Yoshua 12:5 - MUKANDA WA MYIDI MUKULU

⁵ Bumfumu buende buvua butuadija ku mukuna wa Ermone, buya ku Salka, ku ditunga dijima dia Bashane, too ne ku mikalu ya bena Ngeshure ne ya bena Makati, ne ku tshitupa tshia ditunga dia Ngilaade, too ne ku ditunga dia mukalenga Sihone wa mu Eshebone.

Mukanda wa Nzambi Dihungila Dikulukulu ne Dihungila Dihia-dihia 2003

⁵ wakadi mubakokeshe mu mukuna wa Hêmona ne mu Saleka, ne mu Bashana mujima tô ne ku mukalu wa Bena Geshû ne Bena Mâka ne tshituha tshia Gilada udi ku mukalu wa Sihona, mukelenge wa Heshebona.

Yoshua 12:5 ပူးပေါင်းရင်းမြစ်များ

2 Samuele 13:37

Absalome mumane kunyema, kuya ku nzubu kua Talmayi, muana wa Amikude, uvua mukalenga wa mu ditunga dia Ngeshure.

2 Samuele 15:8

Pantshivua mu Ngeshure mu Siriya, mvua mulaye Maweja-Nangila ne: Pawikala mmupingaje mu Yerushalayime, nenkulambule milambu ku Ebrone.

2 Samuele 23:34

Elifelete, muana wa Akasbayi ne muikulu wa muntu wa Maaka; Eliyame, muana wa Akitofele, wa mu tshimenga tshia Ngilo;

2 Samuele 3:3

Muana muibidi udi Kilabe, muana wa Abigayile, muena mu Karmele, mukaji mukamba uvua Nabale mushiye. Muana muisatu udi Absalome, muana wa Maaka, muana wa Talmayi, mukalenga wa bena Ngeshure.

2 Bakalenga 25:23

Balombodi ba bena mvita ne bena mvita ba bena Yuda bavua kabayi baye ne bena Babilone, bumwa ne: mukalenga Nebukadnesare mmusungule Ngedaliya bua kuikalaye mulombodi wa ditunga, kuyabu kumonangana ne Ngedaliya ku Mispa. Balombodi bavua baye bavua Ismayele, muana wa Netaniya, Yowanane, muana wa Kareya, Seraya, muana wa Tanehumete, wa mu musoku wa Netofa, ne Yazaniya, muena Maaka.

1 Kulondolola 5:11

Ndelanganyi ya Ngade ivua misombele ku mutu kua tshisamba tshia bena Rubene, mu mpata ya buloba bua Bashane too ne ku tshimenga tshia Salka tshivua luseke ludi diba dipatukila.

Yirmeya 40:8

Ke balombodi abu ba bena mvita ne bantu babu, kuya ku Mispa kuvua Ngedaliya. Bavua baye ke: Ishemayele, muana wa Netanya, Yowanane ne Yonatane bonsu babidi bana ba balume ba Kareya, Seraya, muana wa Tanekumete, ne bana balume ba Afayi wa mu Netofa, ne Yazanya wa mu Maaka.

Dielulula 3:14

Ndelanganyi ya Yayire, muana wa Menashe, ivua mikuate ditunga dia Argobe, divua mu Bashane, too ne ku mikalu ya bena Ngeshure ne bena Maaka. Misoku ya ditunga adi batshidi bayibikila ne: mmisoku ya Yayire.)

Yoshua 11:3

Mukalenga Yabine kumvuangana kabidi ne bena Kenaane, bavua basombe ku musulu wa Yardene, luseke ludi diba dipatukila, ne luseke ludi diba dibuelela luawu. Kumvuanganaye kabidi ne bena Amore, bena Iti, bena Perizi, bena Yebusa bavua ku mikuna, ne bena Iti bavua basombe kuinshi, ku mukuna wa Ermone mu ditunga dia Mispa.

Yoshua 12:1

Bena Izrayele bavua bamane kutshimuna bakalenga babidi bavua luseke ludi diba dipatukila lua musulu wa Yardene. Bobu kukuata matunga a bakalenga abu, awa malabale, biangatshile ku musulu wa Amone too ne ku mukuna wa Ermone. Matunga aa awa mu tshitupa tshia luseke ludi diba dipatukila lua musulu wa Yardene.

Yoshua 13:11

Muvua kabidi ditunga dia Ngilaade, dia Ngeshure ne dia Maaka, mukuna wa Ermone, ne ditunga dijima dia Bashane too ne ku Salka.

1 Samuele 27:8

Patshi wa Davide ne bantu bavuaye nabu mu Siklaje, kuluishabu bisamba ebi: bena Ngeshure, bena Ngirzi nansha bena Amaleke, mmumue ne bantu bonsu bavua basombe muaba awu kuonsu eku, mu buloba bua luseke lua ku Shure, too ne ku mukalu wa ditunga dia Ejipitu.