Yoshua 13:26 - MUKANDA WA MYIDI MUKULU

²⁶ Buloba ebu buvua bualabale, biangatshile ku Eshebone too ne ku Ramate-Mispa ne ku Betonime, ku Makanayime too ne ku ditunga dia Lo-Dabare.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ ne ku Heshebona tô ne ku Lamata-misepa ne Betonima; ne ku Mahanayima tô ne ku mukalu wa Debî;

Yoshua 13:26 ပူးပေါင်းရင်းမြစ်များ

Genese 31:49

Labane kuambila kabidi Yakobe ne: — Maweja-Nangila atutentekele patuikala bamane kushiyangana nebe. (Ke kuinyikabu muaba awu dina ne: Mispa, mmomumue ne: kaleya ka mutentekedi.)

2 Samuele 17:27

Davide mumane kufika ku Makanayime, kupetangana ne Shobi, muana wa Nakashe wa mu Raba, tshimenga tshinene tshia bena Amone. Kumonanganaye kabidi ne Makire, muana wa Amiyele, wa mu tshimenga tshia Lodabare, kabidi ne Barzilayi, wa mu musoku wa Rogelime mu ditunga dia Ngilaade.

2 Samuele 2:8

Abnere, muana wa Nere, mfumu munene mulombodi wa bena mvita ba Shawule, uvua munyeme ne Ishebaale, muana wa Shawule, ku Makanayime.

1 Bakalenga 22:3

Kadi, Akabe uvua mumane kuambila balombodi ba mu bukalenga buende ne: “Nudi bamanye bimpe ne: tshimenga tshia Ramote, tshidi mu ditunga dia Ngilaade, ntshietu. Tudi tutshina bua kuya kukuata tshiakabidi tshimenga tshietu etshi, kudi mukalenga wa bena Siriya bua tshinyi?”

1 Bakalenga 4:14

Akinadabe, muana wa Ido, uvua ulombola buloba bua Makanayime.

Yoshua 13:25

buvua ne bimenga ebi: Yazere, bimenga bionsu bia mu ditunga dia Ngilaade, tshitupa tshia ditunga dia bena Amone too ne ku Aroyere, pabuipi ne Raba.

Yoshua 13:27

Mu tshibandabanda tshia musulu wa Yardene muvua kabidi Bete-Arame, Bete-Nimra, Sukote ne Safone, misoku ya mu bukalenga bua Sihone, uvua mukalenga mu Eshebone. Buloba ebu buvua luseke ludi diba dipatukila lua musulu wa Yardene. Musulu wa Yardene awu uvua wenza mukalu too ne ku dijiba dia Ngenesarete didi ku mutu wa ditunga.

Yoshua 20:8

Luseke ludi diba dipatukila lua tshimenga tshia Yeriko, dishiya dia musulu wa Yardene, bavua basungula tshimenga tshia Beshere tshidi mu mpata ya mu tshipeta ya mu buloba bua bena Rubene; tshimenga kabidi tshia Ramote tshidi mu Ngilaade, buloba budibu bapeshe bena Ngade; ne tshimenga tshia Ngolane mu Bashane, buloba budibu bapeshe bena Menashe.

Yoshua 21:38

Mu buloba bua bena Ngade, kupetabu kabidi bimenga binayi, kusangisha ne mpata ya kudishila bimuna. Ke tshimenga tshia Ramote tshidi mu Ngilaade, tshia ku bimenga bia kunyemena; tshia Makanayime;

Balombodi 10:17

Bena Amone kudisangisha bonsu. Kuasabu mitanda mu buloba bua Ngilaade. Bena Izrayele bavua base yabu mitanda mu Mispa.

Balombodi 11:11

Ke Yefete kuya ne bakulu ba mu Ngilaade abu. Bena Izrayele kumuteka mulombodi wa bena mvita. Nanku Yefete kujadika diumvuangana diabu ne bakulu abu ku Mispa, muaba uvua Maweja-Nangila.

Balombodi 11:29

Mueyelu wa Maweja-Nangila kutulukila Yefete. Kuendakanaye mu buloba bua Ngilaade ne bua Menashe. Kupitshilaye ku Mispa mu Ngilaade, bua kufika mu buloba bua bena Amone.