mayi manene a pankatshi pa matunga, biangatshile kuinshi kua ditunga too ne ku Lebo-Amate, ku mutu mu ditunga. Ke mukalu wa ku luseke ludi diba dibuelela.

Yezekiyele 48:7

Bua bena Yuda nebutuangane ne bua bena Rubene.

Dielulula 11:24

Ditunga dijima ndienu. Mikalu yadi idi mushindu ewu: kutuadija ku tshipela tshidi kuinshi mu ditunga, too ne ku mikuna ya Lebanone, idi ku mutu mu ditunga; ku musulu munene wa Perate luseke lua kudi diba dipatukila, too ne ku Mayi manene a pankatshi pa matunga, luseke lua kudi diba dibuelela.

Yoshua 15:11

Uvua utungunuka, uya ku luseke lua kumutu lua tshimenga tshia Ebrone, ubenda mutangile ku Shikarone, utungunuka, upitshila ku mukuna wa Baala, uya ku Yabne, pashishe utua makasa ku Mayi manene a pankatshi pa matunga, wimana.

Yoshua 15:47

Kuvua kabidi tshimenga tshia Asdode ne tshia Ngaza, ne miaba ne misoku ivua pabuipi ne bimenga abi, bifika too ne ku musulu wa Ejipitu, ne ku muelelu wa Mayi manene a pankatshi pa matunga.

Yoshua 18:5

Bantu abu nebabanye buloba mu bitupa muanda mutekete. Ndelanganyi ya Yuda neyishale mu tshiayi tshitupa tshia buloba tshidi kuinshi mu ditunga. Ndelanganyi ya Yozefe kabidi neyishale mu tshiayi tshitupa tshidi ku mutu mu ditunga.