Yoshua 13:3 - MUKANDA WA MYIDI MUKULU

³ mmumue ne: ditunga didibu batangila bu dia bena Kenaane, biangatshile ku musulu wa Shikore, ku mikalu ne Ejipitu, too ne ku ditunga dia Ekrone ku mutu wa ditunga. Ke mudi bakalenga batanu ba bena Peleshete. Bimenga biabu binene bia bukalenga: ke Ngaza, Asdode, Askalone, Ngate ne Ekrone. Mudi kabidi ditunga dia bena Avi,

Mukanda wa Nzambi Dihungila Dikulukulu ne Dihungila Dihia-dihia 2003

³ ku Shihô udi ku mpala kua Ejipitu tô ne ku mukalu wa Ekelona ku luseke lua nôde ludi bibadibue bu lua Bena Kanâna; bakelenge batanu ba Bena Peleshete; Bena Gaza, Bena Ashedodo, Bena Ashakalola, Bena Giti, ne Bena Ekelona; ne Bena Awa kabidi,

Yoshua 13:3 ပူးပေါင်းရင်းမြစ်များ

Genese 10:6

Bana ba balume ba Kame badi: Kushe, Misrayime, Pute ne Kenaane.

Genese 15:18

Dituku adi, Maweja-Nangila kutua ndondu ne Abrame muaba awu, kumulaya ne: — Matunga aa nengapeshe ndelanganyi yebe, biangatshile ku musulu wa Ejipitu ne ku musulu munene wa Perate.

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

1 Kulondolola 13:5

Davide kubikidisha bena Izrayele bonsu, biangatshile ku bavua basomba kuinshi mu ditunga ku mikalu ne bena Ejipitu, too ne ba ku mutu mu ditunga, ku tshimenga tshia Lebo-Amate. Uvua mubabikile bonsu bua kuya kuangata mushete wa tshijila mu tshimenga tshia Kiriyate-Yeyarime.

Yeshaya 23:3

mu mayi manene.” Bena Sidone badi basumba, basumbisha, bionsu bidibu bamiamina, banowa ku muelelu wa Nile. Amu bobu bena Sidone, ke badi bangata bintu, bidibu bapana mu bisamba bionsu.

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Dielulula 2:23

Kadi bena Avi, bavua basombe mu misoku ya mu ditunga dia Ngaza, bavua bababutula kudi baluishi bafumine ku Kaftore. Baluishi aba kuasa mu ditunga adi.)

Yoshua 13:13

Kadi bena Izrayele kabavua bipata bena Ngeshure ne bena Maaka to. Nenku bantu abu batshidi basomba munkatshi mua bena Izrayele too ne mpindiewu.

Balombodi 16:5

Nanku bakalenga batanu ba bena Peleshete kuya kuambila Dalila ne: — Enzeja Shimeshone, akuambile kudi bukole buende bufuma, ne mushindu udibu mua kujika. Nanku netumusuike mionji, bua tumukokeshe. Pashishe muntu yonsu wa kutudi neakupe nkanu mitoke ya tshiamu tshia mushinga mukole tshinunu ne lukama.

Balombodi 3:3

Bantu bavua Maweja-Nangila mushiye mu ditunga, ke bena makalenga atanu a bena Peleshete, bena Kenaane bonsu, bena Sidone, ne bena Ivi bavua base mu mikuna ya Lebanone, biangatshile ku mukuna wa Baale-Ermone, too ne ku Lebo-Amate.

1 Samuele 5:1

Bena Peleshete bamane kunyenga mushete wa Mvidi Mukulu, kumukabu nawu muaba uvuabu babikila ne: Dibue-dia-diambuluisha, bua kuya nawu mu tshimenga tshia Asdode.

1 Samuele 5:10

Nanku kuyabu ne mushete mu tshimenga tshia Ekrone. Kadi mushete ufika mu tshimenga tshia Ekrone, bena mu tshimenga baumone, kuelabu bibingu bikole, bamba ne: — Mbafike ne mushete wa Mvidi Mukulu wa bena Izrayele muetu munemu bua kutubutula bonsu!

1 Samuele 5:8

Bena Asdode, kubikidisha bamfumu batanu ba bena Peleshete, kubakonka ne: — Mushete wa tshijila wa Mvidi Mukulu wa bena Izrayele tuenze nawu tshinyi? Bamfumu kuandamuna ne: — Wambulayi, nuye nawu mu tshimenga tshia Ngate. Nanku kuyabu ne mushete awu mu tshimenga tshia Ngate.

1 Samuele 6:4

Bena Peleshete kukonka ne: — Kadi mulambu wa didia tshibalu utudi mua kulambula ngua mushindu kaayi? Batuangaji ne bena mbuku kuandamuna ne: — Bilondeshile bungi bua bamfumu ba bena Peleshete, nulambule Maweja-Nangila bintu bitanu bia tshiamu tshia mpawungi, bileja disama dia mulaka, kabidi ne mpuku itanu ya tshiamu tshia mpawungi. Bualu tshipupu tshidi tshinukuata nuenu ne bamfumu benu, tshidi anu tshimue, kabidi tshia mushindu umue.