Yoshua 1:7 - MUKANDA WA MYIDI MUKULU

⁷ Wewe kolesha muoyi, kutshinyi to. Kumbaja bimpe mikenji yanyi yonsu ivua Moshe muntu wanyi mukuambile. Kulenguludi mukenji nansha umue. Nanku wewe muyikumbaje yonsu, neupete dikasa dimpe mu bionsu biudi wenza.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Anji kuikala ne bukole ne mutshima wa dikima: udimuke bua kutumikila mikenji yonso yakakuambila muntu wanyi Mose; kusesuka ku tshianza tshia balume anyi ku tshianza tshia bakashi, nunku newikale ne diakalengele kuonso kuwaya.

Yoshua 1:7 ပူးပေါင်းရင်းမြစ်များ

1 Bakalenga 2:2

— Meme nkadi pa kufua. Nanku ukoleshe muoyi, wenze malu bu muntu mukulumpe.

1 Bakalenga 2:3

Witabe Maweja-Nangila Mvidi Mukulu webe. Matuku onsu wenze amu tshidiye musue. Utumikile meyi ende ne mikenji yende. Ukumbaje bionsu bidiye wamba, ne bidiye ulongesha. Ukumbaje bionsu bidibu bafunde mu mikenji ya Moshe. Nanku, newikale muena diakalenga mu bionsu biudi wenza.

2 Bakalenga 22:2

Yoshiya uvua wenza malu adi Maweja-Nangila musue, anu bu muvua nkambua wende Davide muenze. Uvua ulonda tshilejilu tshiende menemene.

1 Kulondolola 22:13

Paudi unemeka, witaba kabidi meyi ende ne mikandu, bivuaye mupeshe Moshe bua kuambila bena Izrayele, newikale ne diakalenga mu bionsu biwenza. Wewe, kolesha muoyi, ikala ne dikima, kutshinyi, kuzakadi.

2 Kulondolola 15:7

Kadi nuenu mpindiewu, nuikale ne bukole, koleshayi muoyi, kanutekeshi mu maboku. Nebanufile bua mudimu unudi nuenza.

2 Kulondolola 26:5

Patshivua Zekarya, uvua mulongeshe Uziya mua kunemeka Mvidi Mukulu, ne muoyi, Uziya kuenza muende muonsu bua kumanya tshidi Maweja-Nangila Mvidi Mukulu musue. Mvidi Mukulu kumusankisha.

Yobe 1:8

Maweja-Nangila kumuebeja ne: — Uvua mumone muntu wanyi Yobe. Pa buloba kapena muntu nansha umue udi mufuanangane nende to. Yeye ke muntu udi unnemeka, ungitaba. Udi muntu muimpe, mubenge malu mabi.

Misambu 80:19

Nenku, katuena tumuka kuudi to, utulame ne muoyi, netukutendelele amu wewe.

Nsumuinu 4:27

Uye amu buludi, kuyi ku dia balume nansha ku dia bakaji. Epuka malu mabi onsu.

Nsumuinu 8:20

Badi bansangana mu njila udibu balonda kudi bantu badi bakeba Mvidi Mukulu, mu njila idi bantu benzelangana bimpe.

Danyele 10:19

Muntu mukuabu kungamba ne: ‘Muntu udi Mvidi Mukulu munange, kutshinyi nansha! Malu onsu adi enda bimpe bualu buebe! Kolesha muoyi, kankamana!’ Patshivuaye wenda ungakuisha, bukole buanyi buvua buenda bupingana. Meme kumuambila ne: ‘Mfumu wanyi, udi mua kungakuisha, bualu udi mumpingajile bukole.’

Dibadika 27:23

Kutentekaye Yoshuwa bianza, bua ikale mupinganyi wende, bu muvua Maweja-Nangila mumuambile.

Dielulula 11:8

Nukumbaje mikenji yonsu indi nnuambila lelu eyi. Neyinuambuluishe bua nukuate ditunga dinuabuela.

Dielulula 28:14

Kanuena mua kubenga nansha kakese mikenji imvua munuambile bua kuya kutendelela mvidie mikuabu.

Dielulula 29:8

Nanku nuvuluke ndondu wenu ne Maweja-Nangila, nukumbaje bidi ndondu awu unulomba, bua nuikale bena diakalenga mu bionsu binudi nuenza.

Dielulula 29:9

Nuenu bena Izrayele, lelu nudi bimane bonsu kumpala kua Maweja-Nangila Mvidi Mukulu wenu, pamue ne bamfumu ba midimu mishilangane, bakulu ba ditunga,

Dielulula 31:7

Pashishe Moshe kubikila Yoshuwa, kumuambila, bena Izrayele bonsu bateleja, ne: — Kankamana! Kolesha muoyi. Wewe neufikishe bena Izrayele bonsu mu ditunga divua Maweja-Nangila mulaye bankambua babu. Wewe neubabanyine miaba ya kuasa.

Dielulula 4:2

Kanusakididi bualu bukuabu ku mikenji ya Maweja-Nangila Mvidi Mukulu wenu, indi munulongeshe. Kanumushi bualu nansha bumue. Nuyikumbaje yonsu, bungi buayi.

Dielulula 5:32

Moshe kuambila kabidi bena Izrayele ne: Nanku nukumbaje bionsu bidi Maweja-Nangila Mvidi Mukulu wenu munuambile, anu mudibi amu.

Yoshua 1:1

Moshe, muntu wa Maweja-Nangila, mumane kufua, Maweja-Nangila kuambila Yoshuwa, muana wa Nune, uvua wambuluisha Moshe ne:

Yoshua 1:8

Nanku ubalulule amu kubalulula malongesha adi mu mukanda wa mikenji. Udikonke, udiele meji bua malu awu, butuku ne munya, bua ukumbaje bionsu bidibu bafunda mu mukanda awu. Nanku, bionsu biudi muele meji a kuenza nebikumbane. Neupete dikasa dimpe.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Yoshua 11:15

Moshe uvua muambile Yoshuwa mikenji ivua Maweja-Nangila mumuambile bua kuenza. Nenku, Yoshuwa uvua uyilonda yonsu.

Yoshua 23:6

Kadi mpindiewu, koleshayi muoyi bua kutumikila ne kukumbaja bionsu bidibu bafunde mu mukanda wa mikenji ya Moshe, anu mudibi amu.