Yoshua 1:2 - MUKANDA WA MYIDI MUKULU

² — Moshe, muntu wanyi, mmumane kufua. Mpindiewu, wewe udi ne bua kusabuka musulu wa Yardene, pamue ne bena Izrayele bonsu, bua ubafikishe mu ditunga dindi mubapeshe.

Mukanda wa Nzambi Dihungila Dikulukulu ne Dihungila Dihia-dihia 2003

² Mose, muntu wanyi, udi mufue; nunku bika biebe, usabuka musulu eu wa Yadene, wewe ne bantu aba bonso, uye mu buloba bundi mpa Bena Isalele.

Yoshua 1:2 ပူးပေါင်းရင်းမြစ်များ

Genese 17:8

Ditunga edi dijima dia Kenaane diudi upitshila mpindiewu bu muenyi, nenkupeshadi kashidi. Nedishale bupianyi buebe ne bua ndelanganyi yebe. Meme nengikale Mvidi Mukulu wenu.

Nehemya 9:23

Ndelanganyi yabu ivua ya bungi, mipite mitotu ya mu diulu. Udi mubafile bua bakuate ditunga dia Kenaane, diuvua mulaye bankambua babu.

Yobe 1:8

Maweja-Nangila kumuebeja ne: — Uvua mumone muntu wanyi Yobe. Pa buloba kapena muntu nansha umue udi mufuanangane nende to. Yeye ke muntu udi unnemeka, ungitaba. Udi muntu muimpe, mubenge malu mabi.

Yeshaya 42:1

Maweja-Nangila udi wamba ne: Tangila muntu wanyi. Ndi mumukoleshe. Ndi mumunange, mumusungule. Ndi mumuwuje ne Mueyelu wanyi, bua kumanyishaye bukua bisamba bilenga bindi mulongoluele bantu.

Dibadika 12:7

Kadi, bua muntu wanyi Moshe kabiena nanku to. Bualu yeye ke udi ulombola bimpe bantu banyi bonsu bena Izrayele.

Dielulula 3:28

Ulongeshe Yoshuwa malu onsu. Umukoleshe ku muoyi, ashindike muoyi wa munda. Bualu yeye nealombole bena Izrayele, bua kusabukabu musulu wa Yardene, too ne muafikabu mu ditunga diudi umona edi.”

Dielulula 31:7

Pashishe Moshe kubikila Yoshuwa, kumuambila, bena Izrayele bonsu bateleja, ne: — Kankamana! Kolesha muoyi. Wewe neufikishe bena Izrayele bonsu mu ditunga divua Maweja-Nangila mulaye bankambua babu. Wewe neubabanyine miaba ya kuasa.

Dielulula 34:5

Moshe, muntu wa Maweja-Nangila, kufuila mu ditunga dia Mowabe, anu bu muvua Maweja-Nangila mumane kuamba.

Yoshua 1:1

Moshe, muntu wa Maweja-Nangila, mumane kufua, Maweja-Nangila kuambila Yoshuwa, muana wa Nune, uvua wambuluisha Moshe ne:

Yoshua 1:11

bua bendakane mu mitanda, bambile bantu bua bakumbaje mikenji itudi tutela eyi: “Nuenu bena Izrayele, nulongolole biakudia. Bualu papita matuku asatu, nenusabuke Yardene bua kuya kukuata ditunga didi Maweja-Nangila Mvidi Mukulu wenu munupeshe bua kusomba.”