Yoshua 14:1 - MUKANDA WA MYIDI MUKULU

¹ Ke maloba a mu ditunga dia Kenaane avuabu babanyina bena Izrayele kudi mutuangaji Elazare, kudi Yoshuwa, muana wa Nune, ne kudi bamfumu ba bisamba bishilangane bia bena Izrayele.

Mukanda wa Nzambi Dihungila Dikulukulu ne Dihungila Dihia-dihia 2003

¹ Au mmahianyi akangata Bena Isalele mu buloba bua Kanâna, akababanyinabo kudi Eleazâ muakuidi, ne Yoshua, muana wa Nuna, ne kudi bakadi ku mutu kua meku a batatu a mu bisamba bia Bena Isalele;

Yoshua 14:1 ပူးပေါင်းရင်းမြစ်များ

Ezela 7:5

Buki uvua muana wa Abishuwa, Abishuwa uvua muana wa Pinase, Pinase uvua muana wa Elazare, Elazare uvua muana wa kumpala wa Arone, mutuangaji munene.

Yezekiyele 45:1

“Padibu bamane kuabanyina bisamba bia bena Izrayele ditunga, nebalame tshitupa tshia buloba tshidibu bajidila Maweja-Nangila. Tshitupa tshia buloba atshi netshikale ne kilometre dikumi ne ibidi ne tshitupa mu bule, kilometre dikumi mu butshiama. Tshitupa tshia buloba tshionsu atshi netshikale tshia tshijila.

Dibadika 34:13

Moshe kuambila bena Izrayele mikenji eyi. Pashishe kubambilaye kabidi ne: — Ditunga edi ke didi Maweja-Nangila muambe bua tutshinke, tuabanyine bisamba tshitema bia bena Izrayele, ne tshitupa tshia tshisamba tshia bena Menashe.

Dibadika 34:16

Maweja-Nangila kuambila Moshe ne:

Bienzedi 13:19

Kubutulaye bisamba muanda mutekete mu buloba bua Kenaane. Kufilaye buloba buabi kudi bantu bende ne: mbuenu.

Dielulula 12:10

Kadi nenusabuke musulu wa Yardene, bua kusomba mu ditunga adi ne ditalala. Yeye neanulame bimpe. Baluishi benu bonsu, bena mutumba, kabakunuenzela bualu.

Yoshua 13:6

Nenukuate kabidi ditunga dia mikuna didi pankatshi pa Lebanone ne Misrefote-Mayime. Bena ditunga adi bonsu badi amu bena Sidone. Padi bena Izrayele basemena ku kakese ku kakese, Meme Maweja-Nangila nembumushile ku bukole bena matunga aa bonsu. Pashishe wewe Yoshuwa, newabanyine bena Izrayele ditunga mu bitupa bishilangane. Neubitshinke anu bu mumvua mukuambile.

Yoshua 19:51

Mutuangaji Elazare, Yoshuwa muana wa Nune, ne bamfumu ba meku a bisamba bia bena Izrayele, kutshinka bua kuabanya maloba onsu aa. Bavua babanyanganawu pavuabu mu Silo, muaba uvua Maweja-Nangila, mu mushiku wa ntenta wa kusambakena. Ke muvuabu bajikija mudimu wa diabanyangana ditunga nanku.

Yoshua 21:1

Bamfumu ba meku a bena Levi, kuya kudi mutuangaji Elazare, kudi Yoshuwa, muana wa Nune, ne kudi bamfumu ba meku makuabu a bisamba bia bena Izrayele,