Yobe 8:9 - MUKANDA WA MYIDI MUKULU

⁹ Tuetu mbatulele amu makelela ewu, katuena bamanye bualu nansha bumue. Matuku etu a panu adi apita bu mudi mundidimbi, adi bu dileji didi dijimina.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua tuetu ludi anu bu bantu bakalelabo makelela, katuena bamanye bualu, bualu bua matuku etu a ha buloba adi anu bu mundidimbi.

Yobe 8:9 ပူးပေါင်းရင်းမြစ်များ

Genese 47:9

Yakobe kuandamuna ne: — Ndi muendakane eku ne eku bu muenyi, ne ntatu ne makenga, bidimu lukama ne makumi asatu. Kadi bidimu ebi mbikese, bualu kabiena bungi bua bidimu bia bankambua banyi bavua pabu bendakanyi to.

1 Kulondolola 29:15

Katuena ne diyi dia kuamba kumpala kuebe nansha. Tudi anu bu benyi ne bena luendu, bu muvua bankambua betu. Matuku atudi tusomba pa buloba adi apita bu mundidimbi, katuyi ne ditalala.

2 Kulondolola 10:6

Mukalenga Robowame kukonka lungenyi kudi bakulu bavua tatuende Shelomu wenza nabu mudimu, patshivuaye ne muoyi. Robowame kubakonka ne: — Nudi numpeshaku lungenyi kaayi bua meme kuandamuna bantu aba?

Yobe 14:1

Muntu udi amu bu muana mulela kudi mukaji. Udi usomba panu amu matuku mabale ku minu, mu dikenga ne mu lutatu.

Yobe 14:2

Muntu udi bu tshilongu tshidi tshibaluluka, tshifubidila musangu umue. Udi upita, ujimina diakamue bu mundidimbi.

Yobe 32:7

Meme kuamba ne: “Bakulumpe banji kuakula. Bantu bakadi bamane kulala panu, mbamane kulongesha bantu nabu meji.”

Yobe 7:6

Matuku anyi a panu adi aya lubilu bu lua buatu bua mashinyi a mutedi wa bilamba. Adi enda ajika, tshiyi mua kutekemena tshintu.

Yobe 8:10

Kadi bankambua betu kabena mua kukulongesha, kukumvuija bivuabu balonga panu anyi? Nebabuelele tusumuinu ne:

Misambu 102:11

Bualu udi ne tshiji, udi mufike munda, ke paudi mungambule, mungimanshe kule.

Misambu 102:12

Matuku anyi a panuapa adi bu mudi mundidimbi wa dilolu, ndi mfuba bu tshisosa.

Misambu 144:4

Muntu udi amu bu lupepela, matuku ende a panu adi bu mundidimbi udi ujimina.

Misambu 39:5

Maweja-Nangila, nemfue diba kaayi? Nenshale kabidi ne muoyi matuku bungi munyi? Ungandamune bua mmanye matuku autshidi muntapile.

Misambu 82:5

“Kadi kanuena numvua, kanuena bamanye tshintu nansha tshimue, nudi mu miidima, nuenda nububuta, ke padi bantu bakeba kubutuka.

Misambu 90:4

Bidimu tshinunu bidi bipi ku mesu kuebe, bu dituku dia makelela didi dimane kupita, anyi bu meba makese a butuku.