Yoshua 10:8 - MUKANDA WA MYIDI MUKULU

⁸ Maweja-Nangila kuambila Yoshuwa ne: — Kubatshinyi to. Ndi mbafila kuudi. Muntu nansha umue kakukupita bukole to.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Yehowa wakambila Yoshua ne, Kubatshinyi nansha, bualu bua nakubafila mu tshianza tshiebe; kakuena muntu wa kudibo udi mua kuimana ku mpala kuebe.

Yoshua 10:8 ပူးပေါင်းရင်းမြစ်များ

1 Bakalenga 20:13

Ke muambi kampande kuya kudi Akabe, mukalenga wa bena Izrayele, umuambila ne: — Maweja-Nangila udi wamba ne: “Udi mumone musumba munene wa bena mvita! Ndi mbafila mu bianza biebe anu lelu, bua wewe kumanya ne: meme ndi Maweja-Nangila.”

Rome 8:31

Tshituambe kabidi ntshinyi? Padi Mvidi Mukulu mutue ku tshietu, udi mua kubibenga kabidi nnganyi?

Dielulula 3:2

Ke Maweja-Nangila kungambila meme Moshe ne: “Kutshinyi mukalenga uvuavua awu to! Nkadi mumane kumufila mu bianza biebe, yeye ne bantu bende bonsu, kabidi ne ditunga diende dijima. Neumuenze muuvua muenze Sihone, mukalenga wa bena Amore, uvua muase mu Eshebone.”

Dielulula 7:24

Maweja-Nangila neafile bakalenga babu kunudi. Nenubabutule bonsu, kabayi babavuluke kabidi pa buloba. Muntu nansha umue kakunutuila nkanana. Nebabutuke bonsu.

Yoshua 10:25

Yoshuwa kubambila ne: — Kanutshinyi, kanuzakadi! Nuikale ne bukitu, kabidi ne muoyi mukole. Maweja-Nangila neenzele baluishi benu bonsu banudi nuluangana nabu amu nanku.

Yoshua 10:9

Yoshuwa ne bena mvita bavuaye nabu bamane kuenda butuku bujima biangatshile ku Ngilgale, kubundulabu bena Amore tshimpitshimpi, bena Amore kabayi banji kudilongolola.

Yoshua 11:6

Maweja-Nangila kuambila Yoshuwa ne: — Kubatshinyi to. Malaba pa diba ditudi edi, nemfile bantu aba bonsu mu bianza bia bena Izrayele, bamane kutapika mputa ya lufu. Neukose nyama yabu ya tubalu mifimgu ya mikonu. Newoshe matempu abu a mvita.

Yoshua 8:1

Maweja-Nangila kuambila Yoshuwa ne: — Kutshinyi, kuzakadi. Angata bena mvita bebe bonsu. Nuye kuluisha bena tshimenga tshia Ayi. Meme ndi nkupesha mukalenga wa bena Ayi, bantu bende, tshimenga tshiende, ne ditunga diende dijima.

Balombodi 6:16

Ke Maweja-Nangila kumuambila ne: — Nengikale nebe. Nanku neushipe bena Madiyane, bu bikale amu muntu umue.

Balombodi 7:9

Butuku abu, Maweja-Nangila kuambila Ngideyone ne: — Juka, uye kubunda bena Madiyane badi mu mitanda yabu. Bualu meme ndi nkupeshabu.

1 Samuele 17:47

Bena Izrayele bonsu nebajadike ne: Maweja-Nangila bua kutshimunaye, kena ukengela muela, nansha musongolu to. Udi mfumu wa mvita eyi. Neanufile nuenu bena Peleshete mu bianza bietu.