Yoshua 10:40 - MUKANDA WA MYIDI MUKULU

⁴⁰ Yoshuwa kukuata ditunga dijima. Kutshimunaye bakalenga bavua ku mikuna, bavua mu tshitupa tshia kuinshi mu ditunga, bavua mu mpata nansha ku muelelu wa Mayi manene a pankatshi pa matunga. Kawa mushiye muntu nansha umue ne muoyi to. Yoshuwa kubutula bantu bonsu, muvua Maweja-Nangila Mvidi Mukulu muambe.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Nunku Yoshua wakalekesha buloba bujima, ne bua ku mikuna, ne bua ku Sude, ne bua mu bibanda, ne bua ku tukunakuna, ne bakelenge babu bonso: kakashiya nansha umue, wakabutula bonso bakadi ne muoyo, bu muakamba Yehowa, Nzambi wa Isalele.

Yoshua 10:40 ပူးပေါင်းရင်းမြစ်များ

1 Bakalenga 15:29

Anu ubuela mu bukalenga, kushipeshaye bena nzubu wa Yerobowame bonsu. Kawa mushiye muntu wa ku ndelanganyi ya Yerobowame nansha umue ne muoyi. Kubabutulaye bonsu bu muvua muambi Akiya, uvua ku Silo, muambile bantu mu dina dia Maweja-Nangila.

Nehemya 9:24

Bantu bebe kubuela mu ditunga edi, kudikuata. Wewe kutekesha bena Kenaane, bua bashale ku bumfumu buabu. Bantu bebe kuenza bu mudibu basue, ne bakalenga ne bisamba bivua muaba awu.

Misambu 9:17

Maweja-Nangila mmudileje mudiye, mmukose nsambu pa yoyi. Muntu mubi mmudikuatshishe mu bukondu buvuaye muele.

Ekesode 34:12

Kadi, kuena mua kutua ndondu ne bantu ba ditunga dinuasomba to. Bualu nudi mua kulonda buenzayi buabu, nuenu kupeta diakabi.

Dibadika 13:17

Bangabanga ne Moshe kutuma batentekedi aba, kubambilaye ne: — Nubuele mu ditunga dia Kenaane amu ku luseke lua kuinshi kua ditunga. Pashishe nuye too ne ku muaba udi mikuna.

Dielulula 1:7

Mpindiewu bangayi luendu tshiakabidi. Nuye luseke ludi ne mikuna, muaba udibu base kudi bena Amore. Nuye kabidi mu buloba budi mutumba ne bena Amore, budibu base kudi bena Kenaane: ke ku mpata ya Yardene, ku mikuna, mu mpata ya luseke lua Mayi manene, mu tshitupa tshia kuinshi tshia ditunga, ne ku luseke lua muelelu wa Mayi manene. Nutungunuke ne luendu too ne ku mikuna ya Lebanone, ne ku musulu munene wa Perate.

Dielulula 2:34

Tuetu kushisha kunyenga bimenga biende bionsu, kubibutuilamu, kushipa balume, bakaji ne bana. Katuena bashiye muntu ne muoyi to.

Dielulula 7:24

Maweja-Nangila neafile bakalenga babu kunudi. Nenubabutule bonsu, kabayi babavuluke kabidi pa buloba. Muntu nansha umue kakunutuila nkanana. Nebabutuke bonsu.

Yoshua 10:35

Kukuatabu tshimenga atshi anu dituku adi. Kubutulabu bantu bonsu bavuamu, bu muvuabu benze ku Lakishe.

Yoshua 10:37

Kukuatabu tshimenga. Kushipabu mukalenga watshi ne bantu bende bonsu. Kunyengabu kabidi ne bimenga bionsu bivua pabuipi, kushipa bantu bonsu ba mu bimenga abi. Yoshuwa kubutula tshimenga tshia Ebrone tshijima, muvuaye mubutule tshimenga tshia Eglone. Uvua mushipeshe bantu bonsu, kakuyi wa kushala ne muoyi.

Yoshua 10:39

Kukuatabu tshimenga atshi ne mukalenga uvuamu. Kukuatabu kabidi ne bimenga bionsu bivua natshi pabuipi. Kushipabu bantu bonsu bavuamu, kabayi bashiye muntu nansha umue ne muoyi to. Yoshuwa kuenzela tshimenga tshia Debire ne mukalenga uvuamu, muvuaye muenzele tshimenga tshia Ebrone ne tshia Libna, ne bakalenga bavuamu.

Yoshua 11:16

Yoshuwa kukuata ditunga dijima: mikuna, tshitupa tshia kuinshi, ditunga dia Ngoshene, mpata, tshibandabanda tshia Yardene, mikuna ne mpata bia ku mutu mu ditunga.

Yoshua 12:8

Uvua mubapeshe mikuna, mpata, tshibandabanda tshia musulu wa Yardene, buloba bua ku muelelu wa Mayi manene, tshipela ne buloba budi kuinshi mu ditunga. Bantu bavua basombela mu ditunga adi bavua: bena Iti, bena Amore, bena Kenaane, bena Perizi, bena Ivi ne bena Yebusa.

Yoshua 18:21

Bimenga bia meku a bena Binyamine bivua: Yeriko, Bete-Ogla, Emeke-Keshise,

Yoshua 6:17

Tshimenga etshi netshibutuke ne bionsu bidimu, bualu mbintu bia kulambula Maweja-Nangila. Nulekele amu Rakabe, mukaji muena tshiendenda, ne muoyi, yeye ne bantu bonsu badi mu nzubu muende. Bualu uvua musokoke batentekedi betu batuvua batume.

Yoshua 8:2

Nenuenzele tshimenga atshi ne mukalenga watshi, anu bu munuvua benzele tshimenga tshia Yeriko ne mukalenga watshi. Kadi wewe ne bena mvita bebe bonsu, nenuangate bintu bionsu binuasangana mu tshimenga atshi too ne bimuna, bishale bintu bienu. Utume bantu panyima pa tshimenga baye kujikidila baluishi padibu kabayi banji kudilongolola.

Yoshua 8:27

Bilondeshile muvua Maweja-Nangila mumane kuambila Yoshuwa, bena Izrayele kuangata anu bintu ne bimuna bivuabu basangana mu tshimenga.

Yoshua 9:24

Bena Ngibone kuandamuna ne: — Teleja tshitudi benzela bionsu ebi. Tuetu tuvua bamane kumvua muvua Maweja-Nangila Mvidi Mukulu webe muambile Moshe, muntu wende, bua kunupa ditunga edi dijima. Uvua mumane kunuambila bua nuenu kubutula bena ditunga edi ku kakese ku kakese, panudi nuenda nusemena. Nanku tuvua banutshine bikole. Tuvua bakeba kudipandisha ku lufu.