Yoshua 10:13 - MUKANDA WA MYIDI MUKULU

¹³ Diba kuimana, ngondu kushala kaba kamue, too ne padi bena Izrayele batshimuna bena lukuna babu. Bionsu ebi bivua bienzeka anu bu mudibu bafunda mu Mukanda wa Muntu wa nsongu ne: dituku dijima adi, diba divua dimana kadiyi mua kupueka bua kubuela.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Diba diakimana ne ngondo wakimana tô ne hakadisombuela Bena Isalele kudi bena lukuna babo. Bualu ebu kabuena bufunda mu mulunda wa Yashâ, anyi? Diba diakimana mulu kaba kamue, kadiakabuela lukasa tô dituku dijima.

Yoshua 10:13 ပူးပေါင်းရင်းမြစ်များ

2 Samuele 1:18

Kutumaye diyi bua balongeshe bena Yuda musambu awu. Badi binyika musambu awu ne: “Kasala ka madilu ka buta bua mikete.” Bavua baufunde mu Mukanda wa muntu wa Nsongu, mushindu ewu:

2 Bakalenga 20:10

Izkiya kuandamuna ne: — Bua mundidimbi kuya kumpala pa bidiatshilu dikumi, mbualu bukese. Nanku, ndi musue bua upingane panyima.

Estere 8:13

Bavua bamanyisha bena Yuda mukanda ewu mu matunga onsu, bua bawangate bu diyi diela kudi mukalenga, kabidi bua bamone mua kudisombuela kudi bena lukuna babu dituku adi.

Yobe 9:7

Udi ukandika diba bua kadipatuki, udi ukangila mitotu mu nzubu kayiyi ikenka kabidi.

Misambu 148:3

Diba ne ngondu, numutumbishe. Mitotu yonsu idi ikenka, numutumbishe.

Misambu 19:4

Kabiena biyukila, kabiena biamba bualu, katuena nansha tunwua tshintu.

Yeshaya 24:23

Pashishe ngondu neakunzubile, diba nedibuitshidile ne bundu. Bualu Maweja-Nangila muena bukole buonsu, neadie bumfumu mu Yerushalayime pa mukuna wa Siyone. Bakulu ba ditunga, nebamone butumbi buende.

Yeshaya 38:8

Mundidimbi ukadi mubuikila tshibandilu tshia Akaze tshidi pambelu mu munya. Nanku Maweja-Nangila neabandishe tshiakabidi bukenke bua diba pa bidiatshilu dikumi bia tshibandilu atshi!” Bulelela diba divua ditokesha tshiakabidi bidiatshilu dikumi bivua mundidimbi mumane kubuikila.

Yowele 2:10

Padi mpasu eyi isemena pabuipi, buloba budi buzakala, diulu didi dinyungakana, ngondu ne diba bidi bibuitshidila, mitotu kayena ikenka kabidi.

Abakuke 3:11

Padi mikete yebe ipitakana lubilu, difuma diebe dikenka, dibalakana, diba ne ngondu bidi bimana, bibuela mu nzubu.

Dibadika 21:14

Ke padibu bafunde mu Mukanda wa mvita wa Maweja-Nangila ne: “…Vahebe mu Sufa, ne misapa yende, Amone

Dibadika 31:2

— Uye kunyoka bena Madiyane bua kusombuela bena Izrayele badibu benzele bibi. Pashishe neushiye buloba.

Matayi 24:29

— Pajika matuku a dikenga awu, diakamue diba kadiakumueneka kabidi, ngondu kakukenka, mitotu neituke mulu, makole a mulu neanyungakane.

Matayi 5:45

Nanku nenuikale bana ba Tatu wenu udi mu diulu, bualu Yeye udi ubandishila bantu babi ne bantu bimpe diba diende; kabidi udi utekesha mvula bua bantu bonsu, bua badi benza bimpe, ne bua badi benza bibi.

Luke 18:7

Kadi Mvidi Mukulu kakukosa nsambu ya bena diende badi bamubila munya ne butuku pa yoyi anyi? Kakubambuluisha pa lukasa anyi?

Bienzedi 2:20

Dituku dinene dia Maweja-Nangila, dituku dia butumbi, kadiyi dianji kufika, diba nediandamuke miidima, ngondu neakunze bu mashi.

Yoshua 10:11

Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Yoshua 10:14

Katshia ne katshia, bualu bua mushindu ewu kabuvua buanji kuenzeka to; kabidi kabuakuenzeka matuku adi kumpala. Maweja-Nangila kukumbaja tshivua muntu mumulombe. Nanku yeye nkayende uvua uluila bena Izrayele mvita.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Didimanyisha 6:10

Kuelabu diyi dikole ne: “Mfumu wa Tshijila, udi ukumbaja biudi mulaye, nealumbuluishe ba pa buloba diba kaayi? Utshidi amu windila, kuyi unyoka bavua batushipe anyi?”

Didimanyisha 6:12

Pashishe meme kumona Muana wa mukoku ulamuna tshitampi tshisambombu. Tshikumina tshikole kuenzekatshi. Diba kufuka, bu tshilamba tshia madilu. Ngondu mujima kukunza bu mashi.

Didimanyisha 8:12

Mutumibue muinayi kuela mpungi. Kutuutabu tshia bisatu tshia diba, tshia ngondu, ne tshia mitotu. Nanku tshia bisatu tshia bukenka buabi kujimina. Muvua amu miidima tshia bisatu tshia dituku, ne tshia bisatu tshia butuku kabidi.

Balombodi 16:28

Shimeshone kutendelela Maweja-Nangila, wamba ne: — Maweja-Nangila Mvidi Mukulu, umvuluke! Umpeshe bukole buanyi bua kale anu musangu ewu. Eyi, Mvidi Mukulu, mpete mushindu wa kusombuela bena Peleshete, bonsu pamue, bua mesu anyi adibu bashipe.

Balombodi 5:2

Mu Izrayele, muntu yonsu mmusulule nsuki yende. Bena Izrayele mbadifile ku mvita: Nuele Maweja-Nangila tuasakidila!