Yoshua 14:12 - MUKANDA WA MYIDI MUKULU

¹² Mpindiewu umpeshe panyi buloba bua mikuna buvua Maweja-Nangila mundaye ku kale. Mvua mukuambile diba adi ne: ndelanganyi ya Anake idi luseke alu. Mmiase bimenga binene, bivuabu bakolesha ne bimana. Kadi bu Maweja-Nangila mungambuluishe, nembipate muvua Maweja-Nangila nkayende mumane kuamba.

Mukanda wa Nzambi Dihungila Dikulukulu ne Dihungila Dihia-dihia 2003

¹² Katataka Umpe bianyi luseke elu lua ku mikuna, bu muakamba Yehowa dituku adi; bualu bua wewe wakunyua dituku adi bu muakadiku Bena Anaka, ne misoko minene ya ngumbu; bikala Yehowa nʼanyi, nembihate, bu muakamba Yehowa.

Yoshua 14:12 ပူးပေါင်းရင်းမြစ်များ

2 Bakalenga 19:4

Mukalenga wa bena Ashure mmutume mulombodi wa beledi ba mukalenga maluvu, bua kupenda Mvidi Mukulu wa muoyi. Eyowa, ndi njinga bua Maweja-Nangila Mvidi Mukulu webe umvue bipendu bionsu ebi, anyoke muntu uvua umupenda! Wewe, lombaku Maweja-Nangila, wakuile bantu bende badi bashala aba.”

2 Kulondolola 14:11

Nanku, Maweja-Nangila kunyemesha bena Kushe, Asa ne bantu bende batangile.

Misambu 44:3

Uvua mumuangeshe bantu ba bisamba bikuabu, bua kupa bantu bebe muaba wa kuasa. Uvua mukengeshe bisamba abi, bua bantu bebe bavulangane, basombe bimpe.

Misambu 60:12

Amu wewe Mvidi Mukulu ke udi mua kuenza nanku. Kadi wewe kutubenga, kuyi musue kabidi kuenda netu mu mvita.

Dibadika 13:28

Kadi bantu badimu mbilobu bia mvita. Bimenga biabu bidi bialabale. Bavua babikoleshe ne bimana bile. Tuasanganyimu bantu ba ku ndelanganyi ya Anake, muntu wa mpolondu.

Dibadika 13:33

Tuvua bamonemu ne bantu ba mpolondu, ndelanganyi ya Anake. Ku mesu kuabu tuetu tuvua badimone anu bu tunkenene. Bobu kabidi bavua mua kutumona nanku.

Dibadika 21:34

Maweja-Nangila kuambila Moshe ne: — Kutshinyi mukalenga ewu to. Nenkuambuluishe bua umutshimune, umunyenge ditunga edi dijima. Umuenzele muuvua muenzele Sihone, mukalenga wa bena Amore, uvua musombe mu tshimenga tshia Eshebone.

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Dielulula 1:28

Mu ditunga dia Kenaane, tuyaya kuenza tshinyi? Katuena ne dikima dia kuyamu to, bualu bana betu bavua bajadikila ne: bena ditunga adi mbatupite bukole ne bule. Bimenga biabu bidi binene. Bimana bia bimenga mbitumbuke mulu. Kabidi bavua basanganamu ndelanganyi ya Anake, muntu wa mpolondu!”

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Dielulula 9:3

Lelu nenujadike ne: Maweja-Nangila Mvidi Mukulu wenu, udi wenda kumpala kuenu. Yeye udi bu kapia kadi kabutula bintu bionsu. Nanku Maweja-Nangila neabipate. Nenubatshimune lukasa, mubabutule bonsu, mbanyenge bintu biabu, bu muvua Maweja-Nangila mulaye.

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

Ebrewu 11:33

Bua ditaba diabu, kukuatabu matunga, kuenzabu malu makane, kupetabu tshivua Mvidi Mukulu mulaye. Kubuikilabu mukana mua ntambue,

Yoshua 15:14

Kalebe wakipata meku asatu abena Anake awa mu tshimenga atshi: ke bena Sheshayi, bena Akimane ne bena Talmayi.

Balombodi 1:20

Kupeshabu Kalebe tshimenga tshia Ebrone, bu muvua Moshe mumane kuamba. Nanku Kalebe kukuata tshimenga atshi, kuipata meku asatu a bena Anake avuamu.

1 Samuele 14:6

Yonatane kuambila nsongalume wende ne: — Luaku tuye too ne ku tshisumbu tshia bena mvita ba bena Peleshete, badibu kabayi bateke panshi. Misangu mikuabu Maweja-Nangila udi mua kutuambuluisha. Bualu kakuena tshidi mua kupumbisha Maweja-Nangila bua atupeteshe ditshimuna, nansha tuetu ba bungi nansha tuetu bakese.