Yoshua 13:31 - MUKANDA WA MYIDI MUKULU

³¹ Muvua kabidi tshitupa tshia ditunga dia Ngilaade, ne bimenga bia Ashetarote ne Edreyi, bimenga binene bia kale bia Oge, mukalenga wa Bashane. Buloba buonsu ebu bavua babuabanyine tshia bibidi tshia meku a ndelanganyi ya Makire, muana wa Menashe.

Mukanda wa Nzambi Dihungila Dikulukulu ne Dihungila Dihia-dihia 2003

³¹ ne tshituha tshia Gilada ne Ashetalota ne Edelei; misoko ya mu bukelenge bua Oga mu Bashana yakadi ya Maki, muana wa Manashe, ya tshituha tshia bana ba Maki ku meku abo.

Yoshua 13:31 ပူးပေါင်းရင်းမြစ်များ

Misambu 60:7

Fika lukasa, leja bukole buebe, utusungidile. Witabe bitudi tukulomba. Nanku bantu baudi unanga nebapande.

Yezekiyele 48:4

Bua bena Menashe nebutuangane ne bua bena Naftali.

Yoshua 12:4

Mukalenga mukuabu uvua Oge. Udi umue wa ku bantu ba ndekelu ba bena Refayime. Uvua ulombola bantu bavua mu Bashane. Uvua usombela mu Ashetarote nansha mu Edreyi.

Yoshua 13:12

Muvua kabidi ditunga dia Oge, umue wa ku bakalenga ba ndekelu ba bena Refayime, uvua mukalenga mu Ashetarote ne mu Edreyi mu buloba bua Bashane. Moshe kutshimuna bisamba bia mu matunga aa, kubinyenga maloba abi.

Yoshua 13:32

Tshikondu tshivua Moshe mu mpata ya Mowabe, uvua muabanye miaba yonsu ivua luseke ludi diba dipatukila lua Yeriko, ne lua musulu wa Yardene.

Yoshua 17:5

Tshisamba tshia Menashe kupeta bitupa bia maloba dikumi, katuyi tubala buloba bua Ngilaade ne bua Bashane, awa luseke ludi diba dipatukila lua Yardene.

Yoshua 17:6

Kabena bapesha amu bantu balume ba mu tshisamba tshia Menashe nkayabu maloba to. Bavua baapesha kabidi bantu bakaji ba mu tshisamba etshi. (Buloba bua Ngilaade buvua bua ndelanganyi mikuabu ya Menashe.)

Yoshua 9:10

Kabidi tudi bamanye muvuaye mukengeshe bakalenga babidi ba bena Amore bavua dishiya dia musulu wa Yardene. Bakalenga aba ke: Sihone, mukalenga wa Eshebone, ne Oge, mukalenga wa Bashane, uvua musombe mu Ashetarote.

Balombodi 10:6

Bena Izrayele kuenza kabidi malu mabi adi Maweja-Nangila ubenga. Kutendelelabu mvidie mulume Baale, ne mvidie mukaji Astarte, kabidi ne mvidie ya bena Arame, ya bena Sidone, ya bena Mowabe, ya bena Amone ne ya bena Peleshete. Kulekelabu Maweja-Nangila, kabayi bamutendelela kabidi to.

Balombodi 5:17

Bisamba bivua mu Ngilaade, luseke ludi diba dipatukila lua Yardene, ki mbiumuke to. Bena Dane kushala ku matu abu. Bena Ashere kusomba ku muelelu wa mayi, pabuipi ne bisabu biabu.

1 Samuele 12:10

Bankambua benu kubikila kabidi Maweja-Nangila, bua kubambuluisha, bamuambila ne: “Maweja-Nangila, tudi benze bibi, bualu tuvua bakubenga, bua kutendelela mvidie Baale ne Astarte. Kadi mpindiewu, utusungidileku kudi baluishi betu, netukuenzele mudimu.”

1 Samuele 7:3

Nanku Samuwele kubambila ne: — Panuikala basue kupingana kudi Maweja-Nangila ne muoyi wenu mujima, nulekele kutendelela mvidie ya Astarte ne mvidie mikuabu yonsu ya bantu benyi. Nuitabe anu Maweja-Nangila muenu muonsu, numuenzele mudimu amu yeye nkayende. Nanku neanupandishe ku bumfumu bua bena Peleshete.