Yoshua 13:8 - MUKANDA WA MYIDI MUKULU

⁸ Bisamba bia bena Rubene ne bena Ngade, ne tshia bibidi tshia tshisamba tshia bena Menashe, bivua bimane kupeta maloba awa ku musulu wa Yardene, luseke luawu ludi diba dipatukila. Moshe, muntu wa Maweja-Nangila, uvua mumane kubabanyina maloba awu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Bena Lubena ne Bena Gada ne tshituha tshikuabo tshia Bena Manashe bakamana kuangata buhianyi buabo buakabahabo kudi Mose dishiya dia Yadene ku esete, bu muakabaha Mose, muntu wa Yehowa:

Yoshua 13:8 ပူးပေါင်းရင်းမြစ်များ

Dibadika 32:19

Katuena basue kuabanyangana nabu buloba budi dishiya dia musulu wa Yardene to, bu tuetu mua kupeta buloba dia munemu dia musulu, luseke luawu ludi diba dipatukila.

Dielulula 3:8

Ke mutuvua bakuate tshikondu atshi matunga a bakalenga babidi ba bena Amore, bavua base luseke ludi diba dipatukila lua musulu wa Yardene, pankatshi pa musulu wa Amone wa muenji mukole, ne mukuna wa Ermone.

Yoshua 12:1

Bena Izrayele bavua bamane kutshimuna bakalenga babidi bavua luseke ludi diba dipatukila lua musulu wa Yardene. Bobu kukuata matunga a bakalenga abu, awa malabale, biangatshile ku musulu wa Amone too ne ku mukuna wa Ermone. Matunga aa awa mu tshitupa tshia luseke ludi diba dipatukila lua musulu wa Yardene.

Yoshua 12:6

Moshe ne bena Izrayele bavua batshimuna bakalenga aba babidi mu mvita. Moshe, muntu wa Maweja-Nangila, uvua mumane kufila matunga abu kudi bena Rubene, bena Ngade, ne kudi tshitupa tshia bena Menashe.

Yoshua 13:7

Nanku matunga awu udi ne bua kuabanyina bisamba tshitema bia bena Izrayele, ne tshia bibidi tshimue tshia tshisamba tshia bena Menashe, bidi kabiyi bianji kupeta muaba wa kuasa.

Yoshua 13:9

Mikalu ya maloba awu ivua nunku: kuinshi kua ditunga kuvua tshimenga tshia Aroyere tshivua ku musulu wa Amone, ne tshimenga tshidibu base munkatshi mua tshibandabanda tshia musulu awu. Muvua kabidi mikuna ya ku Medeba too ne ku Dibone,

Yoshua 22:4

Mpindiewu, Maweja-Nangila Mvidi Mukulu wenu mmumane kuitaba bua bana benu basombe mu buloba buabu, bu muvuaye mumane kubalaya. Nanku nuenu nudi mua kupingana kuenu. Nuye kusomba muaba uvua Moshe, muntu wa Maweja-Nangila, munuabanyine, luseke ludi diba dipatukila lua Yardene.

Yoshua 4:12

Bena Rubene, bena Ngade, tshitupa tshia bena Menashe, kusabuka ne bia mvita mu bianza, kumpala kua bena Izrayele bakuabu bonsu, amu muvua Moshe mubambile.

1 Samuele 13:7

Bantu bakuabu kusabuka musulu wa Yardene bua kusokoma mu buloba bua Ngade ne bua Ngilaade. Diba adi, Shawule utshivua anu mu Ngilgale. Bena mvita bonsu bavuaye nabu bavua bazakala bua bowa.