Yoshua 1:6 - MUKANDA WA MYIDI MUKULU

⁶ Kolesha muoyi, kutekeshi mu maboku to. Bualu wewe neulombole bena Izrayele, bua kukuatabu ditunga dimvua mulaye bankambua babu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Ikala ne bukole ne mutshima wa dikima, bualu bua wewe neutahuluke bantu aba buhianyi bua buloba bunakalaya batatuʼabo bua kubahabu.

Yoshua 1:6 ပူးပေါင်းရင်းမြစ်များ

Genese 12:7

Maweja-Nangila kumuenekela kabidi Abrame, umuambila ne: “Ditunga edi nendipeshe ndelanganyi yebe.” Abrame kuashila Maweja-Nangila tshilambuilu muaba mene uvua Maweja-Nangila mumumuenekele.

Genese 26:3

Pawasomba mu ditunga edi, meme nengikale nebe, nkuela lupemba. Ditunga dijima edi nedishale diebe ne dia ndelanganyi yebe. Ke mundi nkumbaja bionsu bimvua mulaye tatuebe Abrahame.

2 Samuele 10:12

Nanku kolesha muoyi, tuluangane mvita eyi ne dikima, bua tusungidile bana betu bena Izrayele, ne bimenga bia Mvidi Mukulu wetu. Maweja-Nangila enza mudiye musue.

1 Bakalenga 2:2

— Meme nkadi pa kufua. Nanku ukoleshe muoyi, wenze malu bu muntu mukulumpe.

1 Kulondolola 22:13

Paudi unemeka, witaba kabidi meyi ende ne mikandu, bivuaye mupeshe Moshe bua kuambila bena Izrayele, newikale ne diakalenga mu bionsu biwenza. Wewe, kolesha muoyi, ikala ne dikima, kutshinyi, kuzakadi.

1 Kulondolola 28:10

Mpindiewu, udi mumone mudi Maweja-Nangila mukusungule bua wewe kumuashila nzubu, bua ikale muaba wende wa tshijila. Nenku, kolesha muoyi, ubange amu mudimu ewu.”

1 Kulondolola 28:20

Pashishe Davide kuamba kabidi ne: — Muananyi, kolesha muoyi, utantamane. Tuadija mudimu ewu. Kutshinyi, kuzakadi! Maweja-Nangila Mvidi Mukulu wanyi kena ukulekela to. Udi nebe, ubambuluisha too ne muwajikija mudimu ewu wa nzubu wende.

2 Kulondolola 15:7

Kadi nuenu mpindiewu, nuikale ne bukole, koleshayi muoyi, kanutekeshi mu maboku. Nebanufile bua mudimu unudi nuenza.

2 Kulondolola 20:11

Kadi bobu badi batupingajila bibi lelu, batuipata mu buloba buuvua mutupeshe!

2 Kulondolola 20:7

Wewe Mvidi Mukulu wetu ke uvua muipate bena ditunga edi pafiki bantu bebe bena Izrayele. Buloba ebu, kuena mubupeshe ndelanganyi ya mulunda webe Abrahame kashidi anyi?

Misambu 27:14

— Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Danyele 10:19

Muntu mukuabu kungamba ne: ‘Muntu udi Mvidi Mukulu munange, kutshinyi nansha! Malu onsu adi enda bimpe bualu buebe! Kolesha muoyi, kankamana!’ Patshivuaye wenda ungakuisha, bukole buanyi buvua buenda bupingana. Meme kumuambila ne: ‘Mfumu wanyi, udi mua kungakuisha, bualu udi mumpingajile bukole.’

Agayi 2:4

Meme Maweja-Nangila ndi nnuambila ne: Wewe Zerubabele, wewe Yeshuwa mutuangaji munene, muana wa Yoshadake, ne nuenu bena ditunga bonsu, koleshayi muoyi, tuadijayi mudimu. Meme Maweja-Nangila wa bukole buonsu, ndi nnulaya ne: nengikale nenu.

Zekâya 8:9

Maweja-Nangila wa bukole buonsu, udi wamba ne: “Koleshayi muoyi! Mpindiewu nudi bumvue malaya, avua bambi bamane kunuambila mu dina dianyi, tshikondu tshiyuabu babange kuasulula tshitaku tshia nzubu wanyi.

Dibadika 26:53

— Upeshe tshisamba tshionsu muaba wa kuasa, bilondeshile bungi bua bantu.

