Yobe 9:4 - MUKANDA WA MYIDI MUKULU

⁴ Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴ Yeye udi ne meji mu mutshima, ne udi ne bukole buhite, muntu kai wakukolesha mutshima wandi ku mpala kuandi ne wakutula dikasa dimpe?

Yobe 9:4 ပူးပေါင်းရင်းမြစ်များ

2 Kulondolola 13:12

Mpindiewu, Maweja-Nangila nkayende ke udi utulombola. Batuangaji bende apa badi bakeba kuela mpungi, bua kuleja tshimanyinu tshia mvita, bua kunuluisha. Nanku, nuenu bena Izrayele, kanuluishi Maweja-Nangila Mvidi Mukulu wa bankambua benu, bualu kanuakutshimuna mvita to.

2 Kulondolola 20:6

Kutendelelaye, wamba ne: — Maweja-Nangila, Mvidi Mukulu wa bankambua betu, wewe udi musombe mu diulu. Bisamba bionsu bidi ku bumfumu buebe! Wewe udi ne bukole buonsu, kabidi ne bumfumu. Nanku, kakuena muntu udi mua kutua nkanana kumpala kuebe.

Yobe 11:6

Bu yeye mua kukuleja mushindu udiye ukuata mudimu ne meji mu musokoku, mudimu utudi tuetu bantu katuyi mua kujingulula, nanku diba adi uvua mua kujingulula ne: Mvidi Mukulu udi ulengulula bilema biebe bia bungi.

Yobe 12:13

Kadi udi ujingulula malu, udi lungenyi lutue, udi amu Mvidi Mukulu. Yeye udi kabidi ne bukole ne meji, bidiye ne bua kukumbaja.

Yobe 15:13

Udi ufikila Mvidi Mukulu munda, umujana bua tshinyi?

Yobe 23:6

Mvidi Mukulu udi ne bua kunduisha muende muonsu anyi? Too, mbikumbane bua anteleje ne ntema.

Yobe 24:22

Kadi Mvidi Mukulu udi ne bukole bua kubutula bena tshikisu. Padiye ujuka bantu babi badi bafue.

Yobe 25:2

Mvidi Mukulu udi ne bumfumu ne bukalenga budi bukuatshisha bowa. Udi ufila ditalala too ne mu diulu.

Yobe 28:23

Amu Mvidi Mukulu mmumanye muaba udiwu afuma. Yeye nkayende ke udi mujingulule muaba udi nzubu wa meji.

Yobe 36:5

Nansha Mvidi Mukulu ne bukole bupite, kena upetula muntu to. Udi Mfumu muena diyi dimue.

Yobe 37:23

Mvidi Mukulu mmuena bukole buonsu. Katuena mua kusemena pabuipi nende. Udi munene. Bidiye wenza bionsu bidi bimpe. Kena ukengesha muntu. Tshidiye ne bua kutuambila ntshinyi?

Yobe 38:36

Uvua muambile nyunyi wa ibise ne musulu wa Nile newuwule nnganyi? Udi mumanyishe nzolu wa tshitala ne mvula nealoke nnganyi?

Yobe 38:37

Udi mua kubala mavuba nnganyi? Udi mua kuitshikija mayi adi mu nyingu ya mulu udiku anyi?

Yobe 40:9

Udi ne bukole bundi meme nabu anyi? Diyi diebe ndikole bu dianyi anyi?

Yobe 41:2

Udi mua kumubunda nnganyi? — Kadi udi mua kumutonuena mesu udiku anyi? —

Yobe 6:10

Diba adi nansha meme muikale ne makenga makole, nentupike nsanka, nenkoleshe muoyi, bualu tshiena mubenge mikenji ya Mvidi Mukulu wa tshijila.

Yobe 9:19

Udi mumpite ku bukole, ndi mua kumuluisha anyi? Kadi yeye, ndi mua kumufunda ku kabadi anyi? Kadi udi mua kumbikidisha ku kabadi nganyi?

Misambu 104:24

Maweja-Nangila, mudimu webe udi munene! Udi muenze bionsu ne dimanya dia kuenza bintu bia mpatshi! Buloba mbuwule ne bintu biudi mufuke.

Misambu 136:5

Kuenzaye diulu ne meji, bualu dinanga diende ndia kashidi.

Ekesode 15:7

Bukole buebe mbupite. Budi butshimuna badi bakubenga. Tshiji tshiebe tshidi tshibosha, bu mudi kapia kosha bisosa.

Ekesode 9:7

Mukalenga wa bena Ejipitu kukonka bantu bende bua kujadika tshivua tshienzeke. Kumuambilabu ne: bimuna bia bena Izrayele kabiena bifua nansha tshimue. Kadi mukalenga wa bena Ejipitu kena mutekete bena Izrayele to. Uvua anu ne tshitunu.

Nsumuinu 28:14

Muntu udi utshina kuenza bibi udi ne diakalenga. Muntu udi upapisha muoyi wende neapete dikenga.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Yeshaya 45:9

Muntu udi ukimina kuelangana mpata ne udi mumufuke, mmuena diakabi. Udi amu luesu lua patupu, lufuanangane ne mikuabu yonsu. Diima didi mua kukonka, udi udifumba ne: “Tshiudi wenza ntshinyi?” Luesu ludi mua kuambila mufumbi ne: “Kuena mumanye mudimu webe, anyi?”

Yirmeya 50:24

Wewe ditunga dia Babilone, mvua mukulongoluele buteyi! Buteyi kukukuata, kuyi nansha mua kudimuka! Bavua bakasangana mukuata mu buteyi! Bualu uvua unduisha meme Maweja-Nangila,”

Danyele 2:20

wamba ne: “Tuelayi Mvidi Mukulu tuasakidila diba dionsu! Yeye udi ne meji ne bukole.

Nahume 1:3

Maweja-Nangila kena ufika munda lukasa, udi ne bukole bupite. Kadi kena ubingisha muntu udi mupile. Padi Maweja-Nangila wenda, tshipepele tshikole tshidi tshijuka. Mavuba ke lupuishi ludiye ujula padiye wenda.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?

Efeze 1:19

Nenumanye kabidi bukole busunguluke budiye utuambuluisha nabu, tuetu badi bamuitaba. Bobu mene ke buvuaye muleje muende muonsu,

Efeze 1:8

Uvua mutunange bikole. Ke muvuaye mutupeshe lungenyi ne meji, bua tujingulule bidiye wenza.

Efeze 3:10

Kadi mpindiewu, Tshisumbu tshia bena ditaba tshidi tshimanyisha mamfumu ne makole a mulu, meji a mishindu ne mishindu adi Mvidi Mukulu nawu.

Efeze 3:20

Mvidi Mukulu udi ne bukole bua kuenza bipite ne bitudi tulomba, nansha ne bitudi tuelela meji. Bualu, bukole budiye ukuata nabu mudimu munda muetu mbupite.