Yoshua 10:11 - MUKANDA WA MYIDI MUKULU

¹¹ Pavua bena Amore banyema bena Izrayele, bapuekela luseke lukuabu lua mukuna wa Bete-Orone, Maweja-Nangila kubatokeshila mvula mukole wa mabue. Mvula awu kukuatshila bena Amore too ne mudibu bafika ku Azeka. Bantu balume bavua bafue ku mabue a mvula awu bavua ba bungi, bapite bavua bena Izrayele bashipe ku miele mu mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hakanyemabo ku mpala kua Bena Isalele, ne hakadibo bahueka ku tshibanda tshia Bete-holona tô ne ku Azeka, Yehowa wakahamatshishila mabue a nvula mu diulu ne bakafua: bantu bakafua ku mabue a nvula bakahita bungi bua bantu bakashihabo ku miele ya nvita kudi Bena Isalele.

Yoshua 10:11 ပူးပေါင်းရင်းမြစ်များ

Genese 19:24

Diba adi Maweja-Nangila kulokesha mu Sodome ne Ngomore mvula wa kapia kakole ka mfundanga, kela ndimi.

2 Samuele 18:8

Mvita ivua mitangalaka mu ditu dijima. Bantu bavua badifuile nkayabu muitu, bavua ba bungi, bapite bavuabu bashipe mu mvita.

Yobe 38:22

Ukadi mufike mu mayeba, miaba indi ndama neje ne mabue a mvula anyi?

Yobe 38:23

Mvua mubilamine mu tshikondu tshia makenga, bua matuku a mvita ne a ndululu.

Misambu 11:6

Bena tshikisu neabalokeshile makala a kapia ne bikanganya. Neabanyoke ne lupepele lua mvunde.

Misambu 147:17

Udi unyaka tubue tua mashika, kakuyi muntu ukolela mashika adiye utuma.

Yeshaya 28:2

Kadi Maweja-Nangila neatume muntu udi ne bukole, udi mufuane mvula mukole wa mabue, nansha tshipupu tshidi tshinyangakaja bionsu. Udi bu mvula wa mudimbi, wa mayi mapasalala miaba yonsu. Maweja-Nangila udi olola tshianza, utonkola tshimenga panshi musangu umue.

Yeshaya 28:21

Maweja-Nangila neafike, neakuate mudimu, muvuaye muenze pa mukuna wa Perashime, muvuaye muenze mu mpata wa Ngibone. Kadi mudimu wende neukemeshe bantu.

Yeshaya 30:30

Maweja-Nangila neakule. Bantu nebumvue bukole bua diyi diende. Nealeje mudiye ne diboku dia bukole, dia kunyoka nadi bantu. Nealeje bantu patoke, mudi tshiji tshiende tshikole. Neabatumine kapia, kadi kosha kashidisha. Neabatumine mvula wa mudimbi, wa mabue, ne nkuba.

Yezekiyele 13:11

Nanku, wambile balabi ba lupemba abu ne: Tshimana netshiupuke. Mvula mukole nealoke. Mabue a mvula neapone. Tshipepele tshia mvula wa tshipupu netshijuke.

Dielulula 20:4

Maweja-Nangila Mvidi Mukulu wenu udi nenu. Neanuluile mvita ayi, bua nuenu kubatshimuna!”

Didimanyisha 11:19

Ke nzubu wa Mvidi Mukulu udi mu diulu, kunzuluka. Mushete wa ndondu kumuenekamu. Mikenya, mikungulu, makubakuba, tshikumina kuenzeka, kabidi mvula mukole wa mabue kuloka.

Didimanyisha 16:21

Mvula wa mabue kuloka, mabue a bujitu bua kilo bu makumi anayi. Kutuutawu bantu. Bu muvua tshipupu tshia mabue atshi tshikole tshipite, bantu bavua amu basendeka Mvidi Mukulu.

Balombodi 5:20

Mu diulu, mitotu kutuambuluisha mu mvita. Pa wayi ilonda njila wayi, ivua iluisha Sisra.