Yoshua 1:4 - MUKANDA WA MYIDI MUKULU

⁴ Ditunga dienu nedialabale, biangatshile ku tshipela, kuinshi mu ditunga, too ne ku mikuna ya Lebanone ku mutu mu ditunga, biangatshile ku musulu munene wa Perate, luseke ludi diba dipatukila, dipitshila mu ditunga dia bena Iti, too ne ku Mayi manene a pankatshi pa matunga adi luseke ludi diba dibuelela.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Mikalu ya buloba buenu neyikale ku tshihela etshi ne ku Lebanona eu tô ne ku musulu munene dina diau Pelata, buloba buonso bua Bena Hiti tô ne ku mai manene kudi kubuelela diba.

Yoshua 1:4 ပူးပေါင်းရင်းမြစ်များ

1 Bakalenga 10:29

Ditempu dia mvita dimue dia mu Ejipitu, divua ne mushinga wa nkanu mitoke ya mushinga mukole nkama isambombu. Nyama wa kabalu umue, uvua ne mushinga wa nkanu mitoke ya mushinga mukole lukama ne makumi atanu. Bangenda mushinga aba, bavua basumbila kabidi bakalenga ba bena Iti ne ba bena Siriya bintu abi.

1 Kulondolola 18:3

Adadezere uvua mukalenga wa bena Soba mu ditunga dia bena Arame. Uvua utangalaja bumfumu buende too ne ku tshimenga tshia Amate. Tshikondu tshivua Adadezere ukeba mua kukuata buloba buvua ku musulu wa Perate, Davide kumutshimuna.

1 Kulondolola 5:9

Ku luseke ludi diba dipatukila, bavua basomba too ne ku tshipela tshivua tshienza mikalu ya buloba buabu ne musulu wa Perate, musulu wa bena Babilone. Bualu bavua ne bimuna bia bungi mu ditunga adi dia Ngilaade.

Ezela 4:20

Ku kale mu tshimenga amu muvua bakalenga ba bukitu bavua balombola buloba bujima buvua ku luseke ludi diba dibuelela lua musulu wa Perate. Bavua balambuishamu bitadi, bafutshisha milambu mishilangane.

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Dielulula 1:7

Mpindiewu bangayi luendu tshiakabidi. Nuye luseke ludi ne mikuna, muaba udibu base kudi bena Amore. Nuye kabidi mu buloba budi mutumba ne bena Amore, budibu base kudi bena Kenaane: ke ku mpata ya Yardene, ku mikuna, mu mpata ya luseke lua Mayi manene, mu tshitupa tshia kuinshi tshia ditunga, ne ku luseke lua muelelu wa Mayi manene. Nutungunuke ne luendu too ne ku mikuna ya Lebanone, ne ku musulu munene wa Perate.

Dielulula 11:24

Ditunga dijima ndienu. Mikalu yadi idi mushindu ewu: kutuadija ku tshipela tshidi kuinshi mu ditunga, too ne ku mikuna ya Lebanone, idi ku mutu mu ditunga; ku musulu munene wa Perate luseke lua kudi diba dipatukila, too ne ku Mayi manene a pankatshi pa matunga, luseke lua kudi diba dibuelela.

Dielulula 3:25

Anyisha, nsabuke musulu wa Yardene, bua meme kumonaku ditunga dimpe dialabale dia mikuna, didi dishiya dia musulu, kabidi ne mikuna ya Lebanone.”

Didimanyisha 9:14

Diyi divua diambila mutumibue muisambombu uvua mukuate mpungi ne: “Sulula batumibue banayi bavuabu basuike nkanu pabuipi ne musulu wa Perate.”