Dibadika 33:53

Nukuate ditunga diabu, nusombemu. Ditunga nedishale dienu, bualu ndi mumane kunupeshadi.

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

Efeze 6:10

Nanku, kebayi bukole pa kudisanga ne Mfumu, bualu buende mbupite!

Dielulula 1:21

Tangilayi: Maweja-Nangila Mvidi Mukulu wenu mmunupe ditunga dinudi bamone edi. Nanku koleshayi muoyi, kanutshinyi. Yayi, nukuate ditunga edi, bu muvua Maweja-Nangila, Mvidi Mukulu wa bankambua benu, mumane kuamba.”

Dielulula 1:8

Ditunga edi dijima ke dimvua mulaye bankambua benu Abrahame, Izake, Yakobe, ne ndelanganyi yabu. Ndi nnupeshadi. Nuye kudikuata.”

Dielulula 11:8

Nukumbaje mikenji yonsu indi nnuambila lelu eyi. Neyinuambuluishe bua nukuate ditunga dinuabuela.

Dielulula 31:23

Pashishe Maweja-Nangila kukolesha Yoshuwa, muana wa Nune, ku muoyi, umuambila ne: “Kutshinyi, kuzakadi. Wewe neufikishe bena Izrayele mu ditunga dia Kenaane dimvua mubalaye. Meme nengikale nebe.”

2 Timote 2:1

Muananyi, utantamane mu dinanga dia Mvidi Mukulu ditudi nadi patudi tudisanga ne Yezu Kristu.

Yoshua 1:18

Muntu yonsu udi ukutombokela, ubenga mua kutumikila biudi wamba, nebamushipe. Kadi wewe kolesha muoyi. Kutekeshi mu maboku to!

Yoshua 1:7

Wewe kolesha muoyi, kutshinyi to. Kumbaja bimpe mikenji yanyi yonsu ivua Moshe muntu wanyi mukuambile. Kulenguludi mukenji nansha umue. Nanku wewe muyikumbaje yonsu, neupete dikasa dimpe mu bionsu biudi wenza.

Yoshua 1:9

Ndi mumane kukuambila ne: kolesha muoyi, kutshinyi, kuzakadi, kutekeshi mu maboku. Bualu meme, Maweja-Nangila Mvidi Mukulu webe, nengikale nebe konsu kuudi uya.

Yoshua 10:25

Yoshuwa kubambila ne: — Kanutshinyi, kanuzakadi! Nuikale ne bukitu, kabidi ne muoyi mukole. Maweja-Nangila neenzele baluishi benu bonsu banudi nuluangana nabu amu nanku.

Yoshua 13:6

Nenukuate kabidi ditunga dia mikuna didi pankatshi pa Lebanone ne Misrefote-Mayime. Bena ditunga adi bonsu badi amu bena Sidone. Padi bena Izrayele basemena ku kakese ku kakese, Meme Maweja-Nangila nembumushile ku bukole bena matunga aa bonsu. Pashishe wewe Yoshuwa, newabanyine bena Izrayele ditunga mu bitupa bishilangane. Neubitshinke anu bu mumvua mukuambile.

Yoshua 18:3

Nanku Yoshuwa kukonka bena Izrayele ne: — Nenuye kukuata ditunga divua Maweja-Nangila Mvidi Mukulu wa bankambua benu munupe diba kaayi? Tshinudi bindile ntshinyi?

Yoshua 21:43

Maweja-Nangila kupesha bena Izrayele ditunga adi dionsu dijima divuaye mumane kulaya bankambua babu. Kukuatabu ditunga adi, kuasamu.

Yoshua 5:6

Bena Izrayele bavua bapitshila mu tshipela bidimu makumi anayi. Ku ndekelu kua tshikondu atshi, bantu balume bavua ne bidimu bikumbane bua kuluangana mvita, mu tshikondu tshikavuabu bamane kumuangata mu Ejipitu, bakavua bamane kufua, bualu bavua batombokela Maweja-Nangila. Maweja-Nangila uvua mumane kuditshipa ne: bantu aba kabakufika mu ditunga dia biakudia bia bungi dimvua mulaye bankambua babu ne: nendipeshe bana benu.

1 Samuele 4:9

Bena Peleshete, jukayi, koleshayi muoyi, tudi bantu balume. Tuetu batekeshe mu maboku, netushale bapika ba bena Ebrewu, bu muvuabu bapika betu. Koleshayi muoyi, tuba-luishayi”!