Yobe 9:24 - MUKANDA WA MYIDI MUKULU

²⁴ Padi ditunga mu bianza bia muena tshikisu, Mvidi Mukulu udi ufofamija mesu a bakoshi ba nsambu. Padiye kayi muenze nanku, mukuabu udi mua kuenza nanku nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Buloba budi bufidibua mu bianza bia bantu babi; yeye udi ubuikila mesu a balumbuluishi babu. Bikaleye kayi wenza nunku,— udi wenza bualu ebu nganyi?

Yobe 9:24 ပူးပေါင်းရင်းမြစ်များ

2 Samuele 15:30

Mukalenga Davide kubanda mukuna wa olive, wenda udila. Uvua mudibuikila tshilamba ku mesu, wenda ku makasa kutupu. Bantu bonsu bavuaye nabu, bavua anu badibuikila bilamba ku mesu, benda badila.

2 Samuele 19:4

kupinganabu mu tshimenga mu musokoku ne bundu, bu mudi bena mvita benza padibu banyema mvita.

Estere 6:12

Pashishe Mordekayi kupingana ku tshiibi tshia lupangu lua bukalenga. Amane kupingana lukasa kuende, mudibuikile tshilamba ku mesu bua bundu buvuaye nabu.

Estere 7:8

Amane kudiela mu nkuasa wa tshisaka, muaba uvua Estere musombele. Diba adi mukalenga kufika mu nzubu wa didia, utumina mu lupangu. Kuelaye diyi ne: — Mulumiana ewu udi musue kabidi kuibidila mukajanyi pambidi ku bukole, bua kumufikisha ku bubi, mu nzubu muanyi, meme mutangile anyi? Amu mukalenga wamba miaku ayi, bena mudimu kusuika Amane tshilamba ku mesu.

Yobe 10:3

Paudi unkengesha nenku, udi wipatshila tshinyi? Udi upepeja tshiudi wewe mufuke bua tshinyi? Muudi useka paudi umona meji adi bantu babi bela mbishi?

Yobe 12:17

Mvidi Mukulu, udi wendesha ku makasa kutupu bavua balombola ditunga. Udi ujimija lungenyi lua bantu bavua balumbuluila bantu nabu.

Yobe 16:11

Mvidi Mukulu mmumfile kudi bansonga bena buenzayi, mmunteke mu bianza bia bantu babi kabayi ne mikenji.

Yobe 19:7

Pandi ngela mbila bua bangambuluishe, muntu nansha umue kena unteleja. Ndi ndomba bua bakose nsambu yanyi pa yoyi, muntu nansha umue kena undumbuluila.

Yobe 22:8

Kadi wewe kuanyisha bua bantu badi ne bukole bakuate ditunga, bua bantu badi baditambisha bambe ne: ke muetu emu.

Yobe 24:12

Mu tshimenga, bantu badi batua mikemu, badi bapunga ne lufu, bela mbila. Kadi Mvidi Mukulu kena uteleja miadi ya bantu abu nansha.

Yobe 24:25

Kadi tshindi ngamba meme ntshilelela! Udi mua kuntuisha bu muena dishima nnganyi? Udi mua kungamba ne: udi mutupakane, udiku anyi?

Yobe 32:2

Kadi Elihu, muana wa Barakele wa mu tshisamba tshia Buze, mu diku dia Arame, kufika munda bikole, bualu Yobe uvua udibingisha, upisha Mvidi Mukulu.

Misambu 17:14

Ubabutule, ubajikije mu bantu. Ubanuishe lulengu luuvua mubalamine. Bana babu banue buukute, biikulu babu balabule luvua lushale!

Muambi 4:1

Meme kumona kabidi mudi bantu bakengeshangana mishindu yonsu pa buloba. Badibu bakengesha badi badila, kadi kakuena muntu nansha umue udi ubambuluisha! Badi babatatshisha ke badi ne bumfumu. Ke mudi muntu mukuabu nansha umue kayi mua kubambuluisha.

Yirmeya 14:4

Babidime badi ne dibungama. Kanyinganyinga kadibu naku kadi kamueneka. Badi bamona buloba buela mitanta, bualu mvula kavua muloke to.

Danyele 4:17

Uvua mumone mutshi munene, mukole, matamba a kulu matue mu diulu. Bantu bonsu ba pa buloba bawa baumona!

Malaki 2:17

Nudi nutondesha Maweja-Nangila ne mayuki enu. Nudi nukonka ne: “Tudi tumutondesha munyi?” Bidi bimutonda ke miaku inudi nuamba ne: “Maweja-Nangila udi wanyisha muntu udi wenza malu mabi. Tshianana uvua mua kunyoka bantu ba mushindu ewu. Ke kabidi miaku yenu ya ne: “Mvidi Mukulu utu ukosa nsambu pa yoyi, udi penyi?”