Yoshua 10:21 - MUKANDA WA MYIDI MUKULU

²¹ Ke bena Izrayele bonsu kupingana amu katakata muaba uvua Yoshuwa, mu mitanda ivuabu base pabuipi ne Makeda. Mu ditunga adi, muntu nansha umue kuvua ne dikima dia kujana bena Izrayele kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bantu bonso bakahingana kudi Yoshua ku tshitudilu tshia ku Makeda talalâ: kakuakadi muntu wakahotela Bena Isalele kahidi.

Yoshua 10:21 ပူးပေါင်းရင်းမြစ်များ

Ekesode 11:7

Kadi bena Izrayele bonsu too ne bimuna biabu, nansha mbua mene kena mua kubabuikila to. Nanku nenumanye ne: Meme ndi Maweja-Nangila, ndi nsunguluja bena Ejipitu ne bena Izrayele.”

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yeshaya 57:4

Unudi nuseka nnganyi? Unudi nuela bibingu nnganyi? Unudi nuela kadimi nnganyi? Kanuena bana badi bantombokela anyi? Kanuena tshisamba tshia bena dishima anyi?

Yoshua 10:20

Yoshuwa ne bena Izrayele kutshimuna bena Amore menemene, kubabutula bonsu. Amu bantu bakese bavua banyema mvita ke bavua bapande, bapingana mu bimenga biabu, bivuabu bakolesha ne bimana.

Yoshua 10:22

Pashishe Yoshuwa kutuma diyi bua bumushe mabue a wabu bajibika ku mushiku wa lubinga, bapatule bakalenga batanu ba bena Amore, baye nabu kudiye.