Yoshua 12:1 - MUKANDA WA MYIDI MUKULU

¹ Bena Izrayele bavua bamane kutshimuna bakalenga babidi bavua luseke ludi diba dipatukila lua musulu wa Yardene. Bobu kukuata matunga a bakalenga abu, awa malabale, biangatshile ku musulu wa Amone too ne ku mukuna wa Ermone. Matunga aa awa mu tshitupa tshia luseke ludi diba dipatukila lua musulu wa Yardene.

Mukanda wa Nzambi Dihungila Dikulukulu ne Dihungila Dihia-dihia 2003

¹ Au mmena a bakelenge ba buloba bakashihabo kudi Bena Isalele, ne bakanyengabo buloba buabo dishiya dia Yadene kudi kuhatukila diba, ku tshibanda tshia Ânona tô ne ku mukuna wa Hêmona, ne buloba buonso bua Alabâ bua ku esete:

Yoshua 12:1 ပူးပေါင်းရင်းမြစ်များ

1 Bakalenga 4:19

Ngebere, muana wa Uri, uvua ulombola ditunga dia Ngilaade, ditunga dia Sihone, mukalenga wa bena Amone, ne dia Oje, mukalenga wa Bashane. Ku bamfumu balombodi ba mu bukalenga aba dikumi ne babidi, bavua basakidilaku kabidi mfumu mukuabu, bua kulombolaye ditunga dia bena Yuda.

Misambu 133:3

Bidi bu lumuma, lupueka pa mukuna wa Ermone, pa mukuna wa Siyone. Bualu mu Siyone ke mudi Maweja-Nangila muteke disanka ne muoyi kashidi.

Misambu 136:21

Kufilaye buloba buabu ku bumpianyi, bualu dinanga diende ndia kashidi,

Misambu 89:12

Diulu ndiebe, buloba mbuebe kabidi, wewe ke udi muase buloba bujima, ne bionsu bidipu.

Yeshaya 16:2

Bakaji ba bena Mowabe, badi bimane ku bisabu bia musulu wa Amone, amu bu mudi tunyunyi tupapalala, padibu batuipata mu disua diatu.

Dibadika 21:13

Bumuka mu tshibandabanda amu, kusabukabu musulu wa Amone, udi ufumina ku bena Amore, upitshila mu tshipela, pashishe uleja mikalu pankatshi pa bena Mowabe ne bena Amore.

Dibadika 21:21

Bena Izrayele kutuma bantu bua bambile Sihone, mukalenga wa bena Amore, ne:

Dibadika 21:24

Kadi bena Izrayele kutshimuna Sihone ne tshiluilu tshiende. Kumunyengabu ditunga diende dijima, bituadije ku musulu wa Amone kuinshi, too ne ku musulu wa Yaboke ku mutu, too ne ku mikalu mikolesha ya bena Amone, luseke ludi diba dipatukila.

Dibadika 32:19

Katuena basue kuabanyangana nabu buloba budi dishiya dia musulu wa Yardene to, bu tuetu mua kupeta buloba dia munemu dia musulu, luseke luawu ludi diba dipatukila.

Dibadika 32:32

Netuambule bia mvita bua kuluangana ne bena Kenaane, badi dishiya dia musulu wa Yardene. Pashishe tuetu netu-pingane dia munemu bua kupeta bupianyi buetu, luseke ludi diba dipatukila lua musulu ewu wa Yardene.

Dibadika 32:33

Moshe kupesha bena Ngade, bena Rubene, ne tshitupa tshia tshisamba tshia bena Menashe, muana wa Yozefe, ditunga dia Sihone, mukalenga wa bena Amore, kabidi ne ditunga dia Oge, mukalenga wa bena Bashane. Kubapeshaye bimenga bionsu, kabidi misoku ivua nabi mutumba.

Dielulula 2:24

Ke Maweja-Nangila kutuambila ne: “Mpindiewu bangayi luendu. Sabukayi musulu wa Amone. Nennupe Sihone, muena Amore, mukalenga wa mu Eshebone, ne ditunga diende. Mubundayi, nukuate ditunga diende!

Dielulula 2:32

Nanku Sihone ne tshikulu tshiende, kutubunda pabuipi ne tshimenga tshia Yahase.

Dielulula 3:1

Pashishe tuetu kubenda bua kupitshila mu ditunga dia Bashane. Kadi Oge, mukalenga wa Bashane, ne tshiluilu tshiende tshionsu, kutubunda pabuipi ne tshimenga tshia Edreyi.

Dielulula 4:44

Moshe kuambila bena Izrayele mikenji ya Mvidi Mukulu.

Dielulula 4:46

Bakalua bafika luseke ludi diba dipatukila lua musulu wa Yardene, mu tshibandabanda tshidi tshitangilangana ne tshimenga tshia Bete-Peyore, mu ditunga dia mukalenga Sihone wa bena Amore, wa mu Eshebone, uvuabu batshimune kudi Moshe ne bena Izrayele.

Dielulula 4:48

Ke bena Izrayele kuya kuasa ku ditunga dijima adi, kutuadijila ku tshimenga tshia Aroyere, tshidi ku muelelu wa musulu wa Amone, too ne ku mukuna wa Ermone, udibu babikila kabidi ne: Siyone,

Yoshua 1:15

too ne padi Maweja-Nangila Mvidi Mukulu wenu muanyishe bua bana benu bakuate ditunga, didiye mubapeshe bu muvuaye munuambuluishe nuenu bua nupete ditunga. Pashishe nenupingane bua kuasa mu ditunga divua Moshe, muntu wa Mvidi Mukulu, munuabanyine luseke ludi diba dipatukila lua musulu wa Yardene.

Yoshua 11:17

Yoshuwa kutshimuna, kushipa bakalenga ba matunga awa pankatshi pa mukuna kauyi ne mitshi, pabuipi ne Seyire, kuinshi mu ditunga, ne Baale-Ngade mu tshibandabanda tshia Lebanone, ku tshitaku tshia mukuna wa Ermone, ku mutu mu ditunga.

Yoshua 11:3

Mukalenga Yabine kumvuangana kabidi ne bena Kenaane, bavua basombe ku musulu wa Yardene, luseke ludi diba dipatukila, ne luseke ludi diba dibuelela luawu. Kumvuanganaye kabidi ne bena Amore, bena Iti, bena Perizi, bena Yebusa bavua ku mikuna, ne bena Iti bavua basombe kuinshi, ku mukuna wa Ermone mu ditunga dia Mispa.

Yoshua 13:8

Bisamba bia bena Rubene ne bena Ngade, ne tshia bibidi tshia tshisamba tshia bena Menashe, bivua bimane kupeta maloba awa ku musulu wa Yardene, luseke luawu ludi diba dipatukila. Moshe, muntu wa Maweja-Nangila, uvua mumane kubabanyina maloba awu.

Yoshua 22:4

Mpindiewu, Maweja-Nangila Mvidi Mukulu wenu mmumane kuitaba bua bana benu basombe mu buloba buabu, bu muvuaye mumane kubalaya. Nanku nuenu nudi mua kupingana kuenu. Nuye kusomba muaba uvua Moshe, muntu wa Maweja-Nangila, munuabanyine, luseke ludi diba dipatukila lua Yardene.

Balombodi 11:18

Pashishe kutuadijabu luendu mu tshipela. Kunyungulukabu buloba bua bena Edome, ne bua bena Mowabe. Kufikabu ku buloba budi luseke ludi diba dipatukila lua buloba bua Mowabe. Kuasabu mitanda yabu dishiya dia musulu wa Amone. Kabena babuela mu buloba bua bena Mowabe to, bualu musulu wa Amone ke udi mukalu. Nanku kabena bausabuka to.