Yoshua 11:14 - MUKANDA WA MYIDI MUKULU

¹⁴ Bena Izrayele kuangata bimuna ne bintu bivuabu basangana mu bimenga abi. Kadi bavua babutula bantu bonsu. Kabawa bashiye muntu nansha umue ne muoyi to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bena Isalele bakadiangatshila bintu bionso bia mu misoko ei ne bimuna; kadi bakashiha muntu yonso ne muele wa nvita tô ne hakababutulabo bonso; kabakashiya umue uhuyakana.

Yoshua 11:14 ပူးပေါင်းရင်းမြစ်များ

2 Kulondolola 20:25

Yosafate ne bantu bende kutuadija kupawula bintu bivua muaba uvua bitalu abi. Kusanganabu nyama ya bungi, bintu bia bubanji, bilamba, ne bintu bikuabu bia mushinga mukole. Bavua banenga matuku asatu bua kuambula bintu abi, bualu bivua bipite bungi. Kadi kabavua mua kuambula bionsu to.

Dibadika 31:9

Kukuatabu bakaji ne bana ba bena Madiyane mu bupika. Kunyengabu nyama yabu ivua yambula majitu, bimuna biabu ne bintu biabu bionsu.

Dielulula 20:14

Kadi, bakaji, bana, bimuna, ne bintu bionsu bidi mu tshimenga atshi, nubiangate, nuenza nabi munudi basue. Bualu bintu bia baluishi benu mbintu bidi Maweja-Nangila Mvidi Mukulu wenu munupeshe.

Dielulula 20:16

Kadi mu bimenga bia mu ditunga didi Maweja-Nangila Mvidi Mukulu wenu munupe bua nudikuate, nenushipemu bantu bonsu, kanuyi nushiya nansha umue ne muoyi.

Yoshua 10:40

Yoshuwa kukuata ditunga dijima. Kutshimunaye bakalenga bavua ku mikuna, bavua mu tshitupa tshia kuinshi mu ditunga, bavua mu mpata nansha ku muelelu wa Mayi manene a pankatshi pa matunga. Kawa mushiye muntu nansha umue ne muoyi to. Yoshuwa kubutula bantu bonsu, muvua Maweja-Nangila Mvidi Mukulu muambe.

Yoshua 11:11

Kushipeshaye kabidi ne bantu bonsu bavuamu. Kabawa bashiye muntu nansha umue ne muoyi to. Kuoshabu tshimenga.

Yoshua 11:13

Kadi bena Izrayele kabawa bosha bimenga bivua ku mikuna to, pa kumusha tshimenga tshia Ashore tshivua Yoshuwa moshe.

Yoshua 11:15

Moshe uvua muambile Yoshuwa mikenji ivua Maweja-Nangila mumuambile bua kuenza. Nenku, Yoshuwa uvua uyilonda yonsu.

Yoshua 8:2

Nenuenzele tshimenga atshi ne mukalenga watshi, anu bu munuvua benzele tshimenga tshia Yeriko ne mukalenga watshi. Kadi wewe ne bena mvita bebe bonsu, nenuangate bintu bionsu binuasangana mu tshimenga atshi too ne bimuna, bishale bintu bienu. Utume bantu panyima pa tshimenga baye kujikidila baluishi padibu kabayi banji kudilongolola.

Yoshua 8:27

Bilondeshile muvua Maweja-Nangila mumane kuambila Yoshuwa, bena Izrayele kuangata anu bintu ne bimuna bivuabu basangana mu tshimenga.