Yoshua 13:5 - MUKANDA WA MYIDI MUKULU

⁵ Nenukuate kabidi ditunga dia Ngebale, dia Lebanone didi luseke ludi diba dipatukila dia Baale-Ngade, kuinshi kua mukuna wa Ermone, too ne ku Lebo-Amate.

Mukanda wa Nzambi Dihungila Dikulukulu ne Dihungila Dihia-dihia 2003

⁵ buloba bua Bena Gebala ne Lebanona mujima kudi kuhatukila diba, ku Bâla-gada udi kuinshi kua mukuna wa Hêmona tô ne ku mukalu wa Hamata;

Yoshua 13:5 ပူးပေါင်းရင်းမြစ်များ

1 Bakalenga 5:18

Mpindiewu, Maweja-Nangila Mvidi Mukulu wanyi, mmumpe ditalala ku mikalu yanyi yonsu. Tshiena ne muluishi, tshiena ntshina dikenga.

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

Misambu 83:7

Bantu abu, mbena Edome ne bena Ishemayele, bena Mowabe, ne Agare ne bena Ngebale,

Yeshaya 10:9

Meme kukuata tshimenga tshia Kalne, kukuata ne tshia Karkemishe. Meme kukuata tshimenga tshia Amate, kukuata tshia Arpade, kukuata Samariya, kukuata Damase.

Yirmeya 52:9

Bena Babilone kumukuata, kumuela mu lukanu, kuya nende ku Ribla, kuvua mukalenga wa Babilone musombe mu ditunga dia Amate. Ke kuvua Nebukadnesare mukosela tshilumbu tshia Sedekiya.

Yezekiyele 27:9

Bena midimu ya bianza ba mu Babilone, bena lungenyi lutue, bavua bamanye mudimu wabu bimpe. Bavua bakuate mudimu wa kulongolola mitanta ya ku majuwa. Majuwa onsu avua enda pa mayi avua imana muebe, bendeshi bavua basumba bintu muebe.

Amosa 6:2

Nuanji kuya ku Kalne, numone bivua bienzekaku. Pashishe nupitshile ku tshimenga tshinene tshia Amate. Nutungunuke too ne ku Ngate, tshimenga tshia bena Peleshete. Nenujadike ne: kanuena nupita makalenga aa nansha, nansha buloba buawu buikale bushadile ku buenu.

Dibadika 13:21

Nanku, batentekedi abu kumuka mu tshipela tshia Tsine, kuya kutentekela ditunga dia Kenaane, too ne ku Rekobe, pabuipi ne Lebo-Amate.

Dibadika 34:8

Mukalu awu udi umuka ku mukuna wa Ore, upitshila ku Lebo-Amate ne ku Sedade.

Dielulula 1:7

Mpindiewu bangayi luendu tshiakabidi. Nuye luseke ludi ne mikuna, muaba udibu base kudi bena Amore. Nuye kabidi mu buloba budi mutumba ne bena Amore, budibu base kudi bena Kenaane: ke ku mpata ya Yardene, ku mikuna, mu mpata ya luseke lua Mayi manene, mu tshitupa tshia kuinshi tshia ditunga, ne ku luseke lua muelelu wa Mayi manene. Nutungunuke ne luendu too ne ku mikuna ya Lebanone, ne ku musulu munene wa Perate.

Dielulula 3:25

Anyisha, nsabuke musulu wa Yardene, bua meme kumonaku ditunga dimpe dialabale dia mikuna, didi dishiya dia musulu, kabidi ne mikuna ya Lebanone.”

Yoshua 11:17

Yoshuwa kutshimuna, kushipa bakalenga ba matunga awa pankatshi pa mukuna kauyi ne mitshi, pabuipi ne Seyire, kuinshi mu ditunga, ne Baale-Ngade mu tshibandabanda tshia Lebanone, ku tshitaku tshia mukuna wa Ermone, ku mutu mu ditunga.

Yoshua 11:3

Mukalenga Yabine kumvuangana kabidi ne bena Kenaane, bavua basombe ku musulu wa Yardene, luseke ludi diba dipatukila, ne luseke ludi diba dibuelela luawu. Kumvuanganaye kabidi ne bena Amore, bena Iti, bena Perizi, bena Yebusa bavua ku mikuna, ne bena Iti bavua basombe kuinshi, ku mukuna wa Ermone mu ditunga dia Mispa.

Yoshua 12:7

Pashishe Yoshuwa ne bena Izrayele kutshimuna bakalenga bavua luseke ludi diba dibuelela lua musulu wa Yardene. Matunga abu avua malabale, biangatshile ku Baale-Ngade udi mu tshibandabanda tshia mu Lebanone luseke lua ku mutu, too ne ku mukuna udi kauyi mitshi, udi pabuipi ne Seyire luseke lua kuinshi. Yoshuwa uvua muabanyine bena Izrayele matunga awu, bilondeshile bisamba biabu.