Yoshua 11:16 - MUKANDA WA MYIDI MUKULU

¹⁶ Yoshuwa kukuata ditunga dijima: mikuna, tshitupa tshia kuinshi, ditunga dia Ngoshene, mpata, tshibandabanda tshia Yardene, mikuna ne mpata bia ku mutu mu ditunga.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku Yoshua wakanyenga buloba abu buonso, ne buloba bua mikuna ne luseke lujima lua ku Sude, ne buloba buonso bua Goshene, ne bibanda, ne Alabâ, ne buloba bua mikuna ya Isalele ne bibanda biabu;

Yoshua 11:16 ပူးပေါင်းရင်းမြစ်များ

Misambu 105:44

Pashishe kubapeshaye maloba a bisamba bikuabu, kusankabu ne midimu ivua bantu bakuabu benza,

Misambu 78:55

Kuipataye bisamba bia bantu benyi bobu batangile, kubapeshaye buloba ebu, bu bumpianyi buabu. Kupingajaye bena Izrayele mu buloba bua bena Kanaane.

Yezekiyele 17:23

Nendukunyine pa mukuna wa mu Izrayele udi mupite kutumbuka. Neluele matamba, lukuama ntete. Neluenze mutshi wa Sedre muimpe mutambe. Nyunyi ya mishindu yonsu neyibakile masua ayi mu matamba alu. Neyipete dileji dia kuikishila.

Yezekiyele 36:8

Tshikondu atshi, pa mikuna ya Izrayele, mitshi neyipatule mabeji, ikuama bimuma, bua kunudisha nuenu bena Izrayele bantu banyi. Bualu nukadi pa kupingana mu ditunga dienu.

Dielulula 1:7

Mpindiewu bangayi luendu tshiakabidi. Nuye luseke ludi ne mikuna, muaba udibu base kudi bena Amore. Nuye kabidi mu buloba budi mutumba ne bena Amore, budibu base kudi bena Kenaane: ke ku mpata ya Yardene, ku mikuna, mu mpata ya luseke lua Mayi manene, mu tshitupa tshia kuinshi tshia ditunga, ne ku luseke lua muelelu wa Mayi manene. Nutungunuke ne luendu too ne ku mikuna ya Lebanone, ne ku musulu munene wa Perate.

Yoshua 10:40

Yoshuwa kukuata ditunga dijima. Kutshimunaye bakalenga bavua ku mikuna, bavua mu tshitupa tshia kuinshi mu ditunga, bavua mu mpata nansha ku muelelu wa Mayi manene a pankatshi pa matunga. Kawa mushiye muntu nansha umue ne muoyi to. Yoshuwa kubutula bantu bonsu, muvua Maweja-Nangila Mvidi Mukulu muambe.

Yoshua 10:41

Yoshuwa kukuata ditunga biangatshile ku Kadeshe-Barneya ne ku Ngaza kuinshi mu ditunga, too ne ku ditunga dia Ngoshene ne tshimenga tshia Ngibone ku mutu.

Yoshua 11:15

Moshe uvua muambile Yoshuwa mikenji ivua Maweja-Nangila mumuambile bua kuenza. Nenku, Yoshuwa uvua uyilonda yonsu.

Yoshua 11:2

Uvua mubikidishe kabidi bakalenga bavua ku mikuna ku mutu wa ditunga, ne bavua mu tshibandabanda tshia Yardene kuinshi kua dijiba dia Ngenesarete, ne bavua mu mpata ne ku muelelu wa Mayi manene a pankatshi, pabuipi ne tshimenga tshia Dore luseke ludi diba dibuelela.

Yoshua 11:21

Mu tshikondu atshi, Yoshuwa kuluisha bena Anake, bavua ku mikuna mu Ebrone, mu Debire, mu Anabe, ne ku mikuna yonsu ya ditunga dia Yuda ne dia Izrayele. Yoshuwa kubabutula, kunyangakaja bimenga biabu.

Yoshua 12:8

Uvua mubapeshe mikuna, mpata, tshibandabanda tshia musulu wa Yardene, buloba bua ku muelelu wa Mayi manene, tshipela ne buloba budi kuinshi mu ditunga. Bantu bavua basombela mu ditunga adi bavua: bena Iti, bena Amore, bena Kenaane, bena Perizi, bena Ivi ne bena Yebusa.

Yoshua 9:1

Bakalenga bonsu bavua base luseke ludi diba dibuelela lua musulu wa Yardene, bavua bumvue muvua bena Izrayele banyangakaje tshimenga tshia Ayi: ke bakalenga bonsu bavua ku mikuna, mu mpata, ne ku muelelu wa Mayi manene a pankatshi pa matunga, too ne ku Lebanone. Nanku bakalenga ba bena Iti, bena Amore, bena Kenaane, bena Perizi, bena Ivi ne bena Yebusa,