Yoshua 10:20 - MUKANDA WA MYIDI MUKULU

²⁰ Yoshuwa ne bena Izrayele kutshimuna bena Amore menemene, kubabutula bonsu. Amu bantu bakese bavua banyema mvita ke bavua bapande, bapingana mu bimenga biabu, bivuabu bakolesha ne bimana.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Hakashikisha Yoshua ne Bena Isalele kubashiha ne dishiha dikole tô ne hakabajimishabo, tshituha tshiabo tshiakadi tshishala, tshiakahuela mu misoko yakadi ne ngumbu.

Yoshua 10:20 ပူးပေါင်းရင်းမြစ်များ

2 Samuele 20:6

Nanku, mukalenga Davide kuambila Abishayi ne: — Mpindiewu, Sheba udi ne lonji lua kutuenzela bibi mupite Absalome. Nanku uye ne bena mvita badi bandame meme. Ulondakaje nabu muntu ewu Sheba, kayi muanji kuya kusokoma mu bimenga bidi ne bimana bikole, bua kutunyemaye.

1 Bakalenga 20:21

Ke muvua mukalenga wa bena Izrayele muluishe Benadade. Uvua mubutule nyama ya tubalu yonsu, munyangakaje matempu a mvita onsu, mushipe bena mvita ba bena Siriya bapite bungi.

2 Kulondolola 13:17

Abiya ne bena mvita bende kushipa bena Izrayele bikole, kushipa bantu binunu nkama itanu bavua bamanye mvita bikole.

Yirmeya 4:5

Umanyishe bena Yuda ne: baluishi bakadi pabuipi. Udimuje bena Yerushalayime. Wele mpungi mu ditunga. Ela mbila ne diyi dikole, ubambile ne: nudisangishe mu bimenga bidibu bakoleshe ne bimana.

Yirmeya 8:14

Tudi basombe muaba ewu bua tshinyi? Tudisangishayi lukasa, tuyayi mu bimenga bivuabu bakolesha ne bimana, tuyayi bua kuindilamu lufu. Eyowa, Maweja-Nangila Mvidi Mukulu wetu, mmumane kutufundila lufu, bua tuetu kunua mayi mabi adi ne lulengu, bualu tudi batombokele Maweja-Nangila.

Dielulula 20:16

Kadi mu bimenga bia mu ditunga didi Maweja-Nangila Mvidi Mukulu wenu munupe bua nudikuate, nenushipemu bantu bonsu, kanuyi nushiya nansha umue ne muoyi.

Yoshua 10:10

Maweja-Nangila kunyemesha bena Amore kumpala kua bena Izrayele. Bena Izrayele kushipela bena Amore bikole, pabuipi ne tshimenga tshia Ngibone. Bavua benda balondakaja bena Amore mu njila wa kubanda ku Bete-Orone, babipata too ne ku Azeka ne Makeda.

Yoshua 10:19

Kadi kanunengakanyi muaba awu to. Londakajayi baluishi benu. Bajikilayi njila, bua kabafiki mu bimenga biabu to. Bualu Maweja-Nangila Mvidi Mukulu wenu mmumane kubafila mu bianza bienu.

Yoshua 10:21

Ke bena Izrayele bonsu kupingana amu katakata muaba uvua Yoshuwa, mu mitanda ivuabu base pabuipi ne Makeda. Mu ditunga adi, muntu nansha umue kuvua ne dikima dia kujana bena Izrayele kabidi to.

Yoshua 11:12

Yoshuwa kutshimuna mu mvita bakalenga bonsu bavua badisangisha abu. Kukuataye kabidi bimenga biabu. Kushipaye bakalenga abu ne bantu bonsu, amu bu muvua Moshe, muntu wa Maweja-Nangila muambe.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.

Yoshua 8:24

Bena Izrayele bavua bashipa baluishi babu munkatshi mua mpata, muaba uvua baluishi abu babalondakaja. Bobu bamane kubutula bena Ayi bonsu, kakuyi kushala muntu nansha umue, kupinganabu kabidi mu tshimenga tshia Ayi. Kubutulabu bantu bonsu bavua bashale ne muoyi.