Yoshua 14:14 - MUKANDA WA MYIDI MUKULU

¹⁴ Too ne lelu, tshimenga etshi tshidi anu tshia ndelanganyi ya Kalebe, muana wa Yefune, wa mu diku dia Kenaze. Bualu uvua muleje muende muonsu mudiye muitabe Maweja-Nangila Mvidi Mukulu wa bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Nunku Hebelone wakalua buhianyi bua Kaleba, muana wa Yefune, Muena Kenizi, tô ne ku dituku edi; bualu bua yeye wakalonda Yehowa, Nzambi wa Isalele mene mene.

Yoshua 14:14 ပူးပေါင်းရင်းမြစ်များ

Genese 37:14

Tatuende kumuambila ne: — Uye kumona bana benu ne bimuna: ne badi ne bukole bua mubidi. Pashishe upingane bua kungambila. Ke muvua tatuende umutuma ku luendu lule lua kumuka mu tshibandabanda tshia Ebrone, kuya mu Shekeme.

1 Kulondolola 6:41

Kadi madimi ne misoku bivua ku bumfumu bua tshimenga atshi, bavua bamane kubipesha Kalebe, muana wa Yefune.

2 Kulondolola 15:7

Kadi nuenu mpindiewu, nuikale ne bukole, koleshayi muoyi, kanutekeshi mu maboku. Nebanufile bua mudimu unudi nuenza.

Dibadika 13:6

Kalebe, muana wa Yefune, wa mu tshisamba tshia Yuda.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Yoshua 11:23

Yoshuwa kukuata ditunga dijima mu mvita, muvua Maweja-Nangila muambile Moshe. Yoshuwa kuabanyina bena Izrayele ditunga adi, bilondeshile bisamba biabu. Ke bena Izrayele kuanji kuikisha bua dipungi dia mvita.

Yoshua 14:13

Yoshuwa kuela Kalebe, muana wa Yefune, lupemba, kumupesha tshimenga tshia Ebrone.

Yoshua 14:15

Tshimenga tshia Ebrone bavua batshinyika kale ne: Arba. Arba uvua muntu wa kale wa bena Anake, uvuabu batue makumbu bikole. Pashishe bena Izrayele kuanji kuikisha, bualu bavua bapungile bikole bua mvita ivuabu baluangana